الأعضاء الإشتراك و التسجيل

الملتقيات
ADs

المدارس السعودية بامريكا

المدارس السعودية بامريكا


NOTICE

تنبيه: هذا الموضوع قديم. تم طرحه قبل 2609 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. فعلا موضوع يهم الاهالي مدارس الاولاد الي ابغى اعرفه بالضبط لما يدرسون اطفال بمدارس حكوميه امريكيه لما يرجعون للسعوديه مايرجعونهم سنه وراء بحكم انهم مادرسوها بالمناهج سعوديه ......مالقيت هالاجابه ابد كل احد يقول تساهيل مدارس الاولاد .....موضوعهم سهل.... لكن سؤال بعد رجعتهم من امريكا يكملو عادي او تروح سنه عليهم على سبيل مثال ابني او بنتي بصف اول يدرس رابع بامريكا ولا رجع للسعوديه يصير خامس او يرجع يدرس رابع لانه مادرس مناهج سعوديه ماقدرت افهم ياليت احد يرشدنا شكرا على طرح موضوع
    7 "
  2. السلام عليكم جميعا
    لكل واحد يسال عن المدارس السعوديه انا قبل ماسافر بحثت عن هذا الموضوع كثير ولكن لم اجد ايجابات وافيه انا اخترت ولاية فرجينيا وذلك لوجود الاكاديميه السعوديه ولكن عندما بحثت عنها في النت وجدت بعض المعلومات بانها اغلقت ولم يعد لها وجود وسمعت نفس الكلام من بعض الاخوه ولكن هذا الكلام غير صحيح ابدا فالحمدلله ذهبت الى هناك وسجلت ابنتي بالاكاديميه السعوديه فهي لازالت موجوده وتدرس نفس المناهج الامريكيه بالاضافه الى الدين واللغه العربيه وانشاء الله سوف انزل تقرير عنها كي يستفيد الجميع وللاسف لاتوجد مدرسه سعوديه الا في ولايه فرجينيا في مدينة الاكسندريا
    7 "
  3. أخوي الغالي ..

    خط الكهرباء في أمريكا هو ١١٠ فقط لا غير .. !


    يعني لو بتجيب معاك اجهزه حط في بالك هالنقطه ..


    والشي الثاني مقابس الكهرباء عندهم امريكية !


    زي هالصوره :


    Google Image Result for http://img.diytrade.com/cdimg/496972/4580476/0/1199943543/American_double_socket_conversion_plugs_switches_P lugs_and_sockets.jpg


    معليش الرابط قصير شوي

    عمار
    7 "
  4. شكرا جزيلا لك اخوي عمار الله يجعل الي يوقف معاك ويساعدك يارب
    بالنسبه لعدد الاسره حنكون انشاء الله 8 الشخص المبتعث الوحيد هو انا الاعمار 2-فوق الابيعن الي هما بابا وماما
    وانا 24 -وحده من اخواتي 22
    و3- في المراهقه بنتين وولد وواحد طفل عمره 9 سنوات سبب وجود اهلي معايا انو بابا المحرم ومافي رجال رح يضل مع اهلي في البيت
    يعني باقي اهلي طالعين على حسابهم
    مع جزيل الشكر لكم جميعا ( عمار )
    7 "
  5. لاحظت انو كثير بيسالوا عن المدارس السعوديه في امريكا بس الى الان ما لقينا غير وحده
    انا امس سالت بابا هو يشتغل في وزاره الخارجيه عن المدارس وحتكون مشكله خصوصا للطلاب
    قالي لا تشيلي هم في اي مدرسه عربيه يدرسوا الطلاب ولما يرجعوا السعوديه تتعادل الشهايد حقهم ويكملوا دراسه
    وانا من تجربتي الخاصه لما كنت صغيره كنا نسافر كثير وكنت ادرس في مدارس عربيه اذا ما كان في مدارس سعوديه
    والحمد لله ما قد رجعوني سنه
    اتمنى اني ما اكون طولت عليكم واكون افدتكم بالتوفيق يارب
    7 "
  6. حياك الله اختي بنت المحيط ..

    بالنسبة لكم الملحقيه راح تدفع لك وللوالد بما انه مرافق ٨٠٠ دولار ( المفروض ) .. لكن ما ادري في وضعك هل بيدفعونها او بيستهبلون .. الغالب انهم بيدفعون ..


    بالنسبه للوالدة .. دامها مع الوالد ماعليها خوف باذن الله ..


