مهم وعاجل بخصوص معهد WESLI بمدينة MADISON ولاية WI

بسم الله الرحمن الرحيم

مرحبا وسهلا بجميع الطلاب والراغبين في الدراسة ..

موضوعي هذا خاص بمعهد وسلي بمدينة ماديسون ولاية ويسكانيون ..

ياشباب نصيحة لله في الله لا احد يجي هذا المعهد الان لعدة اسباب مهمة ووجيهة :

- المعهد فيه تكدس بشكل خيالي من الطلاب السعودين شيء غير معقول , واحد من الطلاب معنا يقول ان طلاب المعهد كلهم 320 طالب والطلاب السعودين 280 طالب !!!

طبعا انا ماني متأكد من الاحصائية ولكن اراها واقعيه جدا جدا ..

انا ساكن في سكن المعهد ومعنا روميت كوري يقولي بالحرف الواحد " احس اني ادرس بالسعودية " والبارح سافر الى نيويورك غير المعهد والمدينة .

- غير كذا ان السفارة الان وقفت البعثة عليها بسبب التكدس واللي اسمعه انهم يدقرون على الطلاب اللي يبون يدرسون على حسابهم في هالمعهد .

سبب طرحي للموضوع اليوم مريت على المعهد والقى السكرتاريه يعبون اوراق الـI20 قلت للموظفة ارجوك لا تقولين انهم سعوديين !!

قالت كلهم سعوديين !!!

والسبب الثاني اني بحثت عن المعهد هذا قبل لا اقدم عليه ولقيت كثير كثير يمدحون ولكن سبحان الله , الله اعماني عن المواضيع اللي تحذر من التكدس اللي فيه ولاشفتها الا بعد ما طلعت الفيزة والحمد لله على كل حال .

ياشباب انتبهو ترا والله ماراح تلقون الفايده اللي ترجونها من هالمعهد ..

المعهد قوي على كلام الشباب هنا ولكن هذا ابدا ابدا ما يكفي خصوصا في ظل هالتكدس .

موفقين

أنا أدرس في المعهد وبقولك على شغله :

يا حبيبي صحيح إن فيه تكدس .. لكن التكدس يضرك بأيش ؟ أنت أدخل الكلاس وأنس العربي وأتكلم بالإنجليزي وأعتبر كل اللي معاك ما يتكلمون عربي وأنتهت المشكله.

بعدين المعهد قوي جداً جداً جداً ،، وكمان سعره رخيص للي يدرس على حسابه مثلي أنا.

فـ أشوف من الخطأ إنك تكتب موضوع مهم وعاجل ومدري أيش كأن الدنيا صاير فيها كارثه.

أرجو إنك تكون عقلاني في مواضيعك شوي .. وبالنسبه للمعهد أنا أدرس فيه وأنصح الطلاب وبقوه إنهم يدرسون فيه.

لسبب بسيط وهو إن المعهد قوي جداً جداً جداً.

اقتباس:

---

المشاركة الأصلية كتبت بواسطة كـانـدