المدارس السعودية بامريكا
المدارس السعودية بامريكا
تنبيه: هذا الموضوع قديم. تم طرحه قبل 4930 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - السلام عيكم7 "
استاذ عمار الله يعطيك العافية والاجر على الي بتسوية
سؤالي انه انا انقبلت في المرحلة السادسة لدراسة ماجستير مالية
والوالد هو مرافقي وبما انه ما عندنا احد يجلس مع الوالدة واختي فبنفكر انه يروحوا معانا
بس المشكلة انا شايله هم دراسة اختي هيا حاليا 3 متوسط فكيف ممكن يكون موضوع الدراسة بالنسبة لها
انا ما اختر ولاية معينة حاليا بس كنت بفكر في الينوي
فايش تنصحني ؟؟
ومشكور مقدما - 7 "اذا سمحت لكم الحكومه تختارون ولايه .. لـ كنت بختار اوريغون ..
مدينة Willamette جامعة Willamette University في مدينة سيلم عاصمة اوريغون ..
الجامعة قوية في مجال التخصصات التربية والـ MBA و المالية ..
المدينة مرتبة و نظيفة و آمنه .. ميزه المدينه انها في ولايه مافيها ضرايب !
والميزة الثانية .. انها تعطيك قبول مشروط على تخصصك لين تخلصين لغة انجليزية .. !
. . . . .
بالنسبة لاختك اللي في ثالث متوسط .. فيه خيارات !
الأول انها تدرس سنه لغه انجليزية .. هي بتتاخر سنه دراسية كذا .. لكن منطقياً عادي ..
بما انكم كلكم برا يعني هي بتدرس برا .. يعني لما تخلص ثانوي بتاخذ سنه لغه !
فـ ماتفرق متى تاخذ سنه اللغه قبل الثانوي ولا بعد الثانوي ..
ولما تخلص سنه اللغه عندها خيارات .. انها تدخل مدرسه خاصه للبنات لو كان فيه بالمدينه !
او تدخل مدرسه عربيه و مافيه في المدينه هذي !
او تدخل مدرسة امريكية عادية خاصة .. و وقتها بتدرس عادي مناهج امريكية .. !
في حال كنتي تبين مدينه فيها مدارس عربيه او اسلاميه او خاصه بالبنات فقط .. لازم تكون مدينه كبيره ..
يعني مدينه غاليه .. مب لازم تكون غالية .. بس كبيره و جوها مابيكون زي جو وولامت ..
. . . . .
فيه عندك خيارات .. سياتل ( واشنطن ستيت ) .. هيوستن ( تكساس ) ،، دالاس ( تكساس ) .. سان فرانسيسكو ( كاليفورنيا ) .. فيرجينيا .. بوسطن .. نيويورك .. !
. . . . .
انا لو كنت مكانك بحاول امخمخ على سالفه وولامت اول .. لو ما مشت الامور .. بروح لسياتل .. و بعدها سان فرانسيسكو وبعدها واشنطن و بعدها تكساس سواء هيوستن او دالاس و بعدها نيويورك وبوسطن لانهم غاليين شوي !
. . . .
و بالنسبة لتخصصك هل تبينه يكون مالية ولا MBA مع تركيز عالمالية ؟ - عن جد مشكور استاذ عمار7 "
بالنسبة لتخصصي انا في الاساس محاسبة وكنت بفكر يكون الماستر في المالية الشركات بحيث انه اقرب شي للمحاسبة - 7 "اي نعم .. ممتازة الخطة حلو ان الواحد يكون عنده علم عن الامور المحاسبية
و يكون عنده حكمة المدير المالي في اتخاذ القرار ..
باذن الله الشركة اللي توظفك ما راح تندم .. و بالتوفيق ..
