حوار لأصحاب اللغة : برأيكم الأفضل لتعلم اللغة ؟؟ منطقة ريفية او مدينة كبيرة ولماذا ؟؟

حبيبي ع قدر اهل العزم تاتي العزائم,, اخوي ما عمرك سمعت بمدرس انقليزي سعودي ؟؟ وين تعلم هنا ببلاد 100% يتحدثون العربيه

كيف طيب هو تعلم من بينهم وقال بياثرون ع لغتي ,, يا حبيبي ريفيه برريه بحررريه اذا حطيت الشي براسك بحيل الله تجيبه وبالراحه
وبالنسبه للدوله الي انت رايح لها اهم شي السكان يتحدثون اللغه الانقليزيه وانت كذا ولا كذا بتدخل معهد لمده طويله,, فما راح ياثر عليك مدينه كبيره او غيره,, وانت ادرى بنفسك ,,وبعدين المبتعثين يوم يختارون المدن كل واحد يختارها ع حسب طاقته وع حسب هواه,,
عمرك سمعت واحد راح مدينه ريفيه وبلش بعمره ما تعلم ؟؟ وعمرك سمعت واحد راح لمدينه حضاريه وتعلم ع طول من اول ما وصل؟

ما تفرق يا حبيبي اهم شي انك لارحت تركز ع دراستك وشوف يوم تفهم وتتعلم وتتكلم وانت تضحك,, فلا تفتح باب للاراء وكل شوي يجيك واحد ويعطيك راييه وتحتار ويتشتت تفكيرك وانت مو ناقص ابيك لارحت خلاص حط فيي بالك شي واحد عشان لا توه..

لكن من ناحيه المعيشه والغلا والسكن والاشياء الثانيه اكيد تفرق شي كثيررررررر,. تستاجر شقه في العليا زي يوم تستاجر اكبر فيلا فمنفوحه؟

صراحه ..... زبده

أنا أشوف أن التعلم في المدن المتوسطة أحسن :: بين وبين :: لأن المدن الكبيرة ستأكلك بالغلاء الفاحش والزحام الممرض والقرى ستملأ قلبك هما وغيظا بالهدوء القاتل ,, لكن لو اخترت مدينة متوسطة في الكبر وحضرية مميزة ستجد فيها ميزة القرية والمدينة
وعلى العموم الناس يختلفون , أعرف بعض الزملاء إذا ذهب لأمريكا مايطلع من بيته أبدا إلا لحاجة ضرورية , يعني بيت جامعة - جامعة بيت فقط
وأعرف البعض وخصوصا من يذهب بعائلته يحب أن يسكن في مدينة أو قريبا من مدينة بحيث يدخل على من معه السرور بالتمشية وتغيير الجو ونحو ذلك ,, فمثل مايقول الشيبان ( كل يقوس الماء بشاربه )

انا انصحك اخوي اي مدينة لا يكثر فيها العرب سواء ريفية او مدينة كبيرة لتعلم اللغة الانجليزية لانوه المعهد اللي يكثر فيه العرب من ملاحظتي ينحدر مستواه التعليمي .

وموفق ان شاء الله

يعطيكم العافية جميعا على ردودكم

مازلت اريد الحصول على بعض الآراء والتجارب

نعم اعرف ان اللغة تعتمد على الواحد ومتى مااراد ان يتعلم ذلك فهو يستطيع ولو كان في القمر !!

لكن هناك عوامل

هناك اسباب تساعد على التعلم مثل البيئة

والمكان والناس اللي حولك كل هذي عوامل تساعد الإنسان على تعلم اللغة

قد تكون في معهد بالرياض وتتعلم اللغة في سنه

لكن لو بذلت نفس المجهود الذي بذلته في الرياض وانت تدرس في امريكا فقد تنتهي من فترة اللغة ب 6 شهور

والسبب ان هناك عوامل ومتغيرات ساعدتك على تعلم اللغة ..

مثل البيئة المناسبه والمكان المناسب

نحن نريد اننا نخرج بفائدة من خلال تجاربكم

اريد تجاربكم

كل شخص يضع تجربته

هل تعتقد ان تعلم اللغة بالمناطق الريفية مساعد اكثر من المناطق الكبيرة في تعلم اللغة ؟؟ ولماذا ؟؟

ايضا الأخ smart_student

حط لنا خيار ثالث

المدن المتوسطه

انا اقول
تروح لولايه حلوه وفيها ترفيه مثلا كالوفورنيا
وتروح لمدينه صغيره فيها هاديه ومتوفر فيها خدمات
بحيث انه اذا جاء وقت الاجازة يكون قريب منك اماكن التمشيه ... ولا فيه داعي انك تقص تذاكر وتخسر
برضو الترفيه ضروري عشان تنعنش مخك للدراسه ولا تكون دايما في ضغط الدراسه

وجهة نظري المدن المتوسطة انا ماجربها ب اكيد انها تجمع بين المدن الكبير والقرى

اول شي المدن الريفيه او المسماه مدن جامعيه يمكن يكون فيها الامان اكثر من اي مدن بس ما راح تلقى من يكلمك لان اغلبية السكان طلاب جامعه اول شي ما راح تلقى سكن مع عائله لان الموجود طلاب وكل طالب يبي اخوياه ولو لقيت رميت امريكي ما راح يقعد معك ساعه باليوم لان اما يكون عنده اخويا وكل شوي وهو طالع او يكون يشتغل لان اغلب الامركان يدرسون ويشتغلون فما راح تلقى وقت تسولف معه وغالب طبقت الشباب الامريك تحصله اما معه خويته او راعي خربطه حشيش وبلاوي حتى لو تلقى واحد عاقل وتفكيره بالدراسه ما يتعدا الشقه راح يكون يذاكر اكثر الوقت ولو طلعت متتمشى ما راح تقلى شي تروح له لان مدينه صغيره والمواصلات فيه شبه معدومه واذا لقيت مواصلات راح تلقاها غاليه جدا ونسبه كبيره ما تلقى فيها مطار يعني راح تدور اقرب مدينه حولك وشف كم بياخذ التكسي وغالبا ما تلقى السعودين مالين المدينه وهم الي بتلقاهم طل الوقت يعني شل من راسك انك بتكلم امريكي الا بلغلط
لكن مميزاتها صرفيه اقل من ناحية السكن فقط يعن اغراض اكل او ملابس او اي شي ثاني ما راح تلاق فرق الا بتاكس بس

اما المدينه اقل شي راح يكون فيها سوق كبير وطبيعي ان اصحاب المحلات يدورون الزبون يعن من يوم ما تدخل يجيك ويحاول يخدمك بعدين يحاول يفهم عليك باي طريقه لو بالاشاره اهم شي انك تشتري والشي الاهم انه من السهل تحصل سكن مع عائله وراح تلقى مناطق ترفيه كثيره وطرق المواصلات سهله وراح بس كل هذولي بتصرف فيها وانت ما تدري ولكن المشكله الكبرى فيها الامان يعني غالبا بعد المغرب ما تطلع الا للضروره لانه ينتشر المجرمين والمشردين وبعض الماكن صبح وليل خطره لكن راح تمارس اللغه في كل مكان واحلى عيشه لانك تحس بالحركه والناس وتلقى المحلات الي انت تحتاجها مثل المحلات العربيه والمطاعم العربيه والخدمات فيها اقوى

الشباب ماقصروا ....