عرض للطباعة
السلام عليكم ورحمه الله وبركاته
يا اخون انا ناوي اطس امريكا وادرس على حسابي الخااص
ابي اكبر قدر من المعلومات الي تقدرون تفيدوني فيها لاهنتم
1_ كم احتاج وقت واحول على حساب البعثه ...؟
2_ اذا حولت يرجعو لي الي خسرت او لا ..؟
3_ 85 الف ريال تكفي لمده سنه في امريكا شامله المصاريف والسكن والدراسه ...؟
4_ اي ولايه تنصحوني فيها ...؟ تكون من الفئه المتوسطه ..؟
الله يجزاكم كل خير
اقتباس:
المشاركة الأصلية كتبت بواسطة فيصل الوهيداني
ج1 : والله وانا اخوك خويي طلب ملحقيه من وزراه التعليم العالي و اول ما جته الملحقيه راح للابتعاث قعد يمكن اسبوعين بعدين ضموهـ للامبتعثين يعني صار على حساب الحكومه الله يعزهـ
ج2 : لآ لآ لآ وين حنا به حسيت اننا بطاقه إكتساب حقت العثيم .. هههههههه
ج3 : اول شيء انآ مثلك بروح على حساب ابوي يآ لبى قلبه :jockey: وانا والله مااقدر افيدك بهنقطه لاني ما ادري كم بالضبط يكلف على ابوي .
ج4 : والله انا اخوك انصحك بولايتي اللي بروح لها " ولايه بنسلفينيا مدينه بنسبرغ " انا الحين انتظر قبول المعهد .
يا بعد روحي لاهنت والله ييسر لك امورك
اما بخصوص ارجاع الفلووس والله هذا زي ما سمعت من طلاب مبتعثين
^^ لا لا ابدا ما يرجعون لك ولاشي .. يكفي انك بتنضم للبعثة أما يرجعون لك اللي صرفته مستحيل وهذا الكلام من مسؤول بالوزارة
واذا على الانضمام كم شهر وتنضم ان شاء الله ماتطول ناس بكم اسبوع وناس بالأشهر ينتظرون .. انت وحظك
بما انك بتطلع على حسابك ابحث عن الولاية اللي تبيها وبعدها شوف السكن - المصاريف ... عشان تحسب الميزانية صح
لأن بعض المعاهد 2000 دولار بالمستوى (شهرين) وبعضها أغلى أو ارخص
حاول تختار لك سكن بعيد عن الداون تاون عشان مايصير غالي .. أو في البداية اسكن مع عائلة
اظن المبلغ مايكفي احسب حساب 4 او 5 شهور لين تنضم للبعثة
الله يوفقك يارب
يسلمووو على مرورك بعني معقوله 80 الف ماتكفى والله تعبت من كثر الكلآم
وشاكر لك مرورك العذب
اقتباس:
المشاركة الأصلية كتبت بواسطة فيصل الوهيداني
جزاك الله خير
الله يسمع منك
والله يوفقك ان شاء الله
1_ كم احتاج وقت واحول على حساب البعثه ...؟
المشكله هنا محد يقدر يعطيك علم اكيد ناس اعرفهم في اقل من شهر وناس شهرين
لكن نصيحتي لك حاول قدر الإمكان انك تدخل مكتب ( العطيه ) وخذ منه علم اكيد هالرجال جدا طيب ومتعاون واذا قالك روح ولاتشيل هم وقدم اوراقك على الملحقيه تطمن وان شاء الله ماتاخذ اكثر من شهر
2_ اذا حولت يرجعو لي الي خسرت او لا ..؟
طبعا لا
3_ 85 الف ريال تكفي لمده سنه في امريكا شامله المصاريف والسكن والدراسه ...؟
اخوي اذا قصدك 85 الف ريال ماراح تزيد ابد لمدة سنه كامله باعتقادي ماراح تكفي لانه عشان تجلس
سنه كامله تحتاج حوالي 120 الف عشان تكون ضامن ومرتاح
لكن اذا كان قصدك لحد ماتضم للبعثه فا راح تكفي وزياده
وانا بقولك المصاريف الي شبه ثابته
المعهد من 1800 الى 2700
السكن بالشهر من 700 الى 900 << طبعا مع عائلة
المصروف الخاص الشهري من 250 الى 400 <<< 400 اذا كنت مبذر طبعا ولا المتوسط 300
المواصلات بالشهر 80
لو تحسبهم ذولي راح يكفوك لمدة تقريبا 6 أشهر الى 7 أشهر بالراحه
ضع في بالك انه المبالغ الي كتبته بالدولار طبعا
انا لم ابتعث الى الأن لكن هذا من واقع تجارب الاقارب والاصدقاء بالصرف الشهري
4_ اي ولايه تنصحوني فيها ...؟ تكون من الفئه المتوسطه ..؟
الولايات الي اسعارها متوسطه هي الولايات الوسطى والشماليه ارخص
الغربيه والشرقيه معروف انها غاليه دائما والسبب سياحيه اكثر من دراسيه ولجمال اجوائها
تقدر تاخذ معلومات اكثر من المنتدى نفسه فيه موضح كل اقسام الولايات والاعضاء ماقصروا بالتوصيح
اتمنى انه اجاباتي كانت موفقه
والله يوفقك وييسر امرك
______اقتباس:
المشاركة الأصلية كتبت بواسطة وليد النفيسة
الله يبيض وجهك انت واخواني الي ردو علي الموضوع بصرااحه ريحتني الله يريحك