عمار - بعد اذن صاحب الموضوع جعله الله في ميزان حسناته7 "
الاخ عمار
نشكرك على الاجوبة ومساعدة السائلين
واتمنى المساعدة منك
انا مبتعثة من المرحلة السادسة ماستر تغذية ولدي 3 ابناء
واحد الان ثاني ابتدائي والثاني السنة الجاية مدرسة والثالث عمره سنة زوجي ناوي يدرس بعد ماياخذ اللغة بيكمل تربية ماستر لان تخصصه عربي
اسئلتي كالتالي
1. ماهي الولاية اللي تنصحنا ندرس فيها بحيث يكون المعيشة فيها رخيصة لاننا على الله ثم على هالراتب ومن ناحية تعليم الابناء والحضانة والسكن كيف اسعاره؟
2. انا بدرس بنقابي باذن الله ياليت تذكرلي فيه مشاكل في التعامل مع المنقبات ولا سهالة الوضع عادي؟
3. بالنسبة للتوقل سهل ولا لا واذا ماجتزته يعدونه لي مرة ثانية لان لغتي ضعيفة شوي؟
4. اذا حددوا السفر تنصحني نسافر قبل يكمل ولدي السنة الدراسية؟
اسفة للاطالة وجزالك الله خير - نسيت اسالك اخوي عمار وش رايك باوهايو؟7 "
- 7 "في حال كان تخصصك تغذية اللي هي Nutrition .. فـ موضوعك اصعب شوي من اللي انا متصوره ..
لو كان تخصصك المرغوب للماستر هو صحة عموما .. فيه خيار ممتاز لك ..
اللي هو جامعة Missouri State University .. بحيث ان هالجامعة توفر التخصص اللي يطمح له زوجك ..
و توفر لك خيارات يا Master of Public health أو Health promotion and wellness management او غيرها من التخصصات الصحية .. وانا عرضت هالـ شيء لانه باعتقادي انه الشخص يكون دارس في اكثر من مجال او في مجالين متقاربين افضل من مجال واحد حاف لحاله لان وقتها بيكون فرصته الوظيفية محدودة لكن بمسمى وضيفي اخر .. !
مثلا شخص بكالوريوس كمبيوتر ساينس .. بيشتغل مبرمج في الاتصالات ..
شخص ثاني ماستر كمبيوتر ساينس .. يشتغل بعد مبرمج في الاتصالات لكن بشهادة افضل وراتب اعلى شوي .. !
في حال كان بكالوريوس حاسب و بعدها ماستر تسويق مثلا .. يقدر يكون اداري في الاتصالات عالمبرمجين ويتعاقد مع شركات تسوي برامج باسعار ارخص من توظيف مبرمجين ويقدر ينجح في مجاله لانه صار فاهم العلم من الحاسب و فاهم البزنس من التسويق ..
و نفس الشي في اي مجال .. تنويع الخبرات المتقاربه يوسع المجال الوظيفي ..
الا في حال انك تعرفين ليه تبين ماستر تغذية .. وقتها نشوف جامعة ثانيه ..
و ميزه في هالجامعة بعد .. !
فيها مستويات انقلش .. تعطيك قبول مشروط لتخصصك وقبول مشروط لتخصص زوجك وطبعا فيه اقسام كثير في الايديوكيشن في هالجامعه ..
ولما تدخلون الجامعه لما تخلصون المستوى الخامس لغه انقليزيه عندهم .. اوتوماتيك تدخلون الجامعة بدون التعب اللي يصير لباقي طلاب الماستر من امتحانات توفل و غيرها ..
و هالنقطة ليه مفيدة لك ؟ ..
ببساطة لانه زوجك مرافق .. !
والمرافق مايصير مبتعث الا لما يدخل الجامعه بقبول نهائي غير مشروط .. والحصول عالقبول النهائي في الماستر في امريكا صعب شوي !
يعني هالشيء راح يسهل عليه البعثه و عليكم القبول في الجامعات و بيريحكم من الانتقال بين الولايات والمدن بما انكم عائلة ..
. . . .
بالنسبة للتوفل .. لو تاخذينه مليون مره .. كل مره تاخذينه الملحقيه بتعوضك عن قيمته ..
مالك حد معين من امتحانات القبول بما انك في مرحلة اللغة ..
. . . .
