انا مفهي ولا المكتب يستهبل ؟
السلام عليكم ..
يا اخوان المكتب جاب لي قبول جامعه وقبول لغه .. طبعا اللغه من ولايه غير ولاية قبول الجامعه ..
الغريب ان بداية الدراسه بالمعهد يناير .. والجامعه يناير !!!!
قلتله كيف كذا بالله ؟؟ كيف بيضموني ببرنامج خادم الحرمين .. قالي عااادي .. اطلب تاجيل دراسه من الجامعه !
مدري صحيح كلامه اراسل واطلب تاجيل ؟ وهل التاجيل مسموح دامي قاعد ادرس اللغه ؟ وهل بيضموني بالبرنامج كذا !!
اتمنى من الي عنده جواب يتفضل علينا ..
وشكرا مقدما ..
رد: انا مفهي ولا المكتب يستهبل ؟
اخوي عادي ان يكون لغه في مكان وجامعه في مكان مو شرط بنسبه للبرنامج الملك
ترا مو شرط اساسي انه قبول مشروط من الجامعه يعني هم حطو النظام لتعقيد كل الي يجيون هنا يبون جامعه
وخله يرسل للجامعه يقولهم اجلو دراسه الي فصل الثاني
ويمكن مكتب يبي يسلك لك مالقالك قبول في ولايه وذبلك وحده سهله القبول
رد: انا مفهي ولا المكتب يستهبل ؟
مرحبا اخوي الفاضل
ايه نعم صحيح تقدر تأجل عادي واعتقد لك مرتين تأجيل بس المره اكيد لين ماتنضم واذا ماتبي الجامعه تروح لغيرها عادي
اقصد اذا انضميت تدور جامعه ثانية او هي مافي مشكله
رد: انا مفهي ولا المكتب يستهبل ؟
مشكورين يا اخوان عالردود ..
بس انا عارف انه عادي يكون اللغه بولايه غير الجامعه .. هذا كان طلبي من المكتب . انا الي اقصده هل فيه شي اسمه تاجيل + لو اقدم اوراقي للملحقيه وكلهم مكتوب الدراسه بيناير اتوقع بيمسكوني الباب !
رد: انا مفهي ولا المكتب يستهبل ؟
هو عادي انك تجيب قبول معهد من ولايه غير ولاية الجامعه... بس ليش تتعب نفسك
واتاكد ان المعهد والجامعه معتمدة لدى الوزارة
الافضل انك تاخذت قبول من معهد تابع للجامعه افضلك
ليش؟
لان عادة اذا درست في معهد الجامعه ... وكان المعهد مثلا عنده 6 مستويات ... تقولك الجامعه اذا خلصت المستوى 6 راح تدخل الجامعة على طول بدون اختبار التوفل
وبعض المعاهد اللي تابعه للجامعه تسوي اختبار للتوفل خاص فيها ... يعني اسهل من اختبار التوفل العام ... وتقولك جيب درجه معينه وادخل الجامعه
الآن اسال المكتب وقوله
هل قبول الجامعه مشروط؟
ما هي درجة التوفل المطلوبه للجامعه حتى اضمن دخولي فيها؟
وطلب من المكتب انه يراسل الجامعه ويغير تاريخ قبول الجامعه ... لانك انت عطيت المكتب فلوس وهذي هي شغلته مو شغلتك
ولا يقولك عادي ويبسطلك الموضوع ... لا مو عادي ... اذا رحت لامريكا وقتها من بيراجع المكتب اللي بالسعوديه ... ويغير تاريخ قبول الجامعه
المكتب غلط بس ما يبغى يعدل خطأه
بالتوفيق