الأعضاء الإشتراك و التسجيل

الملتقيات
ADs

كيف شعورك بعد ما عشت اكثر من سنه في امريكا ندمان والا..

كيف شعورك بعد ما عشت اكثر من سنه في امريكا ندمان والا..


NOTICE

تنبيه: هذا الموضوع قديم. تم طرحه قبل 2649 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة Vit E
    السلام عليكم

    الموضوع فعلا فعلا فعلا على الجرح

    انا عن نفسي ليا ثلاثة شهور .. ومارح اكذب على نفسي اذا قلت اني اوقات كثيرة اندم على قرار الايتعاث .. ما كنت اعتقد اني اعشق وطني لهذا الحد ... في الغربة عرفت قد ايش انا انتمي للسعودية .. ولبنات بلدي .. احس بالراحة لما اكون فوسطهم .. واحس بالراحة لو في معايا في الكلاس احد من السعودية .. الشعور بالانتماء شعور جدا رائع وحزين في نفس الوقت
    امريكا ليست كما اعتقدت ...بلد عادي جدا وبسيط جدا .. ولكن منظم
    في امريكا كثير من اهلها خففو عليا بتعاملهم الراقي .. الراقي جدا .. ناس فعلا يحترموك ويخافو عليك ويهتمو فيك.. هم بشر .. ولكن بشر باخلاق اسلامية كان من المفروض ان نتحلى بها ...
    الغربة مرة .. وصدق اللي قال .. السفر يعلم الكثير ... السفر مسؤولية يبغالها قوة وجلد وسيطرة على الامور
    صادف انني الى الان لم اذق طعم السياحة في امريكا ولا اعتقد في بعض الاوقات اني فيها بحكم اني في مدينة صغيرة تقع بالقرب من حدود المكسيك .. ولكن اجمل ما فيها العوائل السعودية وهذا اللي مصبرني بالاضافة الى رخص المدينة مقارنة بامريكا
    شئ كبير يفقده الانسان في الغربة .. الوطن .. المسكن .. الانتماء وبالتالي السعادة
    انا عن نفسي كنت انسانة اكثر ايجابية وسعادة في بلدي .. ولكن الان صرت اكثر قوة ومسؤولية وصبر وتحمل
    هنا مافي دلع .. هنا دراسة وشغل ومشي وجري جري جري
    هنا امريكا !!!!

    شكلي طولت ,, بس كنت محتاجة هالفضفضة
    على فكرة ما اتمنى احد يحبط من كلماتي .. كل انسان يختلف عن الثاني وانا انسانة صحيح سريعة التكيف لكن سريعة التاثر ايضا ..ويمكن هذا عائد لانه المدينة اللي انا فيها مدينة دراسية بحتة وصغيرة وصحراوية وما فيها اللي يشرح الخاطر

    اتمنى للجميع التوفيق يارب
    ماأجمل الكلمات إذا كانت من القلب بصراحة أهنيك أختي على التلقائية في الوصف وموفقة إن شاء الله ..
    7 "
  2. مو ندمانه قد ماني تعبانه

    من الغربه والمسئوليه كل شي عليك مقاضي اجار باصات تتمرمط فيها ...الخ
    بس كل هذا يهون عند شي واحد اللي هو الشوق
    الشوق يذبح خصوصا الام والابو

