الأعضاء الإشتراك و التسجيل

الملتقيات
ADs

كيف استخدم egovعشان أغير معهدي!...أنا بحيرة من أمري!

كيف استخدم egovعشان أغير معهدي!...أنا بحيرة من أمري!


NOTICE

تنبيه: هذا الموضوع قديم. تم طرحه قبل 2609 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Dr.saudi
    Dr.saudi

    مبتعث مجتهد Senior Member

    Dr.saudi الولايات المتحدة الأمريكية

    Dr.saudi , ذكر. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى PT , بجامعة University of Pittsburgh-ELI
    • University of Pittsburgh-ELI
    • PT
    • ذكر
    • الخبر, Pensilivania-Pittsburgh
    • السعودية
    • Oct 2009
    المزيدl

    October 24th, 2010, 02:54 AM

    السلام عليكم و رحمة الله

    يا أخوان صار أكثر من شهر أسأل عن الموضوع و لا في جواب كافي...
    أنا أبغى أغير المعهد الحالي...

    طلبت من الملحقية و استفسرت...ردوا علي send request to egov...دخلت على ملفي بالملحقية و لقيت الحقول المطلوبة لتغير المعهد المشار لها بـ "ESL".... و رحت للخيار اللي لازم اكتب فيه اسم الجامعة اللي تحوي المعهد المطلوب عشان اسجله....لكن لما اضغط على قائمة الاسماء القائمة ماتعرض شي؟و لا اقدر حتى اكتب اسم الجامعة بالخانة؟!...الخلاصة أني ماقدر اكتب اسم الجامعة في هذي الخانة عشان ارسل الطلب للمحلقية!

    وش الحل الله يرضى عليكم؟!
  2. المشاركة الأصلية كتبت بواسطة عاشق الغربة
    شوف وانا اخوك انشب بحلق الادفايزر حقك فالملحقية وخله يعطيك ضمان مالي باسم المعهد,وأنتهت السالفة ومالك ومال الحكومة الاكترونية
    حياك الله اخوي و الله يجزاك خير...
    ياخوي وش اقولك؟وش اشرح لك؟كلامك صحيح و كل الطلاب يسون تسدا..
    بس لسوء حظي اني مع ادفايزر ما يخاف ربه و لا يراعي الامانة!
    حسبي الله و نعم الوكيل!مابغى افضح لكن لو زاد الموضوع عن حده بيكون لي تصرف ثاني!


    يخوي ماتوقعت واحد سعودي مني و فيني يغلط علي و يهزأني!...هذا و انا اللي كنت معزز مكرم ببلدي!
    حسبي الله و نعم الوكيل عليه!
    ماراعى غربتي و اني وحيد!...الناس هذول حملوا اطباعهم الفاسدة معهم و يطبقونها علينا!ماتعلموا من امريكا كيف يحترمون كل كائن حي!


    حسبي الله و نعم الوكيل!
    اسألك ياربي أنك توريه مرارة الاهانة هنا بالغربة....و تلسط على ابنائه و بناته في غربتهم واحد مثله عشان يعرف مرارة اللي يمارسه معنا!

    مابغى اتكلم كثير!
    بس بعد رب العالمين...ودي لو بومتعب-الله يطول بعمره-يعرف هالشرذمة اللي مايراعون الله فيما ائتمنوا عليه!
    وينك يبومتعب تشوف وش سووا فينا!
    حسبي الله و نعم الوكيل!


    اللي يعرف اي شي عن سؤالي الله يرضى عليكم يخبرني...
    مابغى و مالي نفس اصلا اسأل هالادفايزر اللي مايخاف ربه...اغلى ماعندي كرامتي...مابغى شخص زي ذا يهيني مرة ثانية و انا ماقدر ارد!


    و جزاكم الله خير اجمعين.
    7 "
  3. ونا خوك اذا وصلت المواصيل للاهانة اعتقد ان فيه تصرف ثاني تسوية
    تشتكيه عند السوبر فايزر حقة و اذا ما فاد تقدر توصلها للي اكبر منه
    بس تاكد انك ما جبت غلط قبل لا تسوي شي


    اسال الله ان يفرج كربتك ويسهل امرك


    كل شي الا الاهانة
    7 "
  4. المشاركة الأصلية كتبت بواسطة عبدالله 2020
    ونا خوك اذا وصلت المواصيل للاهانة اعتقد ان فيه تصرف ثاني تسوية
    تشتكيه عند السوبر فايزر حقة و اذا ما فاد تقدر توصلها للي اكبر منه
    بس تاكد انك ما جبت غلط قبل لا تسوي شي


    اسال الله ان يفرج كربتك ويسهل امرك


    كل شي الا الاهانة
    لا و الله ما غلطت و لا تعلمنا و لا عمرنا بدينا بالغلط على أحد...
    تعليمنا و ثقافتنا و تربيتنا ما علمتنا نسوي زي مايسوي هو مع الناس!...
    المشكلة ياخوك انت عارف انشغالنا مع البعثة و الدراسة و الحياة هنا الواحد ماهو فاضي للمواضيع هذي...حسبي الله و نعم الوكيل عليه.