حتى لو مستواك ضعيف عادي بتتعلمين ويزيد مستواك تطمني من هالناحيه ..
. . . .
اما من ناحية النقاب ..
عادي فيه كثير اخوات مسلمات محجبات ومنقبات و ماخذين راحتهم ومحد يكلمهم وعادي جدا الوضع والامور سمحه الحمدلله ..
لكن لا تلبسين نقاب اسود .. يعني سوي لك تفصيل حجبه و غطا ونقاب و ملابس واسعه طويله لكن ملونه ..
يعني اللون الاسود يثير الناظر لك حتى لو انه مايفرق معهم انك مسلمه او لا .. لان الحين فيه وعي اكثر من ايام زمان ..
. . . . .
بالنسبه لعيالك .. بما انهم اولاد ولله الحمد .. نصيحتي لك خليهم يدخلون مدارس امريكية ..
صح انهم بيتعبون شوي في اول تيرم .. لكن بعدها كل شي بيصير عادي .. وبينجحون .. و منها بيتعلمون انقليزي بجد من مصدره و دامهم صغار فرصتهم يتقنون الشي هذا ..
و لو كانت فيزتهم F2 او ما شابه لها .. يحق لهم يدرسون بمدارس امريكيه عامه ( ببلاش او مبلغ رمزي )
و غير كذا الحكومه راح تدفع لكم على كل طفل مبلغ بسيط ..
وللزوج مبلغ حلو .. ولك مبلغ احلى .. !
يعني من الناحية المادية المكافئة تكفي تطمني ..
و غير كذا .. لو امتحنتوا توفل او آيلتس و جبتوا قبول نهائي في الجامعه و علاماتكم كويسه في هالامتحانات
و خلصتوا الانقلش في اقل من سنة .. الملحقية راح تعطيكم مكافئة شهر كامل هدية مجانية !
. . . . .
و بالنسبة للسفر في وسط السنه .. مايفرق متى السفر لان هنا يدخلون المدرسه على حسب العمر ..
. . . . .
و بالنسبة لـ أوهايو .. ماعندي معلومات عنها للـ أسف الشديد كان ودي افيدك لكن ماعرف !
لو تحبين تعطيني موقع الجامعه اللي حاطتها في بالك ..
بحوس فيه شوي وبحاول اجمع معلومات مفيده و برتب لك الموضوع واقول لك اياه بـ اسرع مما تتصورين باذن الله ..
. . . . .
و بالتوفيق ان شاء الله ..
عمار
- 7 "الا في حال انك تعرفين ليه تبين ماستر تغذية .. وقتها نشوف جامعة ثانيه ..
مشكور وماقصرت
بالنسبة ليه تغذية ؟لاني خريجة بكالريوس تغذية وعلوم اطعمة مو صحة وبكمل تخصص Nutrition &foodياليت القى جامعة سهلة فيها هالتخصص
الجامعات غالبا ماتقبل الا امتداد التخصص انا بصراحة ماحددت الولاية لان المكتب بيجيب القبول مو على كيفي بس ابي نصيحتك اي ولاية تصلح لوضعنا وياليت توضح لي اسعار السكن فيها وومميزات الجامعة
اسال الله لك التوفيق بالدنيا والاخرة - 7 "آختي العزيزة ..
فيه جامعه قد نصحت فيها احدى الاخوات .. و هي جامعة University of Washington ..
و مدينتها ممتازة اللي هي سياتل .. لكن بصراحه ما احسها تناسبك !
. . . . .
فيه جامعة في مدينة اسمها Portland في ولاية Oregon ..
اول شيء ميزة هالولاية انها في الغرب .. والغرب جوه آحلى بكثير و مناطق طبيعيه حول المدينه و مناظر بشكل مو طبيعي ..
و بالنسبة للجامعة اللي انصحك فيها وفيها تخصصك هي .. OHSU Home ..
وهذي الصفحة اللي فيها تخصصات الماستر وفيها تخصصك اللي اسمه Dietetics and Nutrition .. و معناتها علم التغذية .. و هذا رابط صفحة التخصصات Find Degree Programs
و هالجامعة مدينتها فيها محلات عربية و مطاعم عربية و فيها كل شيء قريب .. وقريبة من اي شيء ممكن تحتاجينه .. !
