يا مبتعثي امريكا . بكرة ابغى اروح لبنك الراجحي عشان اطلع بطاقة ؟؟؟؟

و والديك أخي سعد و جزاك الله خير ، دعوه طيبه من شخص طيب .. تقبل الله منا ومنك صالح الاعمال ..

انا طلعت بطاقة فيزا ( تسوق ) من بنك الراجحي

اشحنها عن طريق الاون لاين

طبعاً ممتازه جداً

لانو اشحنها واصرف الي فيها فقط وماعليها اي رسوم

طبعاً لازم يكون عندك جوال سعودي عشان تستقبل رسالة الكود وتحطه في الاون لاين

عندك حلين

الاول انك تاخذ معك شريحة سعوديه

الحل الثاني

انك تغير الرقم الي يرسلون له الكود لاحد اقاربك في السعوديه

وهذا انا الي مسويه

حاط رقم ابوي

وكل مابغيت اشحن البطاقة اكلم ابوي واقله كم الرقم الي وصلك على الجوال يعطينيها وابد كل شي تمام


مع تمنياتي لك بالتوفيق والنجاح

طيب لازم اطلع لي ماستر كارد او فيزا وبأيش تفيدني في الخارج
مو حيكون عندي حساب هناك اسحب منهـ
ياليت توضوح لي

انا عندي بطاقه ماستر كارد من سامبا
واقدر ادخل على حسابي اون لاين وانا في امريكا
احيان تصير لي مشاكل مثلا مايتفعل حساب وغيره لهم رقم مجاني في امريكا اتصل عليه وبعدين يسألني كم سؤال عشان يتأكد اني صاحب الحساب وهو يفعله
تقدر تاخذ معك جوال سعودي عشان لو يرسل لك رسايل تفعيل وكذا
او تحط رقم جوال واحد تثق فيه في السعوديه واذا جته رساله تفعيل يعطيك الرقم

وهذا انا اللي مسويه
بالنسبه لراتب الملحقيه اكيد يحولونه على حساب امريكي

ان شاء الله اني قدمت لك معلومه

]اخواني وخواتي المبتعاثاث اسماعو نصيحه


_لزم كل واحد طالع بر الخليج العربي لزم يتخارج (5) بطاقة الفيزاء لأن بعض المرات تواقف الحاسب البنك
وحسن شي الراجحي مع ذالك ستاخرج بطاقه من بنك ثاني اخذ الحذر

معليش مع احترامي لك ابو حميد عندك اخطاء املائية كثيرة عن الحد المعقول ..
والمنتدى هذا ما وضع إلا للفايدة ..
وراح اقتبس ردك مع تصحيح للأخطاء لو تسمح لي وسوف اشير لكل خطأ بـ اللون الأحمر ..

التصحيح:
1- أخواتي .
2- المبتعثات .
3- اسمعوا .
4- لازم.
5- برا .
6- يستخرج .
7- الفيزا .
8- يتوقف .
9- حساب .
10- احسن .
11- شيء .
12- ذلك .
13- سوف استخرج.
14- لأخذ .

اما بالنسبة لأخذ خمسة بطاقات ائتمانية اشوف انها كثير جداً و مبالغ فيها.

وفقك الله ،،

أخي Eng.Abdullah
الف شكر على المعلومات الوافية
وبيض الله وجهك

و وجهك ..
ايضاً الشكر موصول لك اخي العزيزa77a على التشجيع ..

بخـــ،، دمتـ،، ـير ،،،

Eng.Abdullah
ممكن سؤال: كيف أستفيد من نقاط البيع أنا عندي 8 نقاط ؟!
علماً : أن بطاقتي الإئتمانية ( تسوق ) الراجحي ومررررة ممتازة ..

شكراً مقدماً

الله يجزاكم خير أنا حاولت مع بنك الراجحي انهم يلغون عني كود التفعيل حق الجوال بس رفضوا طلبي مع اني ارسلت ايميل زي ماتقول وارسلت فاكس واتصلت فيهم مباشره يعني حاولت بشتى الطرق بس ماطلعت بنتيجة...قالو لي (ضف وجهك) هذي تعليمات مؤسسة النقد و مطبقه عالكل وماراح تنشال عنك-قلت لهم ياجماعه انا مسافر برا السعوديه قالو تقدر تضيف رقم جوال دولي..
بالنسبة لاضافة رقم دولي طيب وشلون اضيف رقم جوال دولي وانا مابعد شريته..يعني لازم اروح لامريكا ثم اشتري رقم امريكي من هناك ثم اذا جيت اضيفه وانا بأمريكا ماراح اقدر لاني بحتاج ادخل على حسابي اون لاين عشان اضيفه وانا ماراح اقدر ادخل على حسابي إلا اذا ارسلو لي كود التفعيل عن طريق الجوال وانا ماراح يكون معي اي جوال سعودي !! يعني ايش الحل؟؟

وش رايكم ياشباب.. انا ماراح آخذ معي اي جوال سعودي لاني اكره جميع شركات الاتصالات بالسعوديه -صار لي اكثر من 13 سنه وهم مستغليني وبعد تبغوني اخذ جوالاتهم معي خارج السعوديه
بالله ياأخ "مجنونها" اذا عندك واسطه بالراجحي كلمهم لي عشان يشيلون عني ارسال كود التفعيل.