للمبتعثين : هل تتمنى العودة والدراسة في المملكة؟

السلام عليكم ورحمة الله وبركاته

انا ولله الحمد تم قبولي في امريكا ماستر
ولكن بعض الردود حمستني وبعضها جعلتني اتردد شي ما

ولكن اخواني الكرام انا بكالوريس تربية خاصة ووظائفنا هنا بالسعودية انشاء الله مضمونه وراتب تقريبا 9700 ريال وزيادة سنويه 500 ريال هل تنصحوني اني اتركها واذهب لدراسة الماستر ام لا

؟؟؟؟؟؟؟؟؟؟؟؟؟؟؟؟؟؟

دحموووون ،،


كلامك يوسع الصدر ويملأ قلوبنا تفاؤل بالشباب السعودي ،،

اذا فعلا مضمون زي ما تقول وبهالمواصفات. اكيييييييييييييييييد ماراح افرط يهالوظيفه بلا دراسه بلا هم. يمكن ما اتوفق فدراستي يمكن ما احصل نفس الوظيفه اذا رجعت.... خصوصا انه الدراسه فالخارج كل مالها وتخسر مكانتها لانه الناس انكبت عليها, الان كل عائله تقريبا فيها على الاقل واحد يدرس فامريكا. انا شلتي اللي كنت اجلس معهم ثلثينهم الان فامرميكا.

كلامكم حمسني على البعثه ....<<<بس اكيد بنحن لدرانا السعوديه الله يرجعنا لها سالمين بأعلى الشهادات نرفع الراس ...


يارب يسر لي كل خير انا وكل اخواني المسلمين

بالنسبه لي قريب ان شاء الله بكون بامريكا ابدا دراستي

وطبعا ماراح ارجع للسعوديه الا والشهاده معاي

السلام عليكم...
احييك على هالموضوع القيم...تم التصويت...لا.... مع التحفظ ...و بشرح السبب:

بلدنا بلد خير و خير كثير و يكفي نعمة الإسلام اللي عايشينها ببلدنا و حكومتنا السخية.
بس المشكلة-اتكلم عن مجالي الطبي-في الناس اللي بيدرسوني و اللي بيصرون علي مسؤولين...
انواع التكبر و النفسية البايخة و اللي شايف نفسه و اللي يخلي لك درجة على مزاجه يكرهونك بشي اسمه دراسة!
بس هنا لا-وليت شعبنا يتعلم منهم-الناس تقابلك بضحك و بساطة و درجتك تاخذها زي ماهي مافي عندهم واسطات تزيدها لك و لا ظلم...و اهم شي الاحترام و التقدير و الاهتمام!


على ما ظن الكلام ذا ماهو بس بمجالي حتى انتم لمستوا هالشي في كل المجالات الثانية و الجامعات..اجل يخلون الدرجات جيد و جيد جدا و ممتاز و مقبول و راسب بس عشان يرضون عميد الكلية!عشان لا يقول ليه كل الطلاب و الطالبات جايبين ممتاز!
و القطاعات الثانية...هاتف و شركات و مستشفيات و النفسية الواطية اللي يعاملونا فيها! كرهتنا عيشتنا!
اغلى ماعندنا ذاتنا و اهم شي الاحترام و التقدير!


لحد اللحين اتذكر الموظفين السعوديين-للاسف-اللي نكلوا فيني و ذوقوني الويل في اجراءات بعثتي بالجامعة...بعد كذا تبغوني افكر ادرس فيها!لاوالله مستحيل حتى يقضي الله امر كان مفعولا!
والا شركة الطيران السعودية اللي جبت لها مبلغ 14000 ريال عشان احجز و اجي امريكي و شرشحوني وامسحوا فيني البلاط!


لو الناس هذول تغيروا و انمسحوا من الوجود اكيد بيكون لي الشرف اني اكون بوطني الحبيب ديرة بومتعب الله يطول لنا بعمره و يبقيه...واهم شي اني اصبح على وجه الغالين.


الله المستعان و الله يصلح الحال...وشكرا ع الموضوع.

آه آه على هالموضوع .,,

بصراحة هي فرصة عمر " الأبتعاث. " واللي بيتحمل الغربة ياوهنيه " ياحظه " ... لــكن يوم تفكر انكـ تخسر 4 أو 5 سنوات بعيد عن امكـ... تقول لأبو الدراسة لأبو كلب..

أقول " يالبى جلستن بحضن امي , وفنجال قهوتن معها وسواااااالفها اللي عزالله تشرح صدركـ ....." آخ يمه وينكـ !! << دموعه تقاطر.

الله يوفق الجميع

انا ليه 3 اسابيع ولسا دراستي ما بدأت اوكيه ... ليش تحن لاهلك وانت اللي اخترت الطيق هذا بيدك ما احد ضربك على يدك او سحبك وقال يالله اطلع ادرس برااا...
والحمد لله الانترنت يقررررب كل شيء اتصال بالمسن يشوووفونك وتشووفهم..

ورحت المعهد يوم واحد بس حاب اتعرف بس المهم قالوا ليه يالحبيب روح ارجع البيت وتمش وفلللللها وفي التاريخ المحدد في ال اي توني تعال عندنا << على بالي معهد وول استريت حريص مرررررة.
قلت لهم طيب وأول ما دخلت والله حفاوة في الاستقبال الابتسامة من المعلمين والادارة وقدموا بساكيت وحلويات وعصيرات دلعععععععع وهذا لغة لسا ما دخلت الجامعة

على العموووووم اطلع وغير روتين الحياة اللي بالسعودية >> دوام الصباح نوم العصر تلفزيون المغرب دشررررة آخر الليل ..
اطلع شوف النظام وشوف الناس الفاهمه شوووف معنى كلمة احترام القانون شوف الحرية شوف الشخص كيف يمكن يقيم نفسه ومجتمعه مع مجتمع آخر يختلف بعاداته وتقاليده ودياتنه شوف اللطف بالحيوان شوف الاحترام حتى لو كنت غريب ومو من اهل الوطن .

دعواتكم هي اللي يحتاجها الطالب المبتعث بالخارج الان ..

اشكر صاحب الموضوع لكن عندي نقطة ابى اعلق عليها:
الحياة في كندا معروفة اغلى من امريكا وغير انها حتى الي يبي يدرس سنة هناك بحسابه الخاص وحاب يكمل على البعثة صعب لانه من صعب تاخذ قبول جامعات في كندا
وشكرا ...