احـترت !! من وين أشتري iPhone 4 ؟؟

ايه اذا صار الفرق 230 اجل بكرا مشتريه ان شالله . بلا ذل موبايلي حتى اليوم مريتهم قالوا لي بعد اسبوع خلص ..!!؟؟ يستهبلون والله
بعد عندي بطاقه خصم % 15 ان شالله يخصمون لي , مادري وش سر بطقاتهم كلما شريت منهم شيء قال هالسلعه ماتشمل الخصم ؟! مادري ليش معطيني البطاقه . هاليومين عاد احس نفسي كأني متقاعد وفاضي بروح اتهاوش معهم .

يعطيك العافيه نهى على المعلوممه المؤكدة بالمصدر فكيتنا من دق لا تدق ووص احد يجيب لك من بريطانيا ولا انذل واصبر لموبايلي << مادري ليش ماسكه معي غلط بقووه اشتري اي فون مع انو عمري ماهتميت للأجهزة كذا .

ههههههههههههههههه ماشاء الله عليك متحمس

اصبر ترا ضمان جرير أي كلام ولا يصلحون الجهاز لو خرب ولا يعطونك بدل

وأجهزة جرير جايبينها من هونج كونج

خذ لفه بالمنتديات وشوف الناس وش تقول عن اجهزة جرير .. عشان لا تتوهق

موبايلي ضمانهم أبل و لو طلع بالجهاز عطل ترجعه وتاخذ جديد

وحتى جرير خلصت الدفعة اللي عندهم بيقولون لك استنى كم يوم

انا استنى الابيض مصخوها ماشكلهم بينزلونه

اللي يقهر أن موبايلي المفروض تعطي للكل البيبر اللي وزعته شركة آبل على كل اللي اشتروا الآي فون 4

لأنه لو تمسك الآي فون بيدك تروح إشارة الجي بي اس والبلوثوت والواي فاي بسبب الضغط على الهوائي

وهو المعدن اللي يحيط بالشاشة وخاصة المكان اللي بزاوية الآي فون يسار من تحت

والبيبر اللي توزعه جرير مع الجهاز مو أصلي ومن آبل لا شكلهم جايبينه من الصين

يوم رحت محل آي زون شفت البيبر هذا يبيعونه بـ 250 ههههههه نصااابين حسبي الله عليهم

مابنكسر صابر .. يا هلا فيك ان شاء الله ينزل اللون الأبيض قريبا

موبايلي مدة الضمان للباقة المسبقة الدفع 6 شهور ، وبما إني رايح أمريكا إن شاء الله وجالس فيها أقل شي 3 سنوات بشتريه من هناك بــ 300 دولار مع 500 دولار تأمين ترجع لي بعد سنة ، وبكذا أضمن أن جميع الخدمات شغاله معي في أمريكا وضمان الجهاز مستمر معي ، وبعد ماأرجع للسعودية إن شاء الله قد نزل I Phone7 .*

معلومة بسيطة : خدمة الفيس تايم شغالة في السعودية ، ولد عمي مشتريه من بريطانيا وشغاله معه زي الحلاوة هنا.

تحياتي ...............

بعد ما يعطون البيبر ؟1 الظاهر انهم يعطونك اياه كذا سك جهاز بس من غير كرتون ولا شاحن ولا شيء من زود الذل .

فيه واحد من الزملاء بيجي من بريطانيا بعد اسبوع بوصيه بلا موبايلي بلا ضمان بلا ذل , الله واكبر عاد يالضمان اللي ما عمرنا استفدنا منه , وكله سنه وبعد سنه مايعرفونك . لو اشري الجهاز ( الكاتل ) كان تذكرونه كان عاش معي سنه .

اللي يبي يحول لي فلوسه <<< بينهبكم الأخ ترى .