    بالنسبة لك ولاختك .. ثنتينكم تقدرون تدرسون واختك تقدر تدخل البعثه بسهوله بما ان الوالد الله يحفظه معكم ..


    واخوانك الثلاثة .. واللي عمره ٩ سنوات كلهم راح يكونون ع حساب الوالد ..


    . . . . . .


    بالنسبه للاهل يمكن يشمل الوالده التأمين الصحي اللي يعطونه للوالد !


    والله تصدقين شي .. راح تصير اشياء كثير ايجابية بما انكم عائلة .. خطوط جوال ارخص .. لخطط العوائل ..

    بس في المواصلات بتحتاجون يا مكان قريب من الجامعه .. يا سياره و مواصلات لكل شي !

    يعني لما تثبتون على ولاية .. حاولي تقولين وين بتروحين بالظبط و تخططين لها صح ١٠٠ ٪ من كل النواحي ..


    و من سأل ما خاب ..


    و بقول لك شيء جد جد جد جد جد احمدي الله عليه ..


    احمدي الله على نعمة اهلك المتفهمين اللي راح يغيرون مجرى حياتهم كلهم عشان مافيه احد بيقدر يطلع معك الا ابوك !

    كان سهل انه يقول لأ و يرفض الفكرة ويدمر مستقبلك .. لكن بيتغير وضعكم المعيشي ١٠٠ ٪ بسبب قراره الحكيم باذن الله ..

    مب قصدي يتغير ماديه .. من الناحيه الماديه الله هو اللي يغير .. لكن من ناحية الثقافة والتعليم ..


    يعني خلال سنوات باذن الله كل اهلك راح يكونون مبتعثين والجامعات بتقبلهم بسهوله لانهم خريجين ثانويات امريكية ..

    بيتعلمون لغه بجد .. من الاساسيات للـ لهجه والفرعيات ..

    الله يوفقكم يارب ويرزقكم السعادة في حياتكم القادمة ..


    عمار
    7 "
  7. شكرا جزيلا لك اخي عمار
    ادري اني كثرت عليك باسألتي بس والله انا لحدي قاعده احوس وادور
    اخواتي يبوا يسافروا ونفس الوقت خايفيين خصوصا من امريكا بعد احداث 11سبتنمر الأهم من كذا انو لازم ادور على مدينه
    جامعتها كويسه ومعاهد اللغه كوسه وفيها قنصليه سعوديه ورخيصه ليا اكثر من اسبوعين وانا ادور بقوقل الين واحد قلي على هالموقع والحمد لله اتسهلتلي امرور جدا كثيره
    كنت ابغى اعرف ايش هو الـ I-20 اسفه والله ادري اني زوتها معاكم
    تسلمولي يارب قديش ساعتوني
    الله يوفقني وياكم يارب
    7 "
  8. اولاً بعد اوباما .. مافيه مشاكل ولا ١١ سبتمبر ولا غيرها باذن الله .. و الامور في المطارات سهلة بإذن الله ..
    بالنسبة للمدينة والمعاهد .. مب لازم القنصلية تكون موجودة .. البريد العادي والايميل يكفونك عن كل شيء باذن الله ..

    الحين بالنسبة لأخوانك و خواتك مثلا .. مادري هل ودكم تدخلونهم معهد لغة اول بعدين مدارس امريكية مفصولة ؟


    أو ودكم تدخلونهم مدارس عربية و خلاص ؟


    . . . .


    الآي توينتي هو عبارة عن ثلاث اوراق يرسل لك اياها المعهد او الجامعة اللي قبلتك في امريكا و هالورقه تسمح لك انك تدخلين امريكا في المطارات و هي من شروط اصدار الفيزا ..


    يعني الاي توينتي لازم يعيش معك زي جوازك ..


    و الامور باذن الله سهلة .. ولا ماكان وصل عدد المبتعثين ٥٠ الف تقريبا ! غير اللي على حسابهم الخاص ..


    عمار
    7 "
  9. يعطيك الف الف الف عافيه اخوي عمار
    اكيد الوالد رح يدخلهم لغه اللغه بالنسبه لبابا اهم شي
    معليش سؤال اخير هيوستن تعتبر رخيصه ؟
    الله يثلج صدرك بالايمان زي ما بردت على قلبي الله يذكرك بالشهاده دوم ويبعدك وكل المسلمين
    عن كل سوء يارب العالمين
    وشكرا لك
    7 "
2 من 7 صفحة 2 من 7 123 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.