للمبتعثين : هل تتمنى العودة والدراسة في المملكة؟

السلام عليكم
الدراسه في الخارج فرصه ماتتعوض خصوصآ ان فيها تحدي لنفسك بكل المستويااااات واتمنى هالتجربه تكوون خير علي وأظن لوتتكتب لي بعثه ما اتوووقع ارجع بس اذا فيها خطر على ديني ونفسي أكيد بعيد النظر... حفظ الله للجميع

كلاااام راااااااااائع ومحمس ومتزن ربي يحفظك يارب..عجبني كلامك وعارفه قصدك انك تغيرت من نواحي كثيره
وعجبتني لمن قلت يبغالها تفصيل وترى مايبغالها محد حيفهم عليك الا من خلال التعامل

السلام عليكم
صحيح زي ماقالت الاخت (غياب احساس) هيا فرصة ماتتعوض
عن نفسي انا الاسبوع القادم مسافر لكن بإذن الله اذا سافرت مستحيل افكر بالرجعة (انا اصلا مفكر ما ارجع حتى في الاجازات)
اهلي بيزوروني...

سلّــم لي على أمريكاا,
وسأكون فيها بعد أيام قلائل إذا أراد ربي.

ودّي...

اتفق معك ان الدراسة ماتتعوض بالخارج .. لكن انا اسأل الطلاب المبتعثين حالياً ... هل مثلا اجواء الدراسة تخليهم يقولون نبي نرجع السعوديه ونكمل ... انا ما اتكلم عن الظروف الشخصية مثل الي تصير للبنات ..من غياب المحرم و الخ.

بصرحه اجواء الدراسة في جامعاتنا تختلف كليا عن اجواء الدراسة في الجامعات الامريكيه .. ومن هاذي النقطه انا اسأل المبتعثين حاليا .. هل يا مبتعثين تنصحوني اكمل مشواري الدراسي او اقبض ارضي .

اتفق معك اخت جنوبيه.. انا اعرف وش يقصد الاخ . وهذا شيء طبيعي انك راح تعتمد على نفسك بعد ماكنت معتمد على الغير طول حياتك .. هاذي بحد ذاتها انا اشوفها فايده وعلى اساس هذا انا رديت في رد سابق وقلت اني اتفق معاه .

شيء طبيعي لما ماتحصل احد يغسل ملابسك مثلا ..تروح تغسلهم بنفسك .. ونفس الشيء للطبخ .والخ.

بالتوفيق اخوي .. وهذا الكلام الي احب اسمعه

موضوع مهم نبي تفاعل من طلاب أمريكآآآآآ


ششوي وبنجن أتومتكي إذاجاء طاري أمريكآ آقارن بينها وبين السعودية

آكيييييييييييييد ما آفكر آرررررجع لآسباب

الدراسة في آغلب الجامعات الآمريكية آقوي من السعودية طبعا نظام الدراسة مرررره غير
آنا دراستي تتطلب مني آشياء عملية مرره كثير ومرتبطة بسوق العمل ونطبق اللي درسناه واحنا لسي
ندرررس ، نفس الدكاترة تعاملهم غير طبعا هنا ما آعمم لآن في في كل جامعة ومجتمع السيء والممتاز
لكن عموما الدكاترة اللي درسوني كانوا مرنيين في تعاملهم ماعندهم انه انا دكتور وشوفة النفس اللي عند بعض
الدكاترة عندنا ممكن تلاقي دكتور يمزح مع الطالب يدردش معاه في آي شي
وبعد انك تختلط بمجتمع وثقااافة غير عن مجتمعك هذا ينمي عندك آشياء مرره كثير
احنا لما درسنا في آمريكا مو بس استفدنا من النظام التعليمي عندهم استفدنا من النظام المعيشي
يعني كثير آشياء الواحد يستفيد منها آولها اللغة و الاعتماد علي النفس في كل شي وتكون الميزانية كلها بيدك
ونت المسؤول كيف تصرفها بتوازن،،،
وفي شي مررره مهم التعامل الراقي اللي تشوفه من آغلب الناس زي الاعتذار، الابتسامة ،البساطة،،،،،،،،
تعرف قيمة الوقت لآنه مره مهم هنا
تكون صداقات من طبقات مختلفة ، تتقبل الطرف الثاني حتي لو كان مختلف معاك في العقيده
في الفكر في كل شي
جد مره كثير

