بليييز هيلب مي فالبعثة

االسلام عليكم ورحمة الله وبركاته اما بعد: انا خريج كلية المعلمين تخصص دراسات قرآنية ولله الحمد قبلت فالابتعاث للمرحلة السادسة في تخصص علوم الحاسب بس انا حبيت اسأل هل الحاسب امتداد للقرآنية ام لا لانه واحد كلمني كان تخصصه قرأنية وأنقبل ماستر حاسب آلي ولما خلص سنة اللغه قالوا له مالك الا تخصص تسويق لان الحاسب مو امتداد لك هذا كلامه مو من عندي والحين هو جالس لانه رفض التسويق فرجع للسعودية وضيع الثنتين البعثة بسبب خطأ من الوزارة طيب ليه الوزارة تقبل دام انه مو امتداد والله شي يقهر وراح عليه التعيين لانه اسمه نزل وهو فامريكا وانا اخاف يصير لي زي ما صار له فبلييييز اللي يعرف احد قرانية وطلع ماستر حاسب ولقي قبول هناك يكلمني بليييز وانا اسف على الاطاله وشكررررررررا.

من قرانيه لحاسب قوووووووويه بصراحه بس غريبه مادبر نفسه باي تخصص غير تخصصات الوزراه

وعموما التسويق معروف عند الوزاره تخصص لمن لاتخصص له

انا خدمه اجتماعيه = ادبي
يعني بذمتك تخصص تمويل = علمي
امتداد لتخصصي

لكن باذن الواحد الاحد الله لايعوقني بشر بحول لعلوم سياسيه اذا خرجت وهوبكل تاكيد مو امتداد وشي عاتي بس شكلو صاحبك استعجل بموت مستقبله الله يسامحه

لو جابله قبول امتداد لتخصصه ماقالوله لا بس يلا نصيبه .. انتا استخير وشوف وش الانسب لك وربك يسهل

انا سمعت كثييييييير كذا،تخصص الماستر مثلا عربي ويحطونه حاسب!!!
وش سالفة الوزارة تقبل وبس ، مدري متى يفكرون ان الدرجات مو كل شي، يقبلون على حسب المعدل وبس!!
ولايفكرون بالتخصصات الحمدلله والشكر!!
عموما اللي حابة اقوله ان القراءات لاعلاقة لها بالحاسب باي شكل من الاشكال كوني خريجة علوم حاسب! وفيه من الرياضيات والخوارزميات الشي الكثير..لكن انصحك تجيب قبول لتخصص قريب من القراءات وبنفس الوقت ضمن التخصصات اللي طالبتها الوزارة وغالب الظن انهم مايرفضون..الله يوفقنا واياك اخوي :)