عرض للطباعة
السلام عليكم
اخواني انا في حيرة من امري .
ترشحت لوظيفة راتبها فوق العشرة الاف ريال ... و في نفس الوقت ترشحت للابتعاث في تخصص مو تبع تخصصي ..وانا اقول راح احول التخصص ...لكن مو متأكد اذا تغيير التخصص مسموح او لا .
قلبي يبي يروح امريكا ... و تفكيري ومنطقي يبغى الوظيفة ..علماً بأن الوظيفة مو حكومية ... لكن متعاقدة مع الحكومة.
اطلع بعثة او اقبل بالوظيفة ؟
اتمنى المشاركة منكم
الوظيفة , عصفور باليد ولا عشرة على الشجرة
انت عندك خيارين الان يا انك تقبل بالوظيفه والراتب اللي عندك
او تطلع برى وتدرس وترجع وتكون مكانتك وراتبك اقوى من قبل
ومن ناحية التخصص تقدر تغيره بالراحه ماراح تعوق معاك
والبعثه نعمه ربي رزقك فيها
العالم تبيع بيوتها وسياراتها عشان تطلع تدرس على امل الالحاق بالبعثه
يالغالي استشير و استخير
وبالتوفيق ..
وعليكم السلام ورحمة الله وبركاته
انا والعياذ بالله من كلمة انا
كنت موظف في قطاع حكومة وبراتب يصل الى 6500 ريال في الشهر
فقد ضحيت بالوظيفة من اجل الدراسة والحمدالله الان انا ادرسة في جامعة بنقلور بتخصص علوم الحاسب الالي وتطبيقاته
وسبب تضحيتي بالوظيفة هو اني وضعت امام عيني هدف واريد تحقيقه مع العلم انني ادرس على حسابي الخاص وانتظر الانضمام في الابتعاث
اخي انت صاحب القرار الاول والاخير وقبل اتخاذ القرار (( عليك بصلاة الاستخارة )) واخذ مشورة ذوي الخبرة
لكن عندي سؤال لك
هل ذهابك الى البعثة مجرد هواية سفر وحب استطلاع وسياحة او من اجل هدف معين ؟
هذا ما احببت ان اوصله لك
واسئل المولى ان يوفقنا واياك وكل مبتعث في الداخل والخارج
مودتي
اشكرك على المشاركة :)اقتباس:
المشاركة الأصلية كتبت بواسطة m7mas
اخوي ... انا ودي اطلع ..لكن تغيير التخصص مو مضمون .. واخاف اتحسف .. هل انت قدرت تغير تخصصك ؟اقتباس:
المشاركة الأصلية كتبت بواسطة ماك
اشكرك اولا على المشاركةاقتباس:
المشاركة الأصلية كتبت بواسطة @ولد حايل@
اخوي هالوظيفة اول مربوط 10 الاف ويمكن اكثر .. ويزيد ويمكن يوصل 15 الف .. اخاف اضحي . لو وظيفة مثلا براتب 5000 ريال كان حتى ما افكر فيها .
على العموم ..انا بس لو اضمن تغيير التخصص كان اروح .. مدري والله انا محتار جداً جداً
وطبعا لو بروح هناك ..راح ادرس .. واحاول اجيب شيء يبيض الوجه ...لكن لو درست تخصصي .
وانا اخوك اذا معك لغة
انصحك انك تاخذ الوظيفة
واذا مامعك لغة لا والله اطلع وادرس والرزق على رب العالمين
وقسم بالله ,, لو لقيت وظيفه بالبلد حتى لو ب 4000 ريال كان ماجيت امريكا
وش لك بالغربه وعندك ماشاء الله وظيفه براتب ممتاز
لاتقولون الطموح والتطور والخرابيط
تقدر تتطور وانت مكانك
ترى الغربــــــــــه كربـــــــــه وانا اختك
ااااااااااااااااااااااااااااه يالبلد واهل البلد خلينا ساكتين بس
...>>>> كأنها معصبه O_o
اتفق مع اختي طموح
ماشاء الله ترى الراتب عز الطلب الله يزيدك من فضله