وش هي افضل طريقة للفلوس من السعودية لأمريكا؟

خذ معاك كاش واول ماتوصل الولايه افتح حساب واودعه
طبعا خلي عندك احتياط بحسابك السعودي لو احتجت ممكن تسحب منه او تخلي اهلك يودعوا لك

او الكردت كارد اذا عندك تغنيك عن هذا كله

وراح يكفيك حوالي 2500 دولار

حط في بالك انك ممنكن تدفع قيمه العفش الزايد اذا عندك وقيمه الفندق في واشنطن ليلتين واحنا حطونا بفندق غالي بصراحه

توصل بالسلامه
تحياتي

فيه طريقة حلوة عملها واحد من الشباب و أنا على الطريق

المهم

اطلب بطاقة مسبقة الدفع و ركز معي مسبقة الدفع ماهي ائتمانية من البنك الأهلي و طبعاً افتح حساب عندهم واشترك بالأهلي أون لاين و بكذا أي واحد يعمل إيداع بحسابك تقدر تحوله عن طريق موقع البنك لبطاقتك

و طبعاً البطاقة رسومها 100 ريال بالسنة هذا عدا أن أي عملية على البطاقة ينخصم منها 39 ريال

لكن البطاقة عملية و روعة على كلام من جربها

و بالتوفيق إن شاء الله للجميع

أخوووي أبو الحسن ياليت تفهمني أكثر عن هالبطاقه

لاني سمعت عنها كثيييير

وأنا حسابي بسامبا عندهم هالخدمه ولا لا,,

والله يعطيكم العافيه جميعاً
على هالمعلومات القيمه

انا عندي البطاقة هذي لي أكثر من سنة Prepaid Master Card
رسومها 100 ريال و إذا بغيت بطاقة تستخدمها للانترنت لها رسوم إضافية 100 ريال ثانية

احلى ما فيها في الغالب اخليها فاضية و قبل لا أستخدمها احط فيها المبلغ اللي احتاجه عن طريق الاهلي أونلاين و يدخل على طول
و تقدر تسحب اللي فيها عن طريق اجهزه صراف الاهلي


دايما استخدمها على الانترنت و لا مره خصموا علي 39 ريال؟

أخوي موادع

بالنسبة للبطاقة طبعاً تروح للبنك الأهلي و تعبي أبلكيشن للبطاقة طبعاً المعلومات بالأبلكيشن عامة فيه من ضمن الخيارات خيار إذا تبغى بطاقة انترنت و هذي مثل ما قال أخوي Knight رسومها 100 ريال إضافية لكن اللي أعرفه إن مالها داعي يعني يكفي البطاقة العادية و تختار طريقة الدفع لرسوم البطاقة عن طريق الإيداع أو عن طريق الخصم من الحساب إذا لك حساب بالأهلي و نصيحة افتح حساب بالأهلي أفضل لك

بس لازم تعرف إن البطاقة لحد ما توصل لك تحتاج بين أسبوع إلى أسبوعين

و بالتوفيق للجميع

أخوي Knight

أنا سألت في البنك و قالوا لي إن الـ 39 ريال هذي رسوم دولية أما عن الانترنت ما أدري

يعطيك العافيه أخووووي knight
يعطيك العافيه أخوووي ابو الحسن...

افضل طريقه لتحويل الفلوس من السعوديه لأمريكا هي ان يقوم الاهل او الشخص الموجود بالسعوديه بالايداع المباشر في حسابك الامريكي

انا حسابي في بنك اوف امريكا والاهل يودعون فيه مباشره من السعوديه رسوم محدده مهما كان المبلغ وطريقه مضمونه ومباشره في حسابك الامريكي المحلي

افضل الشيكات السياحية ....وبالتوفيق للجميع

تبي نصيحتي خذ معك 2000دولار معك والباقي خله في بطاقة فيزه
الشيكات السياحيه لازم يكون التوقيع مطابق وإذا ماطابقته ما ينقبل الشيك
وإذا اخذت شيكاتسياحيه فالافضل تاخذ من فئة المائة دولار.