عرض للطباعة
السلام عليكم ..
يا اخوان انا كنت مقدم على جامعه بهيوستن
المهم جاء القبول بعد شهر تقريباً
لكن القبول كان للمعهد مب الجامعه
انا كنت مأمل انه يكون قبول جامعه
لكن الحين عندي خيارين ..
1- يا اني اخلي هذا القبول واقدم فيه على الفيزا واذا رحت اطلب منهم قبول الجامعه
2 - اني ارجع لهم هذا القبول واطلب قبول الجامعه ولكن هذا بياخذ وقت واخاف تروح علي دراسه شهر واحد :/
انا مدري اذا قدمت على الفيزا بهذا القبول يعطوني خمس سنين ولا سنه وحده ؟
وش الحل الله لا يهينك لأني متورط ..
اذا انت مشترط على المكتب الي جاب لك قبول .. إنه يجيب قبول مشروط فمن حقك ترجع وتغيره إذا مو مستعجل وممكن تدرس عقب أكثر من شهر
إذا أنت مستعجل عالروحة ممكن تقدم فيزا بالقبول هذا ويعطونك خمس سنوات وبيسألونك أصلاً بالمقابلة وش تبي تدرس بتقول اخلص لغة وبعدين جامعة وعادي أغلب الناس مطلعين فيزهم على قبولات معاهد
بالتوفيق
صحيح كلام اخوي تفاكير ,, وانت اذا رحت هناك خذ قبولك ع طوول من الجامعه,
نفس حااالتي جاني قبول معهد بس
وحجزت بيه موعد فيزا لاني مستعجل مني فاضي اضيع شهر ثاني
بس الهم اللي انا شايله الان هل اقدرانضم للبعثه بقبول المعهد؟؟ واذا لا اعطوني حل يرحم والديييكم
لوول انا عكسكم جاني جامعه والمعهد احتريه ^^
السلام عليكم ورحمة الله وبركاتة ...
يالغلا انا مقدم على السفارة بقبول معهد فقط ...
وعطوني فيزة مدة خمس سنوات الحمد لله ...
بس أنت أطلب في الابلكيشن اللي تكتبة للسفارة أنك تبغى فيزة طالب خمس سنوات واذا رحت للسفارة ان شاء الله في نفس المقابلة بيسألك بكالوريوس ولا ماستر قله أدرس لغة وبعد ما أخلص بكمل دراسة جامعة ان شاء الله ...
وبطمن قلبك ...
اللحين السفارة صاااااارت زي شربة الموية خاصة مع الطلاب السعوديين الحمد لله ... مو زي أول تعقيد ... بس توكل على الله ... وصلي لك ركعتين قبل ما تدخل المقابلة وصدقني بطلع وأنت تضحك ان شاء الله ...
موفق خير .. أتمنى أكون أفدتك ..
لا أحتاج كلمة شكراً ... بل أحتاج دعوة في ظهر الغيب إن الله يحقق امنياتي
عسى الله يسهل أمورك .. ويحقق أمنياتك .. عاجل غير آجل .. يارب العالمين
تقبل مروري ...
ودي ... http://www.mbt3th.us/vb/imgcache/95465.png
لا تستعجل أن الله مع الصابرين وأجتهد أنت في الموضوع بعد