الأعضاء الإشتراك و التسجيل

الملتقيات
ADs

المدارس السعودية بامريكا

المدارس السعودية بامريكا


NOTICE

تنبيه: هذا الموضوع قديم. تم طرحه قبل 2609 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. هيوستن تعتبر من اكبر المدن في امريكا .. وفيه لها رحلات مباشره و كثيره وبكل وقت تقريباً ..

    ما تعد رخيصه .. بس مب غاليه .. فيها الحياه معقوله .. خصوصا لعائله زي ماقلت لك ..

    وفيه محلات توفر كل شي رخيص وبأسعار خياليه ..

    بلد ما يتفوت بصراحه !

    7 "
  2. السلام عليكم
    الاخ عمار
    ماشالله تبارك الله الظاهر عندك معلومات ممتازه عن امريكا
    ابا اسالك :انا مبتعثه عل المرحله السادسه والملحقيه ارسلتلي انه لازم اتصل بمكتب ينسقلي القبول
    ما اعرف هل انا اختار الولايه والمدينه او لاء؟
    وتاني شي انا ابغا اكون مطمنه اقل شي 90% للمكان الي بروحه انا متزوجه وعندي بنتين 6 سنوات وسنه ونص يعني احتاج سكن كبير شوي وحضانه ومواصلات ........

    تنصحني ب هيوستن؟؟؟؟
    اسفه عل الاطاله بس تكفى ساعدني
    7 "
  3. اهلا اختي ساره ..

    قبل ما اقول اي شي .. احب اعرف ايش التخصص و لأي مرحلة مبتعثه باذن الله ..

    و هل فيه نيه للزوج بالدراسه .. و ايش تخصصاتكم اثنينكم ..

    و بما ان عددكم اقل و اعماركم اصغر .. عندكم مرونه وامكانيه اختيار ولايات و مدن اكثر من الاخت بنت المحيط و بالنسبه للروضه والحضانه مافيه خوف والمدرسة للبنات .. هذي امور سهله باذن الله ..

    بس لو تفيديني بالمعلومات هذي .. بحاول اني ابذل جهدي معك لين توصلين لبر ترسين عليه بأمان بإذن الله ..

    عمار
    7 "
  4. المشاركة الأصلية كتبت بواسطة مبتعث كانسس

    الاخوة الاعزاء
    تحية طيبة وبعد


    عندي بعض الاستفسارات اتمنى تشاركوني فيها وهي:
    1- بنتي بتدرس السنة الجاية هل فية مدارس سعودية بامريكا واذا مافية وش الحل؟
    2- انا بكون في البداية لحالي وبعدين بجيب عيالي كم مكافأتي لحالي وكم اذا جت زوجتي واطفالي الاثنين؟
    3- هل ارسل للملحقية يستقبلوني بواشنطن؟
    4- في فندق قريب من الملحقية بواشنطن عشان احجز فية؟
    5- ابغى اشتري سيارة كم اسعارها التقريبية ووش افضل سيارة ممكن تمشيني فترة 5 سنوات؟
    6- وش افضل خطوط للتنقل بين الولايات بامريكا؟
    7- كيف الجو في الفترة الجاية ومتى ينتهي البرد ؟

    السلام عليكم ورحمة الله وبركاته

    اول شي انا معلوماتي مجمعتها من النت ,, لاني توي ماابعد ابتعثت حتى الان ,, وبجاوب لك عن الي اعرفه ومتاكده منه ,,وكل معلوماتي من مصادر موثوقه باذن الله ,,


    *بالنسبة للمدراس السعودية بالمنهج السعودي يعني,, فلقيت بموقع الادارة العامة للمدارس السعودية بالخارج ,,ان جميع المدارس السعودية بامريكا خاصة لدبلوماسيين فقط للاسف ,, وقريت بمنتديات كثيرة انها اصلا متقفلة ,,
    وهذا المصدر من موقع الادارة العامة للمدارس السعودية بالخارج,,
    http://www.gdssa.gov.sa/autohtml2.php?filename=html/schools.htm#5
    وفيه شي اسمه ,, الأكاديمية الإسلامية السعودية في واشنطن ((فقط)) ,, وهذا الرابط ,, يحتوي ع نبذة للاكاديمة ومرافقها ومعلميها وو معلومات اخرى ,,
    http://www.gdssa.gov.sa/modules.php?name=Content&pa=showpage&pid=19

