أبي أنقل من ولاية لولاية

السلام عليكم ورحمة الله وبركاته

أخواني أخواتي

بدخل بالموضوع على طول

بصراحة أنا أنصدمت من الولاية اللي رحت لها أو بالتحديد المدينة اللي جيت لها أنا

أنا الآن أدرس في معهد الـ E.L.I في أكرون بولاية أوهايوا

والمعهد كويس شوي

لكن اللي أنصدمت فيه المواصلات بالديرة هذي

ما فيها لا باصات ولا قطارات ووالتكاسي موجوده بس مو متوفرة

والشئ الثاني اللي كنت أدري عنه لكن ما حسبت حسابة

البرررررررررررررد :sweatingbullets:

عندنا برد شوي ويقولون اللي عندي لا ما بعد شفت شئ...!!

وأنا ديني ودين البرد

والشئ الثالث قالوا لي أشتر سيارة وأنا والله ما عندي فلوس بصراحة

المهم اللي أنا أبغى أستفسر منكم

وش طريقة التغيير لأن عيال عمي في فلوريدا

وودي أروح لهم يقولون عندنا حرررر

وهذا اللي أنا أبغاه

كيف طريقة التغيير بالتفصيل للي عندهم خبرة

أنا سألت ناس كثير قالوا لي الملحقية ما راح يعطونك وجه أصلآ

فاللي عنده خبره الله لا يهينه يساعدني

الله يعطيكم ألف عافية مقدماً

هو الصراحه يعتمد على الادفايسر حقك وتعاونه يعني حاول معه قبل ماتنقل ولاتسوي اي شي جبله اي عدر معين وقله مثلا ان المعهد موكويس او اي شي ثاني لكن لازم المشرف يوافق وتزبط امورك قبل تنقل

اقتباس:

---

المشاركة الأصلية كتبت بواسطة العجمــــي

هو الصراحه يعتمد على الادفايسر حقك وتعاونه يعني حاول معه قبل ماتنقل ولاتسوي اي شي جبله اي عدر معين وقله مثلا ان المعهد موكويس او اي شي ثاني لكن لازم المشرف يوافق وتزبط امورك قبل تنقل

---

طيب واذا على حسااابه

وش النظام؟

الله يعطيك ألف عافية أخوي العجمي والله ما قصرت

أنا والله جيت قبل شوي أبرسل للأدفايزر حقتي رساله بس للأسف ما عندي لغة إلى الآن وترجمة قوقل مو مضبوطة الله لايهينكم لو تكتبون رساله

((أعاني من شدة البرودة في هذه الولاية وأعاني من مشكلة كبيرة وهي المواصلات في أكرون وإن حالتي المادية لا تسمح لي بان أشتري سيارة وإنني أفضل إن أنتقل لولاية فلوريدا لوجود بعض الأقارب هناك لكي يساعدونني على ترتيب أوضاعي))

والله يعطيكم ألف عافية

فزعتكم يالربع تكفووووووووووووووووون

شدوا حيلكم تكفون تحملوني هالمره

إظاهر لو أبسجل بأسم بنت كل العالم تبي تترجم لي

تراي قبيح شوي بس فيني لمحه ^_*

Dear sir,

I'm really suffering from the cold weather here in Ohio and I have another problem which is the transportation in Akron and I can't afford buying a car because of my financial situation . I prefer moving to Florida as there are some of my relatives who will help me to sort my things out there.

Thanks for your understanding.

Best regards,
وتكتب اسمك

ادعيلي بس تنصلح احوالي الله ييسر امورك

الله يوفقك وييسر أمورك ويسعدك دنيا وآخره

وانا بعد في قرية في اوهايو ونفس نضااامك

ولا قطارات ولا بصاات وبرد وابي اغير

بس انقلب راسي من كثر الولايات والمدن