الى كل خريج حاسب يريد تخصص Bioinformatics

بالنسبة لتخصص المعلومات الحيوية جيد جدا

بس على فكرة المقال له ثلاث سنوات

بس عموما مجاله في السعودية محدود في الجامعات حاليا والمستشفيات الكبيرة

فأنا أنصحك تنضمي لمؤسسه علمية كباحثة أو معيدة مثلا ثم تكملي دراستك في هذا المجال

مرحباً أختي

هل يغلب على هذا التخصص دراسة الموضوعات الحيويه ؟
أم تقنية المعلومات ؟

وشكراً

مرحبا ,,

الحين هالتخصص يعتبر امتداد لتخصص الحاسب الالي ؟ أو فرع من فروع الحاسب الالي ؟

لان اللي اعرفة انو الوزارة ماتعادل الشهادة اذا ماكان التخصص امتداد لتخصص البكالوريس

هو يدمج التخصصين ,هو تطبيق تقنيات علوم الحاسب على المعلومات الحيوية مثل ال DNA والجينات
يعني مثلا تصمم داتابيس لتخزين المعلومات هذي وتكون خاصة بهالنوع من المعلومات
او تصمم برنامج يعمل مقارنات في الجينات وكذا ويدخل فيه الذكاء الاصطناعي

و تختلف برامج الجامعات في هالتخصص تحت نفس المسمى

هالتخصص ممكن يدرسة طلاب الحاسب او طلاب الاحياء

طلاب الحاسب لازم ياخذون مواد تكميلية في الاحياء
وطلاب الاحياء لازم ياخذون مواد تكميلية في الحاسب

هذا بعد بحثي في الجامعات ومتطلباتها

بعض الجامعات يكون هالتخصص موجود تحت قسم الحاسب والبعض تحت قسم الاحياء والبعض الاخر حاطين لهالتخصص قسم منفصل !

مجالة محدود , هذا الي خوفني
طيب المستشفيات الكبيرة ممكن تكون بحاجة لخبراء بهالتخصص صح لان ودي اشتغل بمستشفى

للاسف الان مااقدر انظم لاي مؤسسة , انا مقبولة في البرنامج

مشكور اخوي ع الرد

مرحبا عزيزتي .. اللي حابة أقول لك إياه كالتالي:
1- التخصص يصلح لخريجي الإحياء وبرضو الحاسب ولابد من المواد التكميلية قبل البدء في دراسة الماستر،فلوتخصصك حاسب راح تدرسين موادك التكميلية إحياء،والعكس صحيح.
2- التخصص له مستقبل واعد جدا في العالم .. أما العالم العربي فتوهم يصحون على أهميته،لكن كوظيفة في الوقت الحالي ماأقدر أوعدك إنك تقدرين تلقين وظيفة..ليه؟ لأن مو كل المستشفيات تبيه،فقط المراكز البحثية،واقول لك من الان المؤسسات البحثية الكبيرة الان عندها اكتفاء فيه مثل التخصصي وأرامكو وغيرهم لانهم مايطلبون فيه بس ماستر طالبين معه دكتوراه..وهم انتهوا من مرحلة ابتعاث الطلاب له.وهالكلام أقول لك إياه عن واقع تجربة شخصية واحتكاك بأغلب المؤسسات البحثية هذي..يعني نصيحتي لاتدرسينه الا وانتي ضامنة الوظيفة،فمثل ماقال أبوحمّاد،دوري لك جهة بحاجة التخصص تقبلك عشان تكملين معهم وتدرسينه،وإلا دراستك السنتين او ال3 سنين هذي(لودخلنا سنة المواد التكميلية والاستعداد للاختبارات اللازمة مع سنتين الماستر) راح تضيع عالفاضي،خاصة واحنا بنات وانتي عارفة السنين محسوبة من اعمارنا :s
3- شغلة انو امتداد او لا .. انا خلال بحثي بالجامعات الامريكية مااذكر مر علي انو امتداد او تخصص دقيق لا لحاسب او أحياء غالبا مايفرد لحاله او يندرج تحت قسم طبي،الي شفته كان تخصص ال Informatics تحت الحاسب وغالبا مايصير لبس بينه وبين الbioinformatics . لكن شفت جامعة كندية وحدة هي مدرجة التخصص تحت الحاسب، بس متطلباتها نوعا ما ماناسبتني وحسيتها مبالغة بس مااذكر اسم الجامعة..اللي اذكر انو كانت ___ Mc الفراغ هذا حطي فيه اسم بس ماني ذاكرته .. آسفة.
4- موقف الوزارة من هالتخصص وهل يندرج أو مايندرج انا مدري والله،نصيحتي إسأليهم هم..لكن بعد ماتتأكدين من مستقبل الوظيفي له .. وهل ان الوزارة توافق على مسألة المواد التكميلية..برضو مااعرف لاني شخصيا مو مبتعثة من قبل الوزارة انا مبتعثة من جهة عملي..فمقدر أفيدك بهالشغلة بس برضو لايمنع أنك تسألينهم.
5-أتمنى النقاط اللي قلتها لك تكون واضحة وتأكدي أختي اني أقول لك الكلام هذا عن ثقة تامة وعن واقع تجربة ولان كاتب المقال اصلا الدكتور طارق الشدي انا احتكيت به شخصيا. ولاتزعلين مني عشان لمسة التشاؤمية اللي في ردي .. بس عشان اخليك بالصورة حبيبتي..الله يوفقك يارب وينول لك اللي ببالك إن كان فيه خير ويرضيك فيه يارب.. اتمنى اكون افدتك ولو بالقليل.
دعواتك لي

اختي العزيزة , الف شكر لك على المعلومات القيمة
خصوصا انك من واقع خبرة , مع اني زعلت لاني كنت حابة التخصص

عندي سؤال اخير الله يوفقك , وش المستشفيات او الجهات الي تبتعث لهالتخصص ؟؟

الله يوفقك لما يحب ويرضى

التخصص عاجبني خصوصاً اني درست تركيب الخليه و الـ DNA في تخصصي السابق biochemistry

لكن رد الاخت The-Contradictory خلاني أتراجع


أختي The-Contradictory
ممكن توضيح الفرق بين Informatics و bioinformatics

وشكراً