احـترت !! من وين أشتري iPhone 4 ؟؟

السلام عليكم ورحمة الله وبركاته

مساء الخيرات لكل المبتعثين في كل مكان

اعجبني < iPhone 4 > وماادري من وين اشتريه ؟؟

* اشتريه من أمريكا - مقفل + عقد مع شركة at&t

يعني ماراح اقدر استفيد منه لا على شركة تي موبايل داخل امريكا ولا على أي شركة بالسعودية

ولو بفتحه بيروح علي ضمان آبل !!

طيب والحل ؟؟

ماما تقول لي اشتريه من أمريكا

لأن اللي يصنعوه لهم غير عن اللي يصدروه لكل الدول !! وهذا شي معروف بالسياسة الأمريكية

شعبهم المرتبة الاولى

بعدين اوربا بالمرتبة الثانية

بعدين باقي الدول بالمرتبة الثالثة

* اشتريه من أوربا مفتوح رسمي + مدري وش ضمانه !!

فيه iPhone 4 بريطاني وفيه فرنسي ماادري وش يختلفون عن الأمريكي

الشحن يكلف + ماادري متى يوصل وانا ان شاء الله مسافرة لأمريكا بعد 3 اسابيع

* اشتريه من هنا :

رحت لمحل آي زون وكلاء آبل واظن جرير نفس الأسعار

الأسعار 16 جيجا بـ 4400 أو يمكن 4500

و 32 جيجا بـ 4999 + ضمان آبل لمده سنه

* اشتريه من موبايلي مفتوح رسمي

16 جيجا بـ 2700 - 2900

32 جيجا بـ 3100 - 3400

نزل في كل فروع موبايلي في السعودية يوم السبت 25 سبتمبر 2010

هذا الكلام من موقع عالم آبل : :dry:

خدمة FaceTimeلن تكون متوفرة في السعودية و الإمارات، و الحجب تم عن طريق شركة آبل ،وليس للشركات المقدمة للجهاز أي علاقة. << يافرحة ما تمت

اللي اشتراه من موبايلي ياليت يقول لنا وش شروطهم ؟

وهل تشتغل فيه خدمة الفيس تايم أو لا ؟؟

وعليه ضمان آبل ؟

http://www.apple-wd.com/2010/06/iphone-4-review/

تقرير عن جهاز الآي فون 4 من عالم آبل

احتاج نصائحكم وخبرتكم حول الآي فون 4 !!

دمتم بود

:balloon:

مشاء الله شكلك ما تركتي محل الا وسالتيهم خخخخخخخخخخخخخ

اذا انتي جايه جايه اشتري من هنا ارخص لو كنتي مطوله ..

قولي ليش ؟؟ لانه تدفعين 199$ مقدم لـ 16 جيجا وكل شهر تقريبا 100 دولار لمدة سنتين
انا قلت تقريبا لانه فيه اكثر من عرض على حسب الدقايق اللي تبينها والرسائل وكمية البيانات (اقصد للانترنت)
طبعا هذا راي شخصي .. لانك اصلا لازم تحتاجين جوال داخل امريكا فبدلا من ان تدفعين فاتوره ادفعي فاتوره وخوذي جوال ارخص.

شكرا

هههههههههه صار لي اسبوعين وانا بس ادور عن المواضيع اللي تخص الآي فون

واللي يسأل مايضيع .. مااحب اشتري جهاز بعدين اتوهق فيه واندم

قرأت كثير عن اللي اشتروه من أمريكا

يواجهون مشكلة ( احتكار الجهاز على شركة at&t يعني مقفل )

بعقد بـ 200 دولار تقريبا وبدون عقد بـ 700

هذا غير الفواتير الشهرية 100 والمشكلة لو تتأخر بالسداد فيه ضريبة على كل يوم تأخير

ماادري ليه هاذي الشركة ماحبيتها كأنها شركة الاتصالات عندنا

مشكور على الرد والاضافة

أنا في أمريكا وشريته من أبل ستور البريطاني مفتوح على كل الشبكات
وكان عندي T-mobile لكن ماتصلح للايفون لأن ماعندهم 3g فاشتركت في att بعقد وبدون ديبوزت

الله يبارك لك فيه .. مشكور على الاضافة

وين محلهم في أمريكا ؟؟

طيب مافي غير شركتين اتصال في أمريكا ؟؟؟

صديقتي عندها خط من شركة at&t بس ماتمدحهم مررره

هـلآ والله اختي ..

والله بقول لك شي ولد عمي طلبه من بريطانيا الدفعه الجديدة ..
و إستلمه والحين هو طالبهُ لـ / اثنين من اخوياه .
طاب يومك ..{ :)

انا مادري ليش الناس تتهرب من العقد ..
كلها 60 فالشهر رسوم الباقه والزياده مكالماتك وبس هاذا العقد ..

عمومآ اختي .. يجي ايام ابل ستور ينزل ايفون بدون عقد

بالتوفيق :)

الناس تتهرب من العقد لأنها تبي تشغله اذا رجعت للسعودية !
يعني الجهاز ماله أي قيمة خارج أمريكا .. وهذا استغفال

أختي لو أنا مكانك راح اشتريه من كندا .. لو تعرفين أحد هناك تقريباً بـ700 دولار ومفتوح ومن الشركة نفسها وآخر وأفضل إصدار من الجهاز
طبعاً الدول الي اعرف انها تبيع مفتوح
بريطانيا
كندا
استراليا

اعتقد كندا أرخصها
بالتوفيق

لي رد في الموضوع التالي راح ينهي معاناتك
http://www.mbt3th.us/vb/forum8/thread216870.html

مروري ،،

الي يقول قيمة الجوال بامريكا ب 199 دولار مع عقد لمدة سنتين صادق بس هالميزه فقط لحاملين السوشل سكيورتي حنى كطلاب ما لنا إلا اننا ندفع كاش في حدود 700 بدون التاكس *