تنبيه هام من وزارة الوزارة بخصوص مرحلة اللغه
بسم الله الرحمن الرحيم
السلام عليكم ورحمة الله وبركاته
اليوم حصلت رساله من وزارة التعليم العالي ==>> والله يا انهم قديمين حتى ايميلي غبر هههههه
المهم الموضوع وما فيه ان اي واحد يدرس لغه لازم يختبر التوفل او الايلتس
والي مو مختبر بعد سنه ما فيه تمديد فترة اللغه
وهذا والله اعلم وصلى الله على نبينا محمد
شدوا الهمه يا شباب ترى الوزارة ناوين عليكم
وترى اختبار الايلتس مو صعب مره شد حيلك ورح تجيب الدرجه المطلوبه ان شاء الله
http://app.mohe.gov.sa/%D8%B9%D8%B2%...9%84%D8%A8.jpg
رد: تنبيه هام من وزارة الوزارة بخصوص مرحلة اللغه
الموضوع ممتاز يشدون على الطلاب ,, افضل والله .
لكن الموضوع عموما فيه سلبيات وايجابيات ,, انهم مايمددون .
شكرا على الخبر . *
رد: تنبيه هام من وزارة الوزارة بخصوص مرحلة اللغه
ايوه سمعت هذي المعلومه
يقولك كل ما مضيت كم شهر في اللغه اختبر
ممكن تجيب الدرجه المطلوبه وتختصر على نفسك الدراسه
الله ييسرها
الف شكر على الخبر
تحياتي
رد: تنبيه هام من وزارة الوزارة بخصوص مرحلة اللغه
من وجهة نظري اللي يجلس سنة وما يختبر التوفل او الآليتس
هذا شخص ما تهمه الجامعة
لازم على الشخص يختبر كل فترة يشوف مدى التطور على لغته
رد: تنبيه هام من وزارة الوزارة بخصوص مرحلة اللغه
بصراحه احسن انهم يشدو علينا شويه ...
عشان لا نتدلع ... :)
بس هل الملحقيه تتحمل تكاليف الاختبار في كل مرة ؟؟؟
ولا كالعادة تكاليف زياده علينا ؟؟؟؟
رد: تنبيه هام من وزارة الوزارة بخصوص مرحلة اللغه
رد: تنبيه هام من وزارة الوزارة بخصوص مرحلة اللغه
يعني االحين الواحد مخلص سنه في اللغه .... اكيد بيدخل الجامعه
يعني ماله داعي اختبآر ,,, بس ااتوقع القرار هذا للي يبون تمديد فترة اللغه عشان يشوفون اذا مستواهم نازل ويحتاجون تمديد راح يمددون لهم
رد: تنبيه هام من وزارة الوزارة بخصوص مرحلة اللغه
انا حامل لي في امريكا وادرس اللغة من 6 شهور
ونقلت من ولايه الى ولايه ثانيه وسويت اختبار تحديد مستوي
وصرت في المستوي الاول وانا باقي على انتهئ اللغة 6 شهور
ايش اسوي ؟
وهل فترت النفاس محسوبها من المده حقت اللغة او لا ؟ ارجوا الرد ضروري
رد: تنبيه هام من وزارة الوزارة بخصوص مرحلة اللغه
وااضح القرار,
وانا من وجهة نظري ان الطالب بعد أول ثلاث شهور يختبر ,
وبعدها كل شهرين يدخل اختبااار حتى يحصل على الدرجة المطلوبة.
وما ني مع كل 6شهور تدخل اختباار.
رد: تنبيه هام من وزارة الوزارة بخصوص مرحلة اللغه
هذا هو الضغط النفسي بأصووووله
يعني بدال مايرسلوا هذي التعاميم في نص دراسة اللغه
يعطونا هيا من قبل مانبدأ البعثه من المتطلبات كذا وكذا وانتهى الموضوع
الحين ايش استفدنا غير الضغط النفسي والقلق والتوتر
انا اول ماصحيت قريت الايميل جاني توتر يكفي اننا متوترين خلقه
كأنه الانجليزي احفظ كم كلمه و روح سمع هذي يبغالها فتره
وبعدين بالله الطلبه ماهم عارفين انه لازم الاختبار علشان الجامعه
ناقصين تهديد احنا