الأعضاء الإشتراك و التسجيل

الملتقيات
ADs

مساعدة ضائع كل الطرق مسدوده

مساعدة ضائع كل الطرق مسدوده


NOTICE

تنبيه: هذا الموضوع قديم. تم طرحه قبل 2668 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية عبد الكريم 2010
    عبد الكريم 2010

    مبتعث مستجد Freshman Member

    عبد الكريم 2010 الولايات المتحدة الأمريكية

    عبد الكريم 2010 , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى محاسبه , بجامعة youngstown state university
    • youngstown state university
    • محاسبه
    • ذكر
    • youngstown, اوهايو
    • السعودية
    • Sep 2010
    المزيدl

    September 29th, 2010, 09:20 AM

    السلام عليكم ورحمة الله وبركاته
    انا سالفتي سالفه بصراحه انا تخرجت من الثانوية 1426-1427 نسبتي 73 التقدير جيد من مدرسه حكوميه ودخلت كلية التقنية تخصص محاسبه ودرست فيها 4 سنوات بس لظروف عده ماقدرت اتجاوز واخذ الدبلووم وباقي لي 9 مواد واتخرج بس فصلوني

    وبصراحه مابقى من العمر كثر مامضى عمري 25 وماسويت شي في الحياة وراااي مستقبل ومسؤلية وجت في بالي الدراسه بالخارج وبالتحديد امريكا ...

    دخلت النت وبحثت وسئلت كيف اسهل طريقه مالقيت كل واحد يعطيني راي واحد يقول سو والثاني يقوووول لاتسوي

    ترجمت شهادتي وباقي قبوول الجامعه هل يقبلوني وانا متخرج لي تقريبا 5 سنوات وش الاوراق المطلوبه بالظبط لاني تعبت من كثر مااسئل وابي اسهل طريقه يجيني القبووول من جامعة اهايو وشرايكم فيها وكيف المعيشه هناك غالية والا رخيصه والا متوسطه
    مع اني رحت لمكاتب اللي يقول شهرين او ثلاثه تعبت والله العظيم ويطلبون مبالغ فلكيه 3000 4000 تووو مج بصراحه

    تكفوون ياجماعه اللي يقدر يساعدني ادعيله من كل قلبي ابي اكلم احد هنا فاهم بالموضوع واللي يبيه انا حاضر والله مااقصر معه تكفووووون ساعدوني وش الحل
  2. موضوعك به كذا نقطة
    اولا اتوقع انك بتدرس على حسابك ؟؟ صح
    شي ثاني : انا اقدر اجيب لك قبول بكالوريوس كشخص جديد اسهل
    واذا وصلت الجامعه اعطهم سجلك الاكاديمي بالتقنية اذا فيه مواد يعادلونها
    ثالثا : اذا تحب اجيب لك قبول لغة وبكالوريوس من جامعة ساوث ايست ستيت تبشر
    اي استفسار راسلني ع الخاص لعدم دخولي النت بشكل دائم
    7 "
  3. أخي .. عبدالكريم

    للأسف لا أملك الخبره الكافيه لكي أفيدكـ

    لكنني أملك ثقة بربي تجعلني أشعر بأنك عما قريب ستوافينا بالبشائر

    فقط قل .. يالله ..

    ربي يوفقك ويسهل امورك ويكتب لك الخير حيث كان

    أختك : مياسين
    7 "
  4. يا عبدالكريم يا حببي انا بعد متخرج من ثلاث سنوات ,, انشالله سهالات يا خوي,, انت ادرى بنفسك وفي وضعك حسبها بينك وبين نفسسك
    يعني انت 25 لو رحت تبي تدرس لغه وجامعه 5 سنين قابله للزياده,, يعني بتخلص ع 30 وماتدري وش يصير فالخمسه سنين قابله للنجاح وقابله للفشل الله يبعده عننا ,, واذا قصدك من ناحيه القبول الجامعه والمعهد دامك تدفع فانت مرغوب به ,, لكن اذا حصلت ع الفيزا وهذا اهم شي فطبعا الباقي كله سهل انشالله,, عاد انت زبط امورك من يوم ما تخرجت وش درست وكيف وليه وثبتها بالاوراق الرسميه والله يسهل علينا وعليك,,
    7 "
  5. السلام عليكم ورحمة الله وبركاتة ...

    بسم الله والصلاة على رسول الله ...

    أخوي عبدالكريم ...

    عنوان موضوعك صادق فيه كل حاجة مسدوده اذا ما كنت مستعين (بالله) ...

    يالغالي أمورك سهالات ان شاء الله اذا عندك طموح واراده صدقني بتحقق مرادك ان شاء الله ...

    قبل كل حاجة عليك بكثرة الإستغار والصلاة آخر الليل والله الذي لا إله الا هو ان أمورك بتصير زي شربة المويه بس صف نيتك مع (الله) ...

    اما بالنسبة للمكاتب إسألني انا تعاملك سنة كاملة معاهم وخسرت 13 ألف تقريبا ...

    بس المكتب الوحيد اللي حسيت إنه هو اللي يفيدك بعد تساهيل رب العالمين ...

    مكتب في الرياض سوداني أسمه عباس هذا رقمة 0548922083

    ياخذ عليك 1200 ريال فقط اذا وصل لك القبول ان شاء الله ...

    ويقدر يجيب لك ضمان مالي اذا ما عندك عشان التقديم على الجامعات أو المعاهد 200 أو 300 ريال ...

    واذا أنت شخصياً ما أرتحت له بتكون أستفدت منه بس أحسن لك تروح له في المكتب عشان تاخذ وتعطي معه ...

    عسى الله يفتحها في وجهك ويفرج همك وويسر امورك عاجل غير آجل يارب العالمين ...

    أتمنى أكون أفدتك ... ما أحتاج كلمة شكراً ... بل أحتاج دعوة في ظهر الغيب إن الله يحقق أمنياتي ...

    موفق خير يارب ...

    ودي ...

    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.