    الله يجزاك خير يا خوي على دعائك...
    7 "
  5. شوووف ..

    انا كنت بحول معهد مثلك وحاولت وكلمت الادفايزر وبالنهايه قالوا لازم الحكومه الالكترونيه وقدمت عليها وجاني رفض بعد يومين من دون ذكر الاسباب .. ورحت لواشنطن بنفسي ودخلت على مدير الاقليم وشرحت له ضروفي قال لي النظام انك ما تنقل الا بـ قبول جامعه مشروط بمعهدها كمان ولا ما تنقل , وانا كنت بحول بس المعهد من دون الجامعه ..... مالك بالطويله الزبده ما طلعت من الملحقيه الا والضمان المالي معي وغيرت الاقليم بكبره مو بس الولايه وغصب عنهم بس الشغله يبيلها نشبه في الحلق مثل ما سويت انا , ولا اقلك من الان لا تحاول في الحكومه الالكترونيه نصيحه ما وراها فايده واصلاً الرد حقها يبيله اسبوعين يعني اذا عزمت على النقل سافر لهم ...

    معليش طولت بالسالفه لكن كنت بشرح لك اللي صار معي ... الله يوفقك ...
    7 "
  6. المشاركة الأصلية كتبت بواسطة عاشق الغربة
    شوف حبيي اللي يغلط مايغلط الا على نفسه وأنت اكبر واكرم من كذا أرسل ايميل لمساعد الملحق الثقافي وصدقني ماحيقصر معك.وطمنى عن أخبارك ولو احتجت أي مساعدة بلغني.
    قصدك الحقباني؟...الدكتور لي معرفة فيه...
    ولوبطلب مساعدته ماراح يقصر بيفزع لي و لو درى باللي صار لي راح يقلب الدنيا على راس ذاك...بس بطبعي نظامي و قلت خليني امشي بالنظام و ماله داعي اثقل ع الدكتور الحقباني واتجاوز الادفايزر تبعي...بس الله بلاني ادافيزر الله لا يوريكم اياه.
    الله يجزاك خير يخوي...وانشالله خير.
    7 "
  7. المشاركة الأصلية كتبت بواسطة roko
    شوووف ..

    انا كنت بحول معهد مثلك وحاولت وكلمت الادفايزر وبالنهايه قالوا لازم الحكومه الالكترونيه وقدمت عليها وجاني رفض بعد يومين من دون ذكر الاسباب .. ورحت لواشنطن بنفسي ودخلت على مدير الاقليم وشرحت له ضروفي قال لي النظام انك ما تنقل الا بـ قبول جامعه مشروط بمعهدها كمان ولا ما تنقل , وانا كنت بحول بس المعهد من دون الجامعه ..... مالك بالطويله الزبده ما طلعت من الملحقيه الا والضمان المالي معي وغيرت الاقليم بكبره مو بس الولايه وغصب عنهم بس الشغله يبيلها نشبه في الحلق مثل ما سويت انا , ولا اقلك من الان لا تحاول في الحكومه الالكترونيه نصيحه ما وراها فايده واصلاً الرد حقها يبيله اسبوعين يعني اذا عزمت على النقل سافر لهم ...

    معليش طولت بالسالفه لكن كنت بشرح لك اللي صار معي ... الله يوفقك ...
    حياك الله خوي...
    سالفة انا اروح واشنطن صعبة كثير...حالتي الصحية متأزمة الله لا يوريكم مكروه... خاصة مع التفتياشات بالمطار و تحقيقاتهم معي لما يشوفون الادوية معي...خلاص كرهت السفر.


    والجامعة اللي ابغاها قبولي المشروط فيها عشان كذا ابغى احول لها...
    انا عندي ضمان مالي للغة و الماستر لمن يخصه الامر من جهة عملي بالجامعة من السعودية..مدري يصير اقدمه و بعد كذا اعطي القبول للملحقية؟


    والله يجزاكم خير اجمعين.
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.