تكفوون محتاج مشورتكم يا اخوان

السلام عليكم ورحمة الله وبركاته
تحيتي للجميع

اخواني الاعزاء عندي موضوع وبغيت اخذ مشورتكم فيه
ومادري اذا كان الموضوع هذا مكانه الصحيح ولاّ لا ؟؟؟

موضوعي باختصار قريت عن دبلومات جامعة الامام
وانه بدا التسجيل فيها وخطرت لي فكره و انا اقراً الخبر

طبعاً انا معي الثانويه و الحين موظف

الحاصل انه قلت ليه ما أخذ دبلوم من هالدبلومات وبعدها اطلع برى
اكمل بكالوريوس بأمريكا
الدبلومات طبعاً

حاسب آلي (شبكات)
حاسب آلي(برمجه)
ادارة اعمال(سنتين)
علاقات عامه (سنتين)
سكرتاريه (سنه ونصف)
اداره ماليه (سنتين)

الي بسأل عنه الحين
هل هذي الدبلومات معترف فيها في الجامعات الامريكيه
يعني لو اخذت احد الدبلومات وحبيت اكمل بكالوريوس
أقدر ولاّ لا ؟؟؟
الشئ الثاني الي بسأل عنه (هل لو مثلاً عندي دبلوم ادارة اعمال
وحبيت اكمل بكالوريوس اقدر اكمل بتخصص ثاني ؟
الشئ الثالث
كم يبي لي دراهم من تخليص اموري في الرياض الى ثلاثه اشهر في امريكا
يعني بحدود كم حتى ييسر الله ونلتحق بالبعثه ؟؟
وكم سنه بدرس لو كانت هذي الدبلومات معترف بها لدى الجامعات الأمريكيه
اذا كان فيه شئ سهيت عنه بالله انكم تنبهوني عنه
وأبي شوركم وعسى الله يوفقكم ويرزقكم ماتتمنون

تكفون لا تخلوني ساعدوني

تحيتي للجميع

اخوي في جامعات امريكيه تعادل وفيه ماتعادل على حسب الجامعه وعلى حسب معدلك ومواد يعني تفرق

وبنسبه للفلوس والله انا مادري وين تبي تروح اي ولايه او اي مدينه والكلام ذا بعد 3 سنين ممكن الاسعار ترتفع تنزل لان هنا على حسب التاكس

انت الحين خلص دبلومك وان خلص لكل حادث حديث الله يوفقكك

^
كلامك صح
و انا اخوك لكن انا ابي اعرف وضعي من الحين
عشان اخطط صح يعني يوم سألت الاسئله كنت اقصد
الوضع الحالي يعني الوضعي الي حنا فيه لو تغيرت الاسعار بعدين هذا شئ في علم الغيب
بخصوص الولايات يعني انا اكيد بطلع على حسابي او ثلاث شهور وبعدين ان شاء الله الله يكتب
لي و التحق بالبعثه يعني اكيد ابي لي ولايه تكون رخيصه ووضعها اوكيه من جميع النواحي هذا الي اقصده ياغالي

الله لا يهينك ويبيض وجهك وعسى الله يحقق لك الي تتمناه

تكفون يا اخوان أبي مساعدتكم مالي الا الله ثم أنتم
الله يوفقكم ساعدوني

ان شاء الله اخواني ما يقصرون ..
الله يوفقك ...

فيه موقع امريكي معترف فيه لمعادلة الشهادات

أول شي تأكد اذا الدبلوم اللي بتاخذه راح يتعادل لك أو لا

وبعدها شوف الجامعات اللي راح تقبل بالمعادلة

وقرر وين تروح على اساس الجامعات مو تختار ولاية بعدين تشوف جامعاتها

الله يوفقك يارب