الأعضاء الإشتراك و التسجيل

الملتقيات
ADs

أحبك يا آيفون

أحبك يا آيفون


NOTICE

تنبيه: هذا الموضوع قديم. تم طرحه قبل 2662 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Alina
    Alina

    مبتعث فعال Active Member

    Alina الولايات المتحدة الأمريكية

    Alina , أنثى. مبتعث فعال Active Member. من السعودية , مبتعث فى الولايات المتحدة الأمريكية , تخصصى يا رب ألتحق بالبعثة , بجامعة UW
    • UW
    • يا رب ألتحق بالبعثة
    • أنثى
    • Seattle, Washington
    • السعودية
    • Jul 2010
    المزيدl

    October 11th, 2010, 03:10 AM

    باك ... وهالمرة من سياتل

    صار لي موقف ..إن شاء الله ما يصير لأي أحد فيكم

    اشتريت ايفون جديد ..وفرحانه فيه.. لدرجة نسيت ولائي للنوكيا تماما


    لأني أستخدم الخرايط والباصات يوميا ومدمنه نت
    المهم كنت واقفه في محطة الباص..وراعي الباص طنشني ومشى..
    أشرت له أنا هنا..معقوله ما شافني...وقف لي الباص بعد 100 متر
    قالوا لي البنات run just run
    وركضت له وأسمع صوت شيء يطيح
    طالعت ورا..وأنا مستغربة إيش صوت القزاز اللي طاح مني
    ما عندي شيء قزاز...!!
    وأشوف المنظر الأليم..
    جوالي الجديد اللي ما كمل أسبوع طايح على الرصيف ومكسورة شاشته
    شلته وأنا مصدومة وجلست في الباص.. طلعت واجباتي وبديت أحل اللي ما أمداني أحلها أمس<<ما بعد تأقلمت على الجو الجديد


    بعد 20 دقيقه جلس جنبي واحد ريحته اكل وريحته مررررة تلوع وكنت شوي وأستفرغ عليه بسبب نفسه
    صار يسألني..هل أنتي متزوجة؟ آر يوم سنجل؟ دو يو هاف بوي فرند..؟دو يو لايك فرند شيب؟
    أنا فلان وجا يصافحني ،ابتسمت له مجاملة وقلت له سوري ما أصافح..قالي إنتي مسلمة..قلت أيوه
    رجع يسألني نفس الأسئلة الغبية اللي فوق ..مدري ما يفهم ولا يستهبل..وأنا مطنشته وأحل الواجب..
    ما صدقت متى تجي محطتي ونزلت في اول محطة في الجامعه..
    ناقصني واحد ينكد علي يومي ..مو كفاية الايفون اللي شوفته كسرت قلبي..
    سويت نفسي ما صار شيء..وخبيت الايفون في الشنطة وكملت يومي عادي..
    المرات اللي بعدها صرت اجلس جنب بنات وأخليهم يترجمون لي الكلمات اللي ما فهمتها
    أحلى شيء المذاكرة في الباص عشان الباص كله يشتغل ويحل معاك الهوم وورك خخخخ


    رحت لتي أند تي اللي شريت منهم وقلت لهم طاح وأبي أصلحه
    قالوا لي حنا نتذكرك زين .. ليه ما شريتي الكفر مننا ؟
    روحي لapple store ورح يكلفك تصليحه 200 $

    رحت لمحاضراتي على طول وفي الليل قررت اصلح الايفون...أمري لله..ما عندي حل ثاني
    علما إني شفت في النت كذا واحد يبيع شاشة ايفون ويركبها بمبلغ أقل بس ما عرفت وين ولا كيف.غير إني ما ارتحت للموضوع لأن الايفون صار زي ولدي وأخاف عليه + إني مستعجله قبل ما أحد يكتشف المصيبة هذي ويهاوشني عليها

    يوم السبت اللي هو قبل أمس...رحت لـapple store وأعطوني موعد بعد ربع ساعه..

    قعدت ألفلف وأشوف الاي باد والاشياء الثانيه اللي عندهم
    ولما جا دوري.. ناظرني كرستوفر..وناظر عيوني اللي شوي تصيح
    قالي عندك أي معلومات في الجهاز..قلت له بس 10 أرقام و10 صور
    قالي ما سويتي لهم كوبي؟ قلت له لا ..الحين أنسخ الأرقام في ورقة ..والصور بمسحهم مو مهم
    قالي لا تمسحي الصور...ارسليهم على ايميلك ..وبضغطه زر كانوا كلهم في ايميلي واصلين
    قال قرقر بالانجلش فهمت منه إنه رح يبدلي الجهاز مجانا
    قلت لالا أنا فاهمه غلط
    دخل جوا وجاب لي جهاز ثاني نفس جهازي وطلع شريحتي وحطاها فيها
    قلت له كم رح يكلفني
    ابتسم الأشقر وقالي نثنق
    قلت له ليش؟!!!!!!!
    قالي أنا شايف إنك ما تهنيتي أسبوع فيه..وهذي هديه من أبل لك..ولا عادي تكررينها ولا رح ندفعك المرة الجاية
    وسالني كيف طيحته عشن يشوفوا نسبة اللي صار لهم زيي وكيف ممكن يحلوا هالمشكلة
    وأنا مو مصدقة اللي قاعد يصير
    حمدت ربي على النعمة...أخيرا صار لي شيء حلو اليوم
    لأني من يوم ما جيت سياتل وأنا كل يوم تصير لي مشكلة وكل يوم يومي مقلوب


