كلامك صحيح 100%
اللي يقهر المواضيع المكررة يعني مثلا أي واحد مايكلف على نفسه ياخذ لفه بالقسم قبل مايطرح اسئلته
اللي ممكن مايلقى لها الاجابة الشافية لأن الأعضاء اسهبوا بـ 20 موضوع يخص الاسئلة اللي يدور اجاباتها
العام من قبل ماتبدأ المرحلة الخامسة كنت اقرا في مواضيع المرحلة الرابعة واسجل كل المعلومات اللي ابيها
والخطوات بمفكرة على سطح المكتب << ياليت كل الطلاب يسوون كذا عشان مايضيعون وقت غيرهم بالرد على اسئلتهم
جلست فترة يمكن شهر ما سجلت بالمنتدى بس استفدت كثير
ويوم انقبلت الحمد لله بالمرحلة الخامسة سجلت بالمنتدى عشان اساعد غيري باللي اعرفه من خبرات المراحل السابقة
يعني الحين يسجل طالب بثاني ثانوي يسأل عن المرحلة السابعة !!!
وش نقول له ؟؟
وإلا واحد بالمتوسط يسأل عن المرحلة العاشرة يبي يروح السويد
عشان اللاعب ويلي هامسون << هذا اخوي ههههههههههههه
مثل ماقال الزعيم طالب ينزل 20 جامعة ويقول وش الأفضل ؟؟
طيب ابحث عن كل جامعة بقوقل ويمكن تلاقي مواضيع بمنتديات ثانية تفيدك أكثر
احيانا طالب ينزل موضوع يسأل عن ولاية .. وانا ماعندي أي معلومات عنها استحي أطلع من الموضوع بدون رد
وابحث عن الولاية بكم منتدى وانزل صور واسأل عنها عشان اجاوب على سؤاله
والأحرى ان صاحب الموضوع يسوي كذا بالأول مو يعتمد على غيره بالإجابة و البحث والسؤال
واكيد مثل مااستفدت من المنتدى من واجبي أرد على اللي يحتاج المساعدة
هذا اللي كان بخاطري وودي أقوله من زمان .. أشكرك صاحب الموضوع للتنبيه على هاذي النقاط المهمة
الله يوفق الجميع ويارب ييسر لكم كل أموركم