مساعدة وش الافــــــضل بين هذي الجامعات الاربع !!!

افـــااااا !!!
ولا رد

اللي يرد بعطيهـ حلاوه ^_^

up
up
up
up
up
up
up
up

بحول الله تلاقي من يساعدك .. بس من ناحيتي ما اتوقع امس نزلت موضوع .. ولكن لاحس ولا خبر اعتقد اللي في امريكا محد فاضي يدخل يساعدنا


الله يسامحهم بس ما يعرفون اننا متوهقين

^

هلا خيتو مبتعثه


تدرين ليش محد رد ، من الخط اللي يا صغيره خخخخخ ، الخط بفلوس هو هههههه


عطيني وقت وان شاء الله ارد عليك بعد دقايق

بسوي بحث واشوف اية احسن جامعه منهم ؟

ههههههه من جد الخط يتعب



انتظري ورااح يردون عليك الاخواان .. الناس ويك اند اللحين

اعذريني خيتو ماقدرت اسوي لك بحث بس بفيدك بالي اعرفه

اغلب الجامعات يكون فيها معهد للغه

وجامعة فلوريدا انا كانها مرتن من المراير مرت على انها من افضل 100 جامعه في امريكا وقويه مرااا

انتي اهم شي ذحين في هذه المرحله المعهد ولارحتي هناك عندك وقت ان شاء الله تختارين الجامعه الي تبين وتجيبين منها قبول


لو بحثتي في المنتدى في مواضيع كثيره مفيده تفيدك انك تحصلين على كل المعلومات الي تبين

الجامعه تعاني من تكدس عجيب للهنود حيث ان اكثر من 50% من طلاب الجامعه اجانب واكثر من 80% من هذه النسبه هنود ممايعني انك سوف تتعلم اللغه الهنديه اسرع من الانجليزيه.
ادارة الجامعه من اسواء الادارات حيث اغلب الموظفين هنود وحينما يعلموا انك سعودي ومبتعث تزيد خدمتهم سؤا اكثر من ماهي سيئه.
المعهد الموجود في الجامعه سيء جدا والمدرسين يعانون من فشل ذريع في التعامل مع الاجانب حيث ترى مدى الظغوط العائليه والظروف تترجم الى تعامل سيء مع الطلاب ناهيك عن رمي ثقل المواد على الطالب وكانما انك تدرس بنفسك ولست في معهد وتخسر مبالغ طائله.
امر اخر هذه السمه وهي النظره الماديه الحاده تنسحب ايضا من المعهد على الجامعه حيث ان لديهم الاستعداد بترسيب الطالب قدر الامكان لكي يتمكنوا من حصد اكثر قدر ممكن من الاموال.
المنطقه (ارلنجتون) قريبه من دالاس وخدماتها الى حد ما جيده فمن يرغب فيها بامكانه الدراسه في جامعات اخرى مثل فورت وورث او UNT في دينتون وهي جامعه افضل بكثير وايضا هناك جامعه في دالاس وهي SMU جيده وتبعد عن ارلنجتون 20 دقيقه.
باختصار شديد جامعة ارلنجتون ومعهدها سيئان جدا والبيئه اسواء.

بشكل عام جامعات فلوريدا جيده والولايه ممتازه ومريحه واسعارها معقوله ولكن شروط القبول اصعب من الجامعات في الولايات الاخرى وبالذات لتخصصات البزنس.
فلو حصل لطالب الدراسه هناك وبذات مبتعثين مرحلة البكالوريوس فانه سوف يكون اسهل لهم الحصول على القبول للماستر ومابعدها لان اغلب الجامعات هناك تهتم بتخصصات البزنس وتجدها تتنافس في الجوده وتجد ان معظمها لديه البرامج العليا لاغلب التخصصات في البزنس.
الخلاصه فلوريدا خيار ممتاز جدا للدراسه.

لايوجد لدي معلومات كامله عن هذه الجامعه ولكن كانني سمعت ان لديهم قسم محاسبه جيد
هذه نبذه بسيطه كتبتها على عجاله حيث انني مشغول بالمذاكره لاحدى المواد ولكن لم استطع ان اكمل الا بعد الرد لكي لايأخذ علينا (مبتعثين امريكا ) اننا لانهتم بكم.
ارجو ان اكون قد افدت
تحياتي للجميع,,,,,

هلا مبتعثه

صدق انتي وخطك ترا لصقت الشاشه في خشتي

اسمعي انا مو مبتعث بس باقي ادور علي جامعه بطلع انشالله علي شهر 2 او 3 2011

بس عندي جدول بالجامعات المقفله من الملحقيه

وهذي الجامعه من ضمنها
UNIVERSITY OF CENTRAL FLORIDA

يعني شيليها من الحسبان

وكثر قرايتي احس تكساس فيها عنصريه شويه والولايه شويه مو حلوه بالنسبه للولايات الثانيه

UNIVERSITY OF FLORIDA

صعب القبول فيها علي قوله الاخ اللي فوق الله يعطيه العافيه


الجامعه الرابعه مدري عنها
بس انتي طالعه علي حسابك او علي البعثات ؟