اسبوع اللحين مو عارف اكلم اهلي
انا في امريكا
طلعت شريحة تي موبايل
وابي ادق على السعوديه مو راضي
كلمتهم قالوا الدولي غير مفعل عندك تبي نفعله بــ 11دولار
قلت ايوه فعلوه
وإلى اللحين مو راضي يدق
كلمتهم مره ومرتين و3 و4 بس مادري وش السالفه
انا ادق هالرقم
00966
وبعدها رقم الجوال بدون صفر
قالوا يمكن رقم الجوال غلط- غيرته الف مرررره
تكفون حبايبي ابي حل
رد: اسبوع اللحين مو عارف اكلم اهلي
لازم تشحن الشريحة من موقع smart phone وشتر بطاقة طبعاا بياخذون معلوماتك كاملة ثم بيعطونك رقم الشحن
رد: اسبوع اللحين مو عارف اكلم اهلي
اخوي اذا بغيتني اطمن اهلك ولا شي ارسلي رقم واحد من الشباب وبكلمه وطمنهم عليك وذا بغيت حتى اعطيهم رقمك وهم يقدرون يدقون عليك الين تعرف كيف تشحن
رد: اسبوع اللحين مو عارف اكلم اهلي
ياطويل العمر اذا بغيت تدق على السعوديه لازم تغير المفتاح
انسى موضوع 00966 لازم بأمريكا تبدأ المفتاح بـ 011966
على سبيل المثال : 011966555555555
وسلم لي على الأهل ولاينسوننا من صالح دعائهم ,
رد: اسبوع اللحين مو عارف اكلم اهلي
بيض الله وجهك يابن سلمان
عز الله انك سويت فيني جميل
ياخي وادق ادق اثر الدعوه كذا
وخدمة العملاء يقولون دق 00966 ابوكم ابو من جمعكم
بيض الله وجهم ياذيبان
وشاكر لك يانشمي على فزعتك الف شكر لكم جميعاً
رد: اسبوع اللحين مو عارف اكلم اهلي
اخوي فيه طريقتن للاتصال بالسعوديه وانا افضل الطريفه الثانيه لانها ارخص
الطريقه الاولى انك تتصل من جوالك الامريكي مباشره ومثل ما قال اخوي عبدالله ابن سليمان "لازم بأمريكا تبدأ المفتاح بـ 011966"بس هذي الطريقة مكلفه وراح تصرف مبلغ كبير على مكالمه قصيره
الطريقة الثانيه انك تشتري احط بطاقات الاتصل وفيه شركات كثيره لكن انا ما تعملت الا مع شركة وحدة واشوف انها كويسه وسعره مناسب شركة سمارت هذا رابط الشركة PPoutlet.com : calling cards, international calling card, prepaid calling cards, international calling cards, pin free calling, pinless dialing, pinless cards, smart phone cards, prepaid phone cards
طريقة الاشتراك سهله وموجودة في الرابط هذا شرح كامل
http://www.mbt3th.us/vb/forum8/thread159784.html
بالنسبه للاي يتصل عليك من السعوديه فيه نقطة مهم يمكن الكثير ما يعرفها انك لما تشترك باقة الدقئق المحدودة انه يحسب عليك دقايق لما اي واحد يتصل عليك من برى الشركة يعن حتى الي at&t لما يتص فيك يحسب عليك دقيق لكن تختلف الحسبه اذا كان الاتصال داخلي او من دوله ثانيه او انت الي المتصل المهم انه هذا الي فهمته من موظف الشركة (تعرف اللغة دمار ويالله افهم) لكن عشان توفر على اهلك ويصرون يدقون مجاني كل الي تحتاجة جهاز اسمه ماجيك جاك magicjack وهذا رابط الشركة magicJack
كل الي عليهم يزينون الاعدادات ويشبكونه بكمبيوتر فيه نت ويدقون وكانهم داخل امريكا يطلعلك رقم داخل امريكا وبكذا تخلي اهلك يكلمونك مجاني ولما يتصلون عليك يقل صرف الدقايق على كلا لما تشتريه تاكد انه شغال لانه يحتاج تسجل وطرقه والله ما اعرفها وبحث بالمنتدى وما لقيت شرح لها لك ابحث اكثر راح تلقى من يتكلم فيها وشرحها بشكل موسع
اتمنى ان اكون افدتك
رد: اسبوع اللحين مو عارف اكلم اهلي
طيب اخوي ليش ما تستخدم سكايب SKYPE بلا فواتير ولا وجع راس
رد: اسبوع اللحين مو عارف اكلم اهلي
صدق والله استخدم سكايبي احسن لك والله
بلا مصاريف بلا هم
رد: اسبوع اللحين مو عارف اكلم اهلي
السلام عليكم
عزيزي هذا الخطا يقع فيه الكثيرين
استبدل الصفرين الي في البدايه وحط بدالهم +
يعني بدل ال 00 الي بالبداية وحط بدالهم +
يعني مثلا رقم الاهل هو 0551234567
تحط الرقم كذا
966551234567+
جرب وان شاء الله بتضبط معك
موفق خير
رد: اسبوع اللحين مو عارف اكلم اهلي
اناا من يوم عرفت المكالمات احط 00966 وماشية اذا بغيت الرسايل احط 011966