أترك .. الدراسة ولآأكمل .. ؟!
السلام عليكم ورحمة الله وبركاته
كل عام وانتم بالف خيـر والوطن بخيـر
كيفكم إن شاء الله تكونوا بخيـر ، وعسا دراستكم زيـنه
والله انا قلت مالي إلا المنتدى هذا استشير فيه أخـواني واخواتي المبتعثين لامريكا بحكم خبرتهم في هذا الشـئ
أنا جاتني بعثه لامريكا تخصص حاسب آلي بكالريوس والدراسه موعدها قريب
وانا حالياً ادرس بجامعة أم القرى صيدلة وغلقت سنـه والحمدلله المعدل زين ومرتاح
بس من يوم جاتني البعثه وانا كان ودي فيها قبل لادخل الجامعه أربكتني شـوي
وصـرت مرره محتار أروح ولا أكمـل دراستي في تخصصي هنا في السعودية
وأنا أبي شـوركم علي ّ الطيب ونصائحكم اللي بتفيدني
وانا إن شاء الله بستخير والله يكتب اللي فيه الخير
رد: أترك .. الدراسة ولآأكمل .. ؟!
عليكم السلام ورحمة الله وبركاته
والله ياخوك محد بيقدر يفيدك الا نفسك
اذا انت تشوف انك تشد حيلك وعندك قدرة انك تدرس برا وتتحمل الضغوطات بأنوآعها اطلع ادجرس طبعآ بعد ماتستخير ربكـ
وانا انصحك تشتير اهل الخبره من اقاربك او الوالد وان شاء الله ييسر امرك رب العالمين
تحياتي لك
رد: أترك .. الدراسة ولآأكمل .. ؟!
الاستخارة ثم الاستخارة ثم الاستخارة وبعد ذلك الاستشارة
رد: أترك .. الدراسة ولآأكمل .. ؟!
والله كلها حلوة
بس اهم شي الراحة النفسية وانا اخوك
رد: أترك .. الدراسة ولآأكمل .. ؟!
فكر بالتخصص قبل مكان الدراسه
يعني عندك خيارين تخصص قوي في السعوديه
او تخصص عادي في امريكا
يااخوي والله اعرف ناس متخرجين ماستر حاسب الي من امريكا بس الحق ينقال جامعه عاديه يعني مو قويه ورجعو السعوديه ولا لحد الحين ماتوظفو
لكن دور لي صيدلي في السعوديه جالس بالبيت ،،،معروف انه حقين الصيدليه والطب مايجلسون بعد التخرج علي طول يتوظفون
وبعدين انتو تقول خلصت سنه هذا شي ومعدلك حلو هذا شي ومرتاح وهذا اهم شي ،،،،يعني فيه مميزات كثيره عندك في الجلوس بالسعوديه
لكن لو رحت امريكا اول شي بدرس سنه انجيزي وبعدين تبدآ معاناه مع التوفل وبعدين معاناه ثانيه مع الجي ار اي ،،،لانه تخصص الحاسب يحتاج انك تجتاز جي ار اي وهذا لحاله سالفه
وبعدين تدور علي قبول واحتمال تلقي قبول واحتمال لا
يعني وضعك ماراح يكون مستقر زي الحين
الزبده دام وضعك مستقر ،،،خلك بالسعوديه
والبعثه اجلها للماستر،،،لانه اذا تخرجت صيدلي ،،احتمال كبير تتوظف في مستشفي ممكن جهه عملك يرسلونك
وفي الاخير استخير وفكر زين واحسب الخيارين من كل الزاويا
الله يوفقك يارب
رد: أترك .. الدراسة ولآأكمل .. ؟!
اللهــ يوفقكـــ يارب استخير والله يكتب الى فيه الخير لكـ
رد: أترك .. الدراسة ولآأكمل .. ؟!
هــــــــلآ والله اخوي ..
إذا بتأخذ نصيحتي و انت في أمان بإذن الله ..
من رايي انك تأخذ البعثه افضل لانك على حساب الدوله و التخصص حاسب آلي مره روعه وتكمل لين تأخذ تخصص مهندس شبكات ان شاء الله ...
نصيحتي خذها وتوكل على الله ...
والله يوفقك دنيا واخره
رد: أترك .. الدراسة ولآأكمل .. ؟!
اقتباس:
المشاركة الأصلية كتبت بواسطة شرواكـ
السلام عليكم ورحمة الله وبركاته
كل عام وانتم بالف خيـر والوطن بخيـر
كيفكم إن شاء الله تكونوا بخيـر ، وعسا دراستكم زيـنه
والله انا قلت مالي إلا المنتدى هذا استشير فيه أخـواني واخواتي المبتعثين لامريكا بحكم خبرتهم في هذا الشـئ
أنا جاتني بعثه لامريكا تخصص حاسب آلي بكالريوس والدراسه موعدها قريب
وانا حالياً ادرس بجامعة أم القرى صيدلة وغلقت سنـه والحمدلله المعدل زين ومرتاح
بس من يوم جاتني البعثه وانا كان ودي فيها قبل لادخل الجامعه أربكتني شـوي
وصـرت مرره محتار أروح ولا أكمـل دراستي في تخصصي هنا في السعودية
وأنا أبي شـوركم علي ّ الطيب ونصائحكم اللي بتفيدني
وانا إن شاء الله بستخير والله يكتب اللي فيه الخير
تحية طيبه اخي العزيز .... واتمنى لك التوفيق والنجاح ...
نصيحتي لك ان تكمل في تخصص الصيدلة ، وعندما تنتهي بأذن الله تأخذ الماستر بأمريكا ..
والله ولي التوفيق والنجاح ،،،
رد: أترك .. الدراسة ولآأكمل .. ؟!
انا اشوف انك تكمل هنا مستقبلك هنا افضل انا صيدلانيه والحمدلله اتخرجت واتوظفت ع طول وباذن الله راح اطلع مع زوجي برا ونكمل سوا واكمل الماستر ......كمل صيدله هنا واستخير
رد: أترك .. الدراسة ولآأكمل .. ؟!
هلاااااااااا اخوي طبعاالاخوان ماقصرو
بس احب ااكد ع موضوع الاستخاره
ولازم انت تحدد ميولك انت تميل للحاسب اكثر او للصيدله اكثر
انا تخصصي طبي وفعلا مثل ماقالو اخواني خريجيين القطاع الصحي وظايف جاهزه ولا تبطي وتقدر تكمل ماستر ع حساب وظيفتك بعدين
بس الاهم ميولك انت لاي تخصص ع اساسه قرر اذا ميولك للصيدله اقعد وكمل
واذاانت تهوى الحاسب اكثر اقولك سافر
لان انت خلصت اول سنه واول سنه اعداد عام مافيه الاانقلش ومواد علميه مافيهااي ماده طبيه
انت اقعد مع روحك وتخيل نفسك في اي مجال بتنتج وبتكون مرتاح اكثر وقرر وربي يوفقك