والله ما اعـتقد تقدر تقارنـ بين هذى وهذى الـى 20 سنهـ لـقودامـ
لان وربي الفرق زي الثرا والثريا ..
اشياااااء كثيــرهـ .. والشباب ما قصـــــــــــــــــــــــــرو
لكن انا بأضيف شئ واحــد من ناحية الدراسهـ
للـاسف في السعوووديهـ الدكتور ولا المدرس يسوي كوبي لـمواضيع الكتااااااااااب ويجي يقولها والباب
هنا في امريكا activities + Study
وكمان يهمتون بالانشـطـه وبعدين الدراسه .. لانها توصل المعلومـه بدري ..
تحياتي :
حـ ج ـازي

السلام عليكم

اشكرك اخي على فتحك الموضوع فملخص الدراسة في الخارج لخصها الامام الشافعي لنا في ابيات جميلة ومعبرة فقال

تغربْ عنِ الأوطانِ في طلبِ العلى
وسافرْ ففي الأسفارِ خمسُ فوائدِ
تفرجُ همٍّ ،واكتسابُ معيشةٍ
وعلمٌ ،وآدابٌ ،وصحبةُماجدِ

فالدراسة بالخارج بحد داتها مغامرة مصحوبة بكل شيئ بمعنى اخر انك تتربي على الاعتماد على نفسك في كل امروك وهدا مؤشر ممتاز بحد داته
أضف الى دلك مخرجات جامعاتنا لاتقارن بمخرجات جامعاتهم وقس على دلك الشخص الدي يتخرج مثلا من امريكا او من كندا ينظر له بعين الرضا او من زاوية ايجابية

فلو كاان سؤالك اكثر تحديدا لخريجين الجامعات السعودية
فأنا خريج جامعة الملك عبدالعزيز لغة انجليزية
ولاكن عانيت من بعض الدكاترة الدكتاتوريين ان صح التعبير وليسو الدكاترة فو الله بعضهم ينظر اليك وكأنك حشرة ولست طاب تسعى للتعلم

وايضا هده فرصة دهبية فالفرص لاتأتي كل مرة فيجب اغتنامها من كل النواحي
ومازال الحال عندنا في السعودية فاكبر معضلة ومشكلة هي الان اين ماتدهب تسأل عن اللغة الانجليزية
فأنت تضرب عصفورين بحجر تدرس اللغة الانجليزية وتمارسها في تخصصك اين كان هدا التخصص

اما مسألة العودة الى السعودية ام لا فانا اقول لك يا اخي اغلبهم ادا ماقلت كلهم ان صح لي التعبير انهم سيعودون الى ارض الوطن
لمادا ؟
اغلبهم الان يقولون لن نعود ولاكن هدا كله حمااااااس شباب
ومادا عن اهلك هل سوف تحملهم عبء السفر ورائك حتى يطمئنو عليك من وقت لاخر
الاجابة طبعا لا
ابوك يجيك لحد امريكا يشتكيك لأوباما مانفع معاك سحبك من رجلينك ورجعك لديرة

الا يريد الزواج طبعا نعم ----- الانظمة الان اكثر تعقيد من ناحية الزواج بأجنبية واسأل مجرب

الا يريد الحصول على وظيفة طبعا نعم ------------ سيكرف كرفا مبرحا في امريكا او كندا الخواجات ماعندهم ياماما ارحميني وعلاوة على دلك التخصص الدي ستدرسة الاف مؤلفة من الخواجات درسوه ويعملون به

ارجع الى ارض الوطن وسوف تجد ان شاء الله الوظائف المتاحة لك

هدا رأي الشخصي واسف على الاطالة
وسلامتكم
[/B]

انا صآر لي ثلآث شهور تقريبآ بأمريكا
أفكر بالرجعه بس لان اهلي وآحشييييني اما اني ارجع وادرس بالسعوديه صرآحه مستحييل اسويها بعد مآشفت كييف الدرآسه هنآ
يعني هو الشي الوحيد الي محمسني ومخليني جآلسه للحين .. مآآحس انهآ درآسه وقرف مثل الي عندنآ بالبلد بالعكس ونآسه ويوصلون لك المعلومه بطرق تفتح النفس ..
بس مآعدآ ذلك يآزين بلدنآ والله وحشتتني .. يآلبيه يآلسعوويه