    وهذا رابط المدارس الاسلامية في امريكا ,, لاحظت خلال بحثي ان كثير من السعودين حاطين ابنائهم بهالمدارس وهي معتمده ونظامها اسلامي ولقيت كثير يثني عليها <<طبعا هذا اذا مالقيت مدارس سعودية لان الاغلب يقول انها تقفلت
    http://www.4islamicschools.org/


    *وبالنسبة لاستقبال الملحقية لك ,, فالافضل انك تعبي هالابلكيشن عشان يستقبولنك ويحجزون لك بفندق ويوصلونك له ويريحونك من الحجز ووالخ ,, طبعا الفندق ع حسابك ,,
    وهذا رابط صفحة الابليكشن ع موقع الملحقية السعودية ,,الي عليك تعبئتها فقط ,,
    http://www.sacm.org/ArabicSACM/newarrive/NewStudentArrival.aspx




    *وهذا موقع مكتب الأرصاد الجوية للولايات المتحدة الأمريكية ,, انت بس حدد الولاية الي تبي ,,



    هذا الي اعرفه واقدر اساعدك فيه ,,
    والله يسهل امرنا وامرك ان شاء الله ,,
    بالتوفيق ,,
    7 "
  5. عدت مرة اخرى ,,
    ولكن باستفسار فاتمنى ان يعذرني صاحب الموضوع

    لان الاخ عمار ماقصر مع الكل جزاه الله عنا الف خير وجعل مايقوم به بميزان حسناته ويفرج كل همومه مثل ماافرج همومنا ,,

    انا حالتي تشبه بنت المحيط وفرحت كثير لما شفت احد بيروح مع عائلته مثلي ,,

    عددنا 5 ,,
    فانا بروح مع اختي ,,وابوي مرافق لنا وكلنا ع حساب الوزارة باذن الله ,,
    وبيتبعنا امي واخوي بثالث ثانوي ,,

    انا واختي بندرس تخصصات طبية باذن الله ,,انا ماستر وهي بكالوريس ,,
    واخوي مدرسة ,,
    وامي وابوي لغة فقط ,,
    بنقعد هيناك حسب الدراسة من 3 - 5 سنوات باذن الله ,,


    سؤالي هنا ,,

    *مارايك بمدينة بوسطن بولاية ماساتشويسس ,,فانا اختارتها لانها تحتوي ع جامعات قوية بالتخصصات الطبية حسب علمي ,,
    *وقريت انها تحتوي ع مركز للجاليات الاسلامية ,, فهل هذا يعني بالضرورة انها تحتوي ع مدرسة اسلامية ليدرس فيها اخي ,, او انه مو دليل ان المركز فيه مدرسة ,,
    * ناوين نشتري فيلا ,, فهل بوسطن السكن فيها مريح ويستحق الشراء لانه غالي جدا حسب مااقريت,,
    * اذا عندك اي مدينة اخرى تنصحنا فيها حسب ظروف عائلتي ,,فاالله لايحرمك اجر مساعدتنا ,,

    اعتذر جدا ع الاطالة ,,
    وجزاكم الله عنا كل خير,,
    7 "
  6. اختي طموحة ..

    الله يحفظك ويخلي لك عائلتك الطموحة معك و بتهج كلها ورا طموحاتها ..


    لو حطيت نفسي مكانك .. لكان بوسطن خيار ممتاز ..


    ولكن حسب تجربة بعض المبتعثين .. بوسطن تخلي الواحد يعض الأرض من غلاها ..

    صح انك واختك مبتعثات لكن معاك شخصين و نص مبتعثين لان الوالد الله يحفظه يعتبر نص مبتعث ..

    بالنسبة لي .. لو انا مثلا حالتي زي حالتك .. كنت بختار ولاية واشنطن ستيت .. مدينة سياتل ..


    بحيث ان الجامعه نفسها
    University of Washington فيها تخصصات طبية بكالوريوس و ماجستير و دكتوراه لو تبون ..

    و غير كذا فيها جالية اسلامية كبيرة جدا وفيها مسجد كبير اسمه دار الارقم ،، وفيه سوبر ماركتات و محلات و مذابح عربية واسلامية ..


    و غير كذا فيها مدارس عربية و اجنبية مقبوله من الحكومة باذن الله للابن اللي في ثالث ثانوي ..


    و غير كذا فيه عوائل عربية و سعودية لو الوالدة حبت انها تتعرف عليهم او تسوي نشاطات معاهم ..


    هي جامعه قويه جدا والقبول فيها مو زي اي جامعه ثانيه .. فعلا اللي يتخرج منها او يدرس فيها .. بيفركون مخه فرك !


    . . . . .


