مهموم من ترتيب السكن والسفر (تكفون ردو وشورو علي )

السلام عليكم
ياشباب مدري اذا موضوعي هذا مر عليكم او مر عليكم مثل الموقف اللي انا فيه الحين
انا الحين بالسعوديه ودراستي تبدا ب 18 اكتوبر ان شاء الله
حجزت دولي الوصول لواشنطن الاربعاء ان شاء الله
سؤالي الاول الله لايهينكم ويوفقكم
وشرايكم اصل ديرتي الجمعه او السبت (يعني يمدي اخلص اموري بالملحقيه بيوم الخميس ) افكر بالجمعه علشان اصل بيوم عمل عندهم

سؤالي االثاني بالنسبه للسـكـــن
مدري وش اسوي بصراحه
اتصلت عليهم (معهد els بقراند فوركس نورث داكوتا)
وقالو السكن بالدورم غرفه خاصه ب 1190 دولار ومشتركه ب 1160 دولار وفيه تأمين 200 دولار
وسكن عائله غير متوفر
بصراحه احس انه غالي مررره وماتوقعت كذا ابد (طالع على حسابي )
ودي احجز سكن من هنا وارتاح
والمشكله انه غاالي مره بصراحه واحس فيه استغلال مدري وش اسوي

الله يرحم والديكم ردو علينا لو بتجربتكم بترتيب امور السكن
او رايكم وشوركم لاني احس اني ضااااايع
عسى ربي مايخيب لكم رجا يالغاليين تكفون وش اسوي بحاااااالي

السكن جدا غالي
لا تستعجل والشباب بيساعدونك ان شاء الله
وحتى لو ما حصلت منهم جواب
روح لهناك بالسلامه واسكن بفندق يومين ثلاثة على ما تشوف لك عائلة
بتكون ارخص بكثير من إستغلال المعهد
وأفضل لك من ناحية اللغة
وأوفر لك من ناحية الوجبات وكماليات الغرفه يعني كل شي بيكون كامل
بالتوفيق اخوي

الله يعافيك العائله الظاهر ب 850 دولار بس وشرايك الجمعه والا السبت

تكفون ردو علينا ياخوان
وانشاء الله انكم مانتم مقصرين

للرفع عسى تعم الفايده

باذن الله يوم واحد كافي لانهاء امور الملحقية (حسب تجربتي)

وبالنسبة للسكن غالي جدا، رح تلقى عوائل كثير ارخص او حتى تستأجر استديو خاص فيك ارخص.. خذلك سكن في فندق قريب لمدة 3 ايام وبعدها دور على المنطقة واسأل الطلاب ورح يفيدونك اكثر

بالتوفيق