يا مبتعثي امريكا . بكرة ابغى اروح لبنك الراجحي عشان اطلع بطاقة ؟؟؟؟

اول شي الف مبررروك قبولك في المرحله السادسه

ثاني شي انا سمعت والله اعلم من الوزاره ان الراجحي ما يمدحونه في البطاقات >> لان كل ما مسكوا ارهابي سواء في السعوديه او في اكمريكا يلقون الحوالات الماليه عن طريق الراجحي ،،، فوالحد يشيل عنه الشبهه افضل له

+ عني انا ماخذ بطاقه من البنك الاهلي ( ماستر كارد ) مبوقة الدفع << يعني انا اشحنها فلوس مهو البنك يسلفني

اتمنى اني افدتك

وعليكم السلام والرحمة والأكرام ..

طبعاً أنا راح ارد عليك من واقع تجربتي ، واتمنى ان هالرد يفيدك و يفيد غيرك ..

اولاً جواباً لسؤالك افظل بطاقة هي بطاقة الماستر كارد ؛ لان و لله الحمد ما في شركة تعاملت معها في امريكا أو غيره إلا و تكون الماستر كارد لها الآولوية .

ثانياً أنا انصح بالتعامل مع البنك الأهلي ؛ لاني عملت مقارنة ما بين هالبنك و بنك الراجحي و وجدت ان هذا البنك اقل في الرسوم و افضل بكثير من ناحية المزايا .

طبعاً أنا انصح ببطاقة الماستر كارد خصوصاً القابلة للشحن وهي الافضل و الاكثر امان لك .

و هناك نقطتين يجب ان تكون لك واضحة :
1- لو طلعتي بطاقة قابلة للشحن من بنك الاهلي راح تحصلين على الماستر كارد أما لو طلعتيها من الراجحي فأنك راح تحصلين على بطاقة فيزا ، أكيد تفرق هذي ماستر كارد وتلك فيزا و انا نصحتك بالماستر كارد يعني مالك الا البنك الاهلي .

2- وهذي النقظة الاكثر اهمية و ابغاك تركزين معي الله يحفظك ، كثير من الناس على باله إذا انه تعامل مع اي بنك في السعودية فأنه يقدر يدخل عن طريق الانترنت خدمة الاون لاين دايركت وهذا خطأ شائع و كثير اكلوا المقلب هنا ، طيب كيف تستخدمين خدمة الاون لاين للبنك ؟
الجواب هناك طريقة واحدة فقط تقدرين تستخدمين خدمة الاون لاين وانتي في امريكا
وهي سلمك الله يجب ان يكون معك جوال سعودي يتم تعميدة عن طريق آلة الصرافه في السعودية وهذا الجوال راح يكون معك في امريكا لان بدونه لا تستطيعين ابداً الدخول على خدمة الاون لاين لانك سوف تستقبلين كود التفعيل اللي من خلاله يسمح لك النظام بالدخول إلى خدمة الاون لاين .
طيب بتقولين لو خذيت جوال سعودي ما راح يشتغل هناك إلا بخدمة التجوال الدولي و راح يكون مكلف ، اطمنك تقدرين تطلعين جوال مفوتر من شركة موبايلي وتفعلين خدمة التجوال الدولي و تتأكدين قبل مغادرتك من السعودية انه تم تفعيل هذة الخدمة وهناك تأمين ياخذونه عليك 500 ريال و راح ينفعك هذا الجوال كثير هنا في امريكا بسبب مميزاته و منها انك راح تستقبلي جميع المكالمات و الرسائل مجاناً بالنسبة لك و بالنسبة للي متصل عليك كأنه متصل عليك وانتي في السعودية لكن لابد من انك تحددي الشبكة يدوياً إلى شبكة تي موبيل الامريكية ، وبكذا انحلت مشكلتك للدخول على خدمة الاون لاين لانك راح تستقبلي رسائل كود التفعيل مجاناً .

هذا والله أعلم و إذا هناك اي سؤال أنا رهن الإشارة .

أنا عندي بطاقة من سامبا بس مو باسمي
لازم أطلع وحدة باسمي؟
وش رايكم في بنك سامبا؟
البطاقة اللي استخرجها لها مواصفات معينة ؟
لاني بصراحة جاني القبول في البعثة وماني عرفة أيش أسوي أروح أطلعلي بطاقة باسمي وما أضيع الوقت
ثم أحاول أخذلي موعد من السفارة
ولا أقعد انتظر
مع إني ماني قادرة أقعد كذا لازم اسوي شي علشان أرتاح
فريحوني الله يريح بالكم
وشكرًا مقدمًا

الألماسة
هدي .. موضوع البعثه كله سهالات اختي ..
بالنسبة لإستفسارتك

* ياليت يكون فيه بطاقة باسمك و هذا أكيد هو الافضل .
* بنك سامبا للآىسف خبري فيه عتيق و لا عجبني التعامل معه .
* يفضل يكون معك بطاقة ماستر كارد قابلة للشحن .
* فعلاً الوقت كالسيف ان لم ... لا تنتظري شيء تحركي

ملاحظة هامة :

تاكدوا يا جماعة ان الاسم على بطاقة البنك اللي بتتعامل معه انه يكون صحيح في الاسبلنق ومطابق لجواز السفر ترا هنا يعتبر تزوير و تعتبر قضية كبيرة إذا الاسبلنق خطأ للاسم احرصوا على هالنقطه و ما عليكم من موظفين البنك إذا صرفوكم وقالوا تمشي ،،،، بالنسبة للاختصار للاسم على البطاقة ما فيها مشكلة بأذن الله ..

بالتوفيق للجميع،،

انا معي فيزا من الراجحي وشغاله معي في كل مكان في امريكا الحمدلله

اخوي Eng.Abdullah بالنسبة لموضوع الاون لاين مايحتاج تاخذ معك جوال سعودي .. انا قبل مااطلع من السعودية كلمت بنك الراجحي بخصوص هذا الموضوع وكنسلوا الرساله اللي يرسلونها على الجوال السعودي وفيها باسورد

يعني الحين اقدر افتح الاون لاين بدون مشاكل في امريكا وانا مامعي جوال سعودي


تحياتي

إذا هيك الشغله أوكي لاني ما ادري عنها و منك نستفيد بالنسبة لي تعاملي مع الاون لاين عن طريق رمز التفعيل وهو أكثر امان و الرسالة توصلني مجانا ً
أما بالنسبة لجوال موبايلي هو مفيد جداً و أنا شخصياً أنصح فيه ايضاً البنك الاهلي للاسباب اللي ذكرتها .

اشكرك على التصحيح.

توضيح لكلام أخوي مجنونها :

طبعاً الاون لاين ما تدخلون على هالخدمة الا بوجود تعميد عن طريق رسالة رمز التفعيل اللي توصل لك بشكل رسالة نصية على جوالك السعودي و هذا الاجراء مطبق على جميع البنوك لانه اكثر امان .

اخوي مجنونها راح للبنك وكلمهم بخصوص هالشيء و طلب إلغاء هذي الخاصية عشان يقدر يدخل اون لاين بدون رمز تفعيل .

معلومة حلوة

شكرا عالتوضيح عبدالله .. والطريقة انك تكلم البنك وراح يقولون لك ارسل ايميل بطلب الغاء رمز التفعيل وانك تتحمل المسئولية

ممكن توضح الطريقة اي بنت كلمت أخوي و على اي رقم و اين وجدت هذا الرقم ؟