طالبه سعوديه +خمس اطفال+خادمه سااااعدوني بليييز(العوائل السعوديه)

اختي في الله ..

الاستخارة ثم الاستخارة ثن الاستخارة ,,

استحيري ربك وإن شاء الله يحلها ألف حلال ..

حماك الرب ..

الله يفرجها علي وعلى كل مسلم
ياااااارب
نفسي اعرف خطوات دخول الخادمه الى امريكا

ماشاء الله تبارك الله
الله يحفظهم لكِ وتشوفي عيالهم




والله يسهل لك امورك ياأختي

إضافة من موقع السفارة
The employer will be the only provider of employment, and will provide the employee free room and board and round trip airfare as indicated under the terms of the employment contract.

توفير غرفة فاضية للشغالة ووجبات وتذكرة ذهاب وعودة (يجب ذكرها في العقد)

حميدان شغالته كانت معاهم لها 10 سنين وقلبت عليه

[QUOTE=ابو ليان ونايف;2254548]أنا فاهمك لكن أنت يا اخي للآسف مش راضي تفهمني وانا راح افهمك اكثر بالنسبة للخادمات هنا في امريكا حقوق الخادمة عليك أكثر من حقوقك على نفسك بالنسبة للنظام الأمريكي و أي سهو أو غلط منك بدون قصد راح يدخلك في دوامة مالها أول ولا أخر بتقول انا ما راح انسى ولا راح اغلط اقولك هناك من كان اشطر منك و حاول و جت على راسه لأن المشكلة اساساً مو في الشخص اللي مصطحب خادمة معه المشكلة ان الخادمات خصوصاً الجنسية الاندنوسية يبحثون عن آي زله للإنتقام بغض النظر عن سنوات معرفتك بها ..
السؤال هنا لماذا المغامرة ؟! فهناك العبرة من قصة حميدان التركي و الاميرة و ...الخ

اتمنى وصلت الفكرة

وسلامتك ،،

من توكل على الله فهو حسبه

نيتك زينه ورايحه تدرسين لاتخلين الناس يخوفونك بكلامهم استخيري وتوكلي على الله

وسوي بحث في قوقل بتلقين مواضيع والأفضل انك تكلمين السفارة في الرياض او مكاتب السياحة لأن على ماسمعت الخدامه لازم يكون بينك وبينها عقد فيه راتبها اللي اظن مايقل عن 600 دولار في الشهر مع يوم راحه وماتشتغل اكثر من 8 ساعات .. وماعليك خوف ان شاء الله من هالعقد لان على قولتك شغالتك من 8 سنوات وهو يحصلها تروح امريكا بعد ههههههه

بعدين ترى الشغلات يخافون لأن امريكا قوانينها صارمه فيه محاكمه وقضايا موب زي السعوديه اذا انحاشت سفروها وانتهت المشكله

وبالتوفيق

انصحك واحذرك لاتجيبي شغاله معك انتبهي نصيحه لوجه الله

يالله .. نشيل يعني ولا منشيل؟

من تجربة شخصيه ..اقولك ماراح يمشي الحال معك (الا ان يشاء الله)
في نزلتي السعودية هالصيف الرياض خلال شهرين عملت كل المطلوب لتجهيز العقد بشكل نظامي بيني وبينه ووثقته وخلال دقيقتين بالسفاره رفضوه رغم انالشروط مستوفيه زي ماهو مطلوب منهم (من الاسباب انها ماقد سافرت معنا برا وان الراتب قليل رغم ان سعرالساعه كان يساوي الجد الادنى للاجور وقلت برفعه قالت حتى لو ماراح نستخرج لها فيزه لين تسافر معكم كم مره بره ...يعني تصريفه مالها داعي)
على ايه حال قالولي هنا مجموعه من السعوديات والخليجات ان فرصتي بجيبتها مره ضئيله لاني مامعي جواز دبلوماسي..اذا معك دبلوماسي توكلي على الله ففرصتك عاليه..اذا لا فهي مصاريف انت بغنى عنها)
لا تنسين انك بتضطرين تتطلعينها من البلد كل 6 شهور يعني مصاريفها توازي مصاريف الحضانه...
نسيت اقولك ان وحده عندنا هجت شغالتهاهالصيف وهي بامريكا وهي عندي بنفس المدينه وهي ماتحكي انجلش ابد بس شوفي كيف اللئيمات يعرفون يتصرفون ولا يخافون
دراستك للماستر ماراح تزيد عن 3 سنين مع اللغه باسوأ الاحوال فوالله حرام انك تتكلفين هذا كله ..زائد ان الام بي الان توفرها كل الجامعات الحكوميه والخاصه وبالتعليم الموازي بعد
الله يوفقك