بسم الله الرحمن الرحيم
شوفي يا أختي راح أجاوب على أسئلتك وما يحتاج تتعبين نفسك وتسألين
الأجراءات الازمة قبل دراسة الماجستير:
هي يا طويلة العمر تاخذين شهادتك الجامعية وتروحين للوزارة التربية والتعليم
وتقولين لهم أني راح أكمل دراسة الماجستير في التخصص .....طبعا راح تختمين على الشهادة بختم هم أعرف بها
بعدين تروحين لمكتب يصلح قبول طلاب
>>> المكاتب لهم خبرة كبيرة في تصليح القبولات وبشكل سليم وسريع
وراح يطلب من طلبات مثل:
شهادة بنكية , صورة من الشهادة الجامعية, صورة من الجواز
وحاجات مثل هيك :eyebrow:
طبعا إذا رحتي للمكتب راح يعلمك وش الأوراق المطلوبة
وبخصوص تكاليف الدراسة مع تكاليف معيشة لمدة شهر أو شهرين تختلف من ولاية لولاية
بس تقريبا من 15 _ 25 ألف
كيفية أنضمامك للبعثة : أول شيء أول ما تروحين لآمريكا راح تجلسين في واشنطن العاصمة
بعد ذلك راح تروحين للملحقية السعودية اللي في واشنطن
وتدخلين عليهم ومعك أوراقك اللي راح يعطيك أياها المكتب والسفارة الأمريكية اللي في السعودية
وتقولين لهم انا طالبة سعودية أبغى أنضم لحساب الدولة
طبعا بيعطونك نموذج تعبينه عندهم
بعد ما تقدمينه راح يقولون لك أنتظري الين نرسل لك رقم فيه ما أدري وش اسمه
بس أتوقع اسمه الرقم الطلابي أو حاجة زي كذا والله نسيت وش أسمه
المهم الرقم راح يرسلونه عن طريق الآميل
طبعا بعد ما يقولون لك خلاص راح نرسل لك الرقم
تروحين لولايتك
وهنا عاد يبدأ العذاب مع الملحقية متى يرسلونه لك
إذا كنتي شديدة معهم في الكلام راح يرسلونه لك بعد 4 _ 7 أيام بالكثير
بس إذا كنتي متساهلة معهم راح يجيك الرقم بعد شهر أو شهرين
>>> الرقم هذا راح يفيدك في الأنضمام لحساب الدولة
أمااا بخصوص الــ 5 سنوات مالها أي دخل في موضوعك
هذا له دخل في موضوع برنامج خادم الحرمين الشرفين للآبتعاث
>>> يعني مالك دخل أنتي في الموضوع حتى لو كان عمرك 55 سنة
ومتى أنضمامك على حساب الدولة:
على حسب قوة واسطتك
واحد من الشباب ...... أنقبل على حساب الدولة وهو ما كمل أسبوع
وأغلب الطلاب ينقبلون بعد 3_ 5 أشهــر
أتمنى والله لك التوفيق والسداد
نصيحة لكي يا اختي : المكاتب اللي يضبطون الطلاب للأبتعاث راح يفيدونك أكثر لأنهم هذي شغلتهم فهم أبخــص