    ميزة سياتل .. وانا كنت بنصح الاخت ساره فيها .. انه الرحله لها :

    رياض --> لندن --> سياتل ..

    والرجعه نفس الشيء .. يعني الرحلات لها مره سهله و ممتعه و تقدرون تمرون مره المانيا مره لندن مره هولندا ..


    بس كلها رحلات سهله وبسيطه و خفيفه ..


    . . . . . . .


    اتمنى تكون اجاباتي مفيده .. مع العلم ان الاخت ساره وضعها المادي راح يكون مختلف تماما عن الباقي من الاخوات هنا ..


    الاخت ساره .. مبتعثه ولها مكافئة .. زوجها مرافق و له نص مكافئه .. ابنائها معاها وهي مبتعثه .. معناتها يمشي لهم راتب شهري باذن الله انه مجزي و يسهل امور كثير !


    بالتوفيق لجميع الاخوان المبتعثين والمبتعثات و ان شاء الله النوادي السعودية في ولاياتكم ترحب فيكم و تقوم بالواجب ..



    عمار
    7 "
  7. اخي عمار اعجز عن شكرك ,,
    بارك الله فيك ,, وكثر الله من أمثالك ولاحرمك الله الاجر ,,

    قبل ماارد قمت بالبحث السريع عن سياتل ,, ووجدتها جدا رائعة,,
    بس الي لاحظته انها جدا بعيدة عن الملحقية ,,
    *هل عندك خبر كم ساعة احتاج لذهاب من واشنطن دي سي الى سياتل ,,
    * غير كذا ابي استفسر عن نظام الملحقية في النقل يعني لو مثلا جربت درست في بوستن ومااعجبتني ابي اغير لسياتل هل نظامهم سهل ,,,"سمعت بعد انه لي الاحقية في طلب تغيير الولاية مره واحده فقط طوال مدة ابتعاثي صدق ولا ؟"

    شكر لك مره اخرى
    7 "
  8. اختي طموحه .. مالك حاجه في الوجود قريب من الملحقية ..
    خدماتها كلها بالايميل و سهلة .. و القنصلية بعد ..
    سياتل تبعد بالطيارة تقريبا خمس ساعات عن واشنطن ..

    بالنسبة للنقل .. فعلا اللي قال لي اياه مشرفي الاكاديمي انه لك حق تغيير الجامعه والتخصص مره وحده خلال البعثة ..

    أنا أنصحك ما تفكرين بالنقل واجد خصوصا إنكم اسرة و يبيلكم بيت و اثاث ..
    لو مصممة على بوسطن ربي يسهل لك لكن أنا بس قلت رأيي لو كنت محلك ..

    الله يوفقك يا اختي و يهدف لك اللي فيه الخير لك و للعائلة ..


    عمار
    7 "
  9. 8
    اللهم آمين واياك وكل مسلم ,,
    شكرا لك اخوي عمار كفيت ووفيت لاحرمك الله الاجر ,,
    بالعكس وجدت سياتل جدا مناسبة ولكن مشكلتها للاسف اني مالقيت فيها تخصص اختي من ضمن الجامعات الموصى بها من قبل وزارة التعليم العالي ,, الغريب اني وجدت تخصصي بس هي لا ,, يمكن عشانها بكالوريس او فيه تكدس لطلاب ,,

    عموما مااقصرت اخوي ,, ربي يبارك فيك ويوفقكك ,,
    7 "
  10. مب مشكلة .. تواصلي مع قسم القبول في الملحقيه عن طريق موقعهم والايميل ..

    ويفيدونك باسم التخصص والجامعة لو مقبولة ولا لا ..


    والموقع مافيه تحديثات يعني كله مش حالك .. انا حصل لي نفس الموقف

    الوزاره تقول معترف بالجامعه والملحقيه ما اعترفت فيها !

    ماينفعك في النهايه الا المشرف الاكاديمي او قسم القبول في الملحقيه ..


    وبما انكم عائلة فيه استثناءات دايم ..


    حتى لو كنتي في امريكا .. هذي ملحقية ( سعودية ) .. جعل الله يخليها لنا ..


    ما بشجعك بس مابحطمك .. و اللي ربي يسهل لك اياه هو اللي سويه والمدينه اللي تتوفر بتكون لها ميزات و لها عيوب ..


    بس الظروف تحدك والملحقيه تحصرك ببعض الخيارات ..


    .. الله يوفقك بما يحب ويرضى ..


    عمار
    7 "
3 من 7 صفحة 3 من 7 ... 234 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.