تكفون ساعدوني بعدالله لو بس بالنصيحة

السلام عليكم
انا ضاااع من بعثتي تقريبا 6 شهور في معهد جدا زفت في كاليفورنيا
وابغى اغير في معهد تابع لجامعة وانا مع اطفال وحالتي حالة
انصحوني في معهد تابع لجامعة وجامعة سهلة في الادارة او ادارة الاعمال بدون الجيمات
ولا توفل يكون اخلص المعهد وادخل الجامعة ..واذا في كاليفورنيا يكون افصل عشان المرمطة والنقل
والمدة تبع المعهد تكون سنة لان انا راح 6شهور مني
واش رايك في معهد els؟؟؟؟؟؟؟؟؟؟؟؟؟؟؟؟؟؟؟؟؟؟؟
بحكم انه ينقبل في كذا جامعة تنصحوني فية؟؟

ادعواااااااااااااااااااااا لي تكفون والله محووووووووووووووووووووووووووسة

الله يكون في عونك ويسهل لك امورك

لكن اخوي ما فيه معهد يدخل اللغه في راسك كل المعاهد تقدم لك دروس وانت وشطارتك

اذا انت رجال لما ترجع للبيت تراجع الدروس وتحفظ الكلمات الي ما تعرفها راح تتطور وتفلح مع الفالحين

لكن اذا انت رجال تداوم وتحل واجباتك بس بدون اي جهد مجرد حل فقط لأرضاء المدرسه صدقني مارح تفلح

انا كنت في معهد وكان يعطيني دروس وكنت ارجع اذاكرها في البيت مع العلم اني كنت ما افهم شي الا قليل

قلت المعهد فاشل وفيه وفيه وفيه ...الخ ونقلت منه لمعهد ثاني لكن الكتب تختلف لكن نفس المضمون الي كان في المعهد السابق

لكن صدقني اذا انت مرتاح في المعهد راح تبدع في اللغه وتمشي امورك لكن اذا انت ما ارتحت فيه ما راح تمشي

واذا انت تبي ترتاح ( ما عليك من الناس " ناس تهرج وناس تتكلم ) خصوصاً بعض السعوديين فاضي لا شغل ولا مشغله

ويصنع لك مشاكل من غير مشاكل اصلاُ .

لكن مثل ما قلت لك اللغه تعتمد عليك انت اولاً واخيراً .

راجع دروس اول بأول . احفظ كلمات جديده كل يوم . مارس اللغه كل يوم لو ما تعرف تتكلم كسر يا بخت البيوت الي تكسرها .

وراح تشوف النتائج بعد فتره لكن لزم تصبر ولا تفكر ان اللغه صعبه وانها معقده وانا ما افهم ومن الكلام هذا .

بالعكس اللغه سهله وممتعه وكل يوم راح تتعرف علشي جديد كلمه ممكن تفيدك في مكان . ونصيحه لا تخلي احد يترجم لك

خلص شغلك بنفسك لو تخبط وتكسر اهم شي لا يترجم لك احد .

وارجع واقولك اصبر ثم اصبر ثم اصبر ثم اصبر . لكن موب تصبر وانت ما تشتغل على نفسك وتقول ماصار شي

لا اصبر وخلال الصبر احفظ ومارس وافهم وترجم وافضل طريق للحفظ هي الكتابه صدقني راح ترسخ المعلومات في مخك ما تنساها .

ونسيت لا اقولك بخصوص معهد ELS

ما جربته ولا راح اتكلم عنه واتفلسف عليك

لكن

الي اعرفه انه السشن عنده شهر يعني 4 اسابيع يعني ضغط فضيع . كل يوم درس جديد ما راح تلحق .

شف لك احد معاهد الجامعات يكون السشن شهرين او ثلاثه راح تاخذ راحتك وتتمدد على كفيك والدرس راح يكون تقريبا خلال يومين يوم شرح ويوم او يومين ممارسه وحل تمارين
وراح ترتاح من الضغط وتشوف الفرق والراحه وراح تبدع ويكون لك نفس تذاكر و تنبسط في نفس الوقت

بالتوفيق لكـ

تكفووووووووووووووووون بس نصيحة الله يسهل وييسر علي يارب

أختي العزيزة منال .. بصراحة انا لسى جديد في ولاية كلورادور بدينفر ...والأخوان والأخوات ينصحوني بالديرة انها جيدة وبالأمان ان شاء الله فيها أمان .. وفيها جامعه اتوقع ماتطلب عليكي شروط اللي هي www.du.eduلكن نظامها 3 شهور في المعهد .. انا ان شاء الله راح اقدم فيها واخبرك بالمطلوب بالضبط .. لكن هذي الجامعه قويه وتأسيسها باللغه الأنجليزية ممتاز على كلام الأخوان اللي عندي وانا ان شاء الله راح اقدم اوراقي فيها وراح انتظر القبول منها وان شاء الله قد افتدك بشي اعرفه .. لكن كاليفورنيا ماعندي أي خلفيه عنها واسف على الأيطاله