و الرحلات منها ولها بسيطة .. وفيه اكثر من جامعة في مدينة بورتلاند بحيث ان ابو العيال عنده امكانية الاختيار بشكل اوسع ..
والجامعة اللي متوفر فيها تخصص الاب هي جامعة Portland State University | Home ..
و هذي صفحة تخصصات الماستر للـ ايديوكيشن ..
Portland State Graduate School of Education | Programs by Degree
و ميزة هالولاية ان مافيها ضرايب !
يعني ارخص من الولايات الثانية .. !
وانا الحين في مدينه قريبه من بورتلاند هذي .. و حمدلله كل ما احتجت اسوي امتحان ايلتس او غيره .. انط لبورتلاند واسويه ولو بغيت اشتري لحم او دجاج حلال .. انط لبورتلاند بعد واشتري .. !
يعني مدينه حلوه و فيها كل اللي ممكن يجي على بالك ويخدم احتياجاتك واغراضك ..
و لو فيه اي استفسار تفضلي ..
و عن اوهايو .. جد جد ماقدر افيدك عن المدينة ابد .. لكن قلت لك لو تحبين بفحط لك بموقع الجامعة وبعطيك المعلومات اللي موجوده هناك بشكل ملخص ومرتب ..
و بس ..
عمار
ماستر حاسب ولا ماستر اي تخصص .. مايهم امتداد لمجالك او لا .. !
لكن نصيحتي لك لو ماكان عندك خلفية برمجية حاولي انك تغيرين التخصص و بامكانك تسوين هالشي لما توصلين لامريكا ..
الحاسب بالماستر برنامج اكاديمي اكثر من انه تطبيق عملي يعني بيكون كله ترسيخ لمعلومات سابقه و كيف تديرين افكارك البرمجية بشكل منظم و مرتب .. فـ لو ماتحسينه مجالك نصيحتي الاخويه ابعدي عنه !
فيه تخصصات كثير في امريكا ولله الحمد و الجامعات كثير و القبولات مب مشكله باذن الله ..
بالنسبه لعيالك .. بما انك مبتعثه يعني زوجك باذن الله مرافق ..
في حال معاك ابنائك يتم صرف لكل ابن ٢٥٠ دولار وللمرافق ( الزوج ) ٨٠٠ دولار .. و في حال انه دخل للجامعه بقبول نهائي وبدا يدرس يقدر يدخل في البعثه ويصير مبتعث و مكافئته تكون زيك بالظبط و مقدارها ١٨٤٧ دولار و ٧٧ سنت ..
في حال ماحب انه يكون طالب .. بتظل نفس المكافئة لكن بيقدر يدرس لغه على حساب الحكومه طالما انتي طالبة لغه !
في حال كان على F2 فيزا .. الجامعات والمعاهد الامريكيه ماراح تسمح له يكون طالب وقت كامل .. يعني بيكون طالب وقت جزئي ..
نصيحتي لك انك تعرضين عليه الموضوع .. لان في حال كانت فيزا F1 يعني هو ملتزم انه يدرس فل تايم ستيودنت .. !
فل تايم ستيودنت يعني مايقدر يغيب اكثر من ٢٥ ساعه في التيرم و لازم يدرس بما انه جالس في امريكا ..
انا احس انه افضل يكون بفيزا مرافق وفيه معاهد تخليه يدرس وقت كامل عادي .. و بالنسبه للبعثه مايفرق ولما يدخل الجامعه نفس الشي بعد مايفرق ..
بس بالنسبه للدراسه في المعهد هنا الاختلاف ..
ياليت لو تحددين التخصص .. و مستوى الزوج التعليمي اللي راح يدرسه في حال حب انه يدرس .. عشان لو بقدر اساعد بـ ايجاد جامعه فيها كل التخصصين للمراحل المطلوبه .. و الابناء باذن الله ماعليهم خوف ..
عمار