    تقدر ترجع وتقطع اللي بديته بس مو هذا عشم اهلك فيه

    ماهو شعور ندم ابدن بالعكس رغم كل هالتعب كلي امل اني احقق اللي ابيه

    وبالتوفيق
    7 "
  3. لي سنة ونص بامريكا بالعكس مو متندمة ياريتني متقدمة بالجية
    بصراحة امريكا حلوة لكن احيان ضغوط الدراسة او المرافق اللي معاك هو اللي ينكد عليك
    لكن بشكل عام الحياة حلوة هنا انا ماقصد الامريكان شعب رهيب لا اقصد السيستم هنا حلو
    لدرجة مادري وشلون بعيش في السعودية مرة ثانية
    السعودية مافيها شي زين الا الحرمين اما الباقي ولاااااشي
    ومشكور على الموضوع
    7 "
  4. الحقيقه , الموضوع هدا عاجبني كتير
    كان ليا مده ودي اعبر للشباب عن المشاعر الي راح يعيشوها هناك ,
    لانوا بصراحه قبل السفر يجيك الواحد على وشو كأنوا خلاص ما بعد هالسفره كدر ,
    والمشكلة انو الشخص يطير الى بلد الابتعاس منشحن من العيله والزملاء ويكبروا الحاجه هادي براسوا ,
    حتى انو يصدق انوا راح يجيب جائزه نوبل والزي منهو ,
    و لما يوصل يلاقي نفسه في بيئه بشريه عاديه ,
    ناس بتاكل وبتشرب وتعمل وتعيش ,
    وان المدرسة هيا المدرسة قرف ومزاكرة ,
    و زيادة اعتمادية على النفس , بتغسل ملابسك و صحونك وشقتك وبتطبخ و تنفخ وتدفع وتوقع وتعدل وتتكلم وتودي وتجيب وكلووو كوم والملحقية كوم
    وكمان مكتب الايمقريشني كوم لحالو يقرف اهلك ,
    كانك بنقالي , ازا يبغا يطلع يوم الجمعه يصلي في الحرم لازم يكلم عمته علشان ماتزعل ,
    وخليك تغلط , تعيش وضع سكان كيلو 14 اذا جاتهم الجوازات ,
    وبشكل عام, التجارب بتختلف , وتعتمد على شخصية الشخص نفسو ,
    لكن الزكي هوا الي يعد نفسوا ويدرك اهمية المرحله و ثقل الحمل والاهل و يقدر حجم المسؤوليه المناطه بيه ويجعل كل الحاجات هذي في كفة الدوافع له ,
    ترا هادي مو مثاليات والله كلام حقيقي ,
    لان الشخص بعد مايحس انو الاشياء من حوله بتتغير ولفترة طويله يبدا ينقرف ,
    ويبدأ اكثر تمسكاً بما عهده من قبل , يحن لصوت الازان ولجمعة العيله ولفلة الشباب و السهرات , والاكل الطيب ,

    اعرف شباب من اول تذكرة طلبها من الملحقيه ما رجع ابد ,
    واعرف شباب كمان من يوم جيت انا قد رجعت البلد اكتر من مرة وهو مارجع ولا مره ولا يبغى يرجع ابد ,
    امريكا هي الاولى على كافة المستويات دراسياً , ترفيهياً , شعباً , في كل شي ,
    لا ينقصك الا قوة القلب , والعزيمة ,

    اتزكر جلست اول 4 شهور ,
    يابويا بعض الاحيان اقول يابولينا انتا اشلك واشل الدكتوراه,
    ياعم بطل دفارة وارجع اتزوج مثل عيال العمه و اتوظف في بنك ب9 الف وريح مخك ,
    واقعود افتكر انو لسا قدام 4 سنوات على شان يكتبوا حرف دال قدام اسمي ,
    واجلس اسوي مشاريع الف فيها شوراع جده على السرير حتى انام ,
    لكن بعدين صرت قاسي مره , وصرت ما اهتم , بمعنى ماصارت النفس لحاحه متل اول , ما عاد تفرق ,
    كلكم حتصيروا قاسين , لان كثرت المواجهات في الحلقات الرسمية تجعل الانسان اكثر قسوة ,
    والقسوة هادي ناتجه عن الممارسة المفرطه للجدية في الحياة اليوميه ,

    يالله عن ازنكم , لا احد يخاف كلو هيمشي ياشباب ,
    الله يوفقكم

    Don't quit! you can do it dood
    7 "
4 من 7 صفحة 4 من 7 ... 345 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.