سوف انزل الى واشنطن بالزي السعودي مالضير في ذلك ؟!؟

السلام عليكم ورحمة الله وبركاته

قررت ان انزل بالزي السعودي الى واشنطن واكمال باقي اوراقي في الملحقيه بالزي السعودي و اقلع الى فلوريدا بالزي السعودي ومن هناك استبدل بداية المشوار بالاباس الافرنجي .

ماجعلني افعل ذلك هو امران ..

الاول .. مجموعة شباب قالو لي يبدو انك (( متخلف )) رايح تدرس وخاش واشنطن بالزي السعودي !! الله ووش العيب في ذلك العالم تتفاخر بلباسها وانا اخجل منه .. !!

الثاني .. خبركم اخوكم دبدوب شوي ويبي له وزنيات في المقاس لذلك ودنا ناخذ رحتنا بالطائره بالباس الوطني :1eye:

السوال الثالث .. هل هناك ضير فيما فعلت انا ؟!؟!

يارجآل توكل على الله ورح ,, ولآ تفكر فاحد ..ومن رآقب النآس مآتَ همآً ..بل وغمآ

بعدين ياخي انت تشوفهم يجون عندنا بالمطار بالله عليك قد شفت احد مغير لبسه البنقاله هم البنقاله لآبسين لبسهم ولآ غيرونه وين مآرآأآحو ..^_^ ...... وترى ماقصد شي بكلمت البنقاله لآحد يفهمني غلط؟؟

وبالعكس انت لك الفخر انك تتمسك بعادات وتقاليد وطنك .. ومآعليك فحد دآمك ماشي صح ..^_^

وبس ..,,..,,..,,^_*

حبيبي موفق خير ودربك خضر بس اذا كانت لغتك زينه لا يهمك اما اذا لغتك لك عليها لا تحط نفسك بموقف وتتوجه لك اسئله ما تدري وشي وتجيب العيد في نفسك ومن ناحية الراحه بالطياره يمديك تخلي معاك لبس مريح واول ما تقلع الطياره تبدل وقبل ما تهبط ترجع تلبس لبسك الثاني الي بتنزل فيه الموضوع مره بسيط ورحله سعيده

يارجال البيت بيتك,, ارفع راسسك انت سعودي ,, وخذ راحتك يالغلا

خذ راحتك يابعدي وهو لبس ما أنت مسوي جريمة

أرفع راسك انت سعودي

بالتوفيق

إرفع رأسك انت سعودي ,, غيرك لحجي وانت مطقم

لا ضير يا أخي الحبيب

لكن ستلفت الانظار اليك

وستجعل من نفسك محط للانظار

وستبدو شاذاً من بين الخلائق

لكن الفكرة اجمالا راقت لي

وفقك الله

اخوي وش انت ناقص مشااكل خلك مثل الخلق بداله و يا ربي لك الحمد ..
والله يوفقك

مالك ومال لافت الانضار ياخوي مدمت في اراضيهم خليك مثلهم لمى ترجع ووبس !

كيف بتوصل ومعك فوبيا طيران :)

حبيبي اللبس حرية شخصية لا عليها مسائلة ولا يعاقب عليها القانون

إذا أنت من النوع الي يتحمل نظرات الناس وماتهتم لها فالسلطات ماراح تسألك بإذن الله بشكل رسمي