طريقة الدفع في امريكا ؟!!
السلام عليكم
كيف حال الشباب عساكم بخير
ياشباب باقي على رحلتي تقريبا 10 ايام على واشنطن بس انا اب اعرف طريقة الدفع في امريكا كاش ولا ماستر كارد ولا كيف بالضبط كيف ادفع للفندق الي عند الملحقيه كاش ولا لازم بطاقة لأني ما عملت حساب لدفع عن طريق البطاقة وعند استعلامي من البنك انها تصدر بعد 10 ايام الفيزا او الماستر كارد كحد ادنى على كذا ما يمديها تطلع الا وانا سافرت فياليت توضحون لي اقدر اطلع بالكاش بدون ما يكون معي اي بطاقة سحب ؟؟!!
رد: طريقة الدفع في امريكا ؟!!
رد: طريقة الدفع في امريكا ؟!!
بعد التحيه ....
اخوي بقولك في مصرف الراجحي يعطون بطاقه فيزا اسمها (تسوق) تطلع لك في نفس اليوم ياخذون عليها رسوم 100ريال طبعا لازم يكون عندك حساب في الراجحي وبعد ما تأخذها تقدر تشحنها من حسابك الجاري عن طريق الموقع الالكتروني للبنك ,انا ماقد جربتها بس فيه ناس يمدحونها ... الي قد جربها ولا يعرف احد مجربها يقول لنا
بالتوفيق للجميع
رد: طريقة الدفع في امريكا ؟!!
انا عندي بطاقة تسوق حقت الراجحي ، تطلعها في يوم او يومين و احيانا في نفس الوقت يعطيك اياها على حسب الفرع
انا للحين ما سافرت برى بس جربت اشتري من النت والحمدلله ضبطت معي ، اهم شيء لازم يكون عندك حساب في الراجحي :)
رد: طريقة الدفع في امريكا ؟!!
ياشباب انا ماعندي حساب الا في بنك الاهلي والفيزا تبعهم تجلس 10 ايام او اكثر بس مدام العضو محمد قال الكاش عادي خلاص ليه نعقدها زياده مافي مثل الكاش هع
رد: طريقة الدفع في امريكا ؟!!
اقتباس:
المشاركة الأصلية كتبت بواسطة مهاجر2010
بعد التحيه ....
اخوي بقولك في مصرف الراجحي يعطون بطاقه فيزا اسمها (تسوق) تطلع لك في نفس اليوم ياخذون عليها رسوم 100ريال طبعا لازم يكون عندك حساب في الراجحي وبعد ما تأخذها تقدر تشحنها من حسابك الجاري عن طريق الموقع الالكتروني للبنك ,انا ماقد جربتها بس فيه ناس يمدحونها ... الي قد جربها ولا يعرف احد مجربها يقول لنا
بالتوفيق للجميع
أنا مجربها وأنا في أمريكا الآن, البطاقة زينة لكن مشكلتها ما تقدر تحول لها إلا من حسابك الجاري في الراجحي وطريقة التحويل عن طريق النت وحسابك في النت ما يفتح إلا إذا كتبت كلمة السر المؤقته المرسلة لرقم جوالك المسجل في البنك, لو فصل جوالك أو ما جبت الشريحة انس تحول شيء للفيزا هذي أكبر مشاكلها.
وبطاقة الصراف العادية تشتغل هنا عادي بس أضن ياخذون مبلغ على كل عملية سحب, وفيه حد يومي للسحب.
رد: طريقة الدفع في امريكا ؟!!
ايه مافي مثل الكاش هع هع ,, بس لا تاخذ اكثر من 10000 الاف دولار ثمن تروح فالرحله هع هع هع
رد: طريقة الدفع في امريكا ؟!!
الكاش يمشي ومافيه أي مشاكل,
لكن لا تكثر كاش, وأول ما توصل افتح حساب امريكي وخل أهلك يرسلون المبلغ عليه,
الشيء الثاني انتبه من الصرف ترى الفلوس بتروح ما تحس فيها,
سعر الوجبة المعقول من 5 إلى 7 دولار وإذال أنت بطران مرة 12 دولار و12 دولار حول 50 أو 60 ريال سعودي فانتبه من الصرف لا تطيح في الفخ مثلي ما انتبهت إلا وأنا صارف كل شيء.
سعر الفندق لازم يكون في حدود 55 إلى 85 بالكثير لا تاخذ واحد أغلى.
س/ أنت على أي خطوط جاي؟
رد: طريقة الدفع في امريكا ؟!!
مشكورين على الردود انا جاي على الخطوط السعوديه
رد: طريقة الدفع في امريكا ؟!!
ممتاز أجل بيستقبلونك في المطار وبيضبطون وضعك,
لكن أهم شيء انتبه من الصرفيه, والله يوفقك.