    وبعدين رجعت البيت وقابلني أخوي قالي ايش سويتي
    قلت له كنت مسوية شيء غلط ورحت صلحته
    استغرب وقالي ايش فيه؟؟؟؟؟
    حكيت له الحكاية وكيف خبيت عليهم الموضوع يومين عشن لا أحد يهاوشني يكفي الألم اللي في قلبي
    على قلبي الايفون
    مرة انبسط وقالي في كم دقيقة صلحوه ..
    قلت له أعطوني واحد بديل وجديد..
    << صار يفكر يشتري منهم آي باد
    واللي أنصح فيه بقوة لأي أحد طول وقته على النت
    أو يحب يكتب في أي مكان..

    وقبل ما أطلع وقفت واحد من خدمة العملاء كان يدور..
    قلت له أبي أفتح حساب في الI-TONES
    سواها لي إياها مجانا
    بينما أنا لما كنت أحاول أسويها كانوا يقولوا لي ادفعي مدري كم

    وأيوه قبل ما أنسى
    أخوي السويلم..أحد أعضاء المنتدى هذا
    قالي إني أقدر أطلب غطاء COVER للايفون مجانا عن طريق الاي تون
    وأحب بهالمناسبة أشكره على شرحه المفصل..يعطيك العافيه أخوي
    وفعلا طلبتها أمس وإن شاء الله توصلني بعد اسبوعين على عنواني هنا في أمريكا طبعاً
    علماً إنهم يبيعونها في المحل ب25 $ الظاهر

    نهايه اليوم الطويل نمت والآيفون في يدي وأنا أقول ..أحبك يا آيفون

    يا ربي لك الحمد على النعمة
    هذا من فضل ربي
  2. شريته بـ 715$
    رح يرجعوا لي منها 500$ بعد سنة
    أخترت الباقة اللي عدد لانهائي من الرسايل و450 دقيقة و2 جيجا بايت


    نعم مرة مفيد خاصة للناس اللي مثلي ما يدروا وين ربي حاطهم ولا يدلوا الشوارع ولا يعرفون متى يجي الباص رقم كذا ومتى وأي باص ممكن يوصل لمنطقتك غير باص الساعه كذا إذا تأخر عليك
    أو إذا تبي تروح لمكان معين تقدر تدور عليه في الخريطة ويقولك كيف تروح له سواء مشيا أو بالسيارة أو بالباص
    هذا أكثر شيء أنامستفيده منه في الآيفون
    طبعا تقدر تحمل عليه ديكشنري <مترجم
    وبوصله
    وبرامج بالهبل ثانية
    7 "
  3. السلام عليكم

    معليش عارفة انه كلامي خارج الموضوع بس بسألك عن سياتل

    ايش رأيك في المدينة ؟وهل فيها سعودين كثير

    وكيف اسعار الشقق اللي تكون نظيفة وفي منطقة كويسة

    اسفة على الاسئلة الكثيرة بس قاعدة اجمع معلومات عن المدينة

    وانا كمان زيك I'm in love with ny I phone

    This written with my lovely I phone

    Thanks alot
    7 "
  4. أهلين يا أخ تركي
    أنا قد سمعت عن هالموضوع من زمان ونسيته
    لكن لو كانت المشكلة في نقطه معينة..رح أبعد إصبعي عنها وأستمتع بباقي الجهاز
    علما إني ما واجهت هذي المشكلة للحين مع إني أمسك الجوال كل المسكات اللي تخطر في بالي

    7 "
  5. حيا الله فلاور

    ودي أقولك عمضي عيونك ولا تشيلي هم حاجة
    تعالي بس وأنا أسوي لك كل شيء .. لأني كنت مثلك قبل شهرين واكتشتفت إني شلت هم على الفاضي وما ألومك يعني كلنا مرينا في هالمرحلة

    تعالي نتكلم في ملفاتنا الخاصة ..وبرد في ملفك الخاص بعد كم ساعه إن شاء الله عشان أجيب لك معلومات مفيده.
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.