دخــولــكــمـ يــســعــدنــي
بسم الله الرحمن الرحيم
الحمدلله والصلاة والسلام على رسول الله ، أحب أهني الجميع بعيد الفطر وأقول كل عام وانتم بصحة وعافية ، وأحب أشكر القائمين على هذا المنتدى والاعضاء لأن دخولي لهذا المنتدى كان صدفة ومن دخلته أتطمنت قلت خلآآآآآص لقيت اللي يفيدوني لأني من جاني القبول وانا كل واحد يقول لي كلام وكل واحد يقول اقتراح وبصراحة ضعت بينهم معاد اعرف مين صح ومين غلط لكن ان شاء الله ان كل المذكور هنا في المنتدى واللي بينذكر مستقبلاً صحيح وموثوق.
اول شي انا خريج ثانوي دفعة 1430 \ 1431 هـ والحمدلله كان معدلي مررررة حلو والحمدلله انقبلت في بعثة سابك وخلاص جاني القبول النهائي من كم يوم الدولة أمريكا التخصص هندسة ميكانيكية.
سابك للآن ما اعطونا اي خبر عن الولاية ولا الجامعة بس الدولة والتخصص بحثت في النت عن مميزات بعثة سابك لقيت اكثر من مقال وما عرفت ايها صح يعني :
* هـل هناك سكن او لا؟
* هل هناك سنة تحضيرية او معهد لغة او لا؟
* كم قيمة المكافأة؟
لكن ان شاء الله اني بستفيد منكم وتستفيدوا مني على قدر استطاعتي وان شاء الله أكون عضو خفيف وأسئلتي قليل -مستحيييل- .
مدري وين احط الموضوع بس ان شاء الله هذا القسم الصحيح وشكراً.
رد: دخــولــكــمـ يــســعــدنــي
اقتباس:
المشاركة الأصلية كتبت بواسطة 7αмσσĐɏ AĐ
* هـل هناك سكن او لا؟
* هل هناك سنة تحضيرية او معهد لغة او لا؟
* كم قيمة المكافأة؟
ج1 : اكيد لك سكن بس الظاهر لك اولويه الاختيار عند عائله او سكن الجامعه او بشقه .
ج2 : على ما اعتقد سنه معهد فقط تدرس انقلش " Reading - Writing - Listening " .
ج3 : مكافئه المبتعثين على كلام خويي انها 1850 دولار شهرياً .
والله يوفقك ..
رد: دخــولــكــمـ يــســعــدنــي
يعطيك الف عافية على مرورك بس السكن كم يقتطعوا له من المكافأة وهل هذا المبلغ كافي للمعيشة هناك وهل هذا الكلام اكيد؟؟
شكراً :)
رد: دخــولــكــمـ يــســعــدنــي
اقتباس:
المشاركة الأصلية كتبت بواسطة 7αмσσĐɏ AĐ
يعطيك الف عافية على مرورك بس السكن كم يقتطعوا له من المكافأة وهل هذا المبلغ كافي للمعيشة هناك وهل هذا الكلام اكيد؟؟
شكراً :)
والله وانا اخوك خويي الحين ساكن عند عايله والحمد لله معيشته ماشيه ..
بخصوص الكلام اكيد .. والله هذآ اللي يقوله خويي بغض انه من سابك ..!
هل فيه إختلاف سابك عن البعثه .. والله ما اعرف بس هذا إجابتي لك بحكم انه مبتعث .
رد: دخــولــكــمـ يــســعــدنــي
ابحث أكثر بالمنتدى وان شاء الله تلاقي الاجابة الشافية
اعتقد بعثات سابك تختلف شوي عن برنامج الملك عبد الله للابتعاث الخارجي
الله يوفقك يارب
رد: دخــولــكــمـ يــســعــدنــي
ماشاء الله .. عسى الله يوفقك ويسهل أمرك ويرجعك سالم غانم
ياطويل العمر بالنسبه لـ بعثة سابك .. فـ انا ما عندي خلفيه عنها
لكن بعطيك الكلام الي المنطق يدل عليه ..
لابد أن تكون هناك جامعات مخصصه تناسب سابك وتدري ايش هي محتاجه مبتعثينها يدرسوا بالضبط
لذلك ما اضن انه بيكون الاختيار بكيفك من ناحية الجامعه او المدينه او الولايه .. ربما يكون لك خيارات معينه ماتطلع عنها وهذا كويس لك إن شاء الله
وبالنسبه للسكن .. هي أكيد بتكون أحد اثنين .. أما في سكن خاص للجامعه وهذا احتمال بسيط
والأغلب انه بيكون لك مبلغ مادي بدل سكن .. وأنت تدبر نفسك اما في عائله او شقه او غيرها
ومن المؤكد انه بيكون هناك معهد لغه .. ولا كيف بتدخل جامعه أمريكيه وهم مايعرفوا انت راح تفهم عليهم ولا لا .!!!
لابد بتدرس لغه وبعد ماتاخذ شهادة اللغه .. وقتها تدخل الجامعه التابعه للمعهد وتواصل همتك ونشاطك على الدراسه
ومن ناحية المكافئه وكم قيمتها .. ما اعتقد انه بيفيدك احد الا الي مثل حالتك ونفس طريقة ابتعاثك
لكن اتوقع انه مبلغ كويس وأفضل من راتب المبتعث .. وأحتمال يكون اسمك مسجل انك موظف في سابك ويمشي لك راتب سابك نفسه
وهذي النقطه افضل لك حتى تزود مدة خدمتك وأنت تدرس وحتى تجيلك علاوات وأنت بأمريكا ..
عسى الله يسهل أمرك ويدبرك على الخير
رد: دخــولــكــمـ يــســعــدنــي
الله يعطيكم ألف عافية ويكثر من الناس الطيبين أمثالكم وياليت اذا كان في احد نزل موضوع قديم عن سابك تزودوني بالرابط وانا راح ابحث.
شكراً :).
رد: دخــولــكــمـ يــســعــدنــي
اقتباس:
المشاركة الأصلية كتبت بواسطة 7αмσσĐɏ AĐ
الله يعطيكم ألف عافية ويكثر من الناس الطيبين أمثالكم
شكراً :).
جزاك الله خير اخي .. هذآ واجبنا =)
رد: دخــولــكــمـ يــســعــدنــي
انا حسب معلوماتي السكن اضن اول شي بسكن خاص بسابك تكونون قروبات يمكن مو اكيد
اي في سنة لغة وفي
المكافئة 2200 دولار
رد: دخــولــكــمـ يــســعــدنــي
هنـــاك قســم خاص للأبتعاث عن طريق الشركات راح تستفيد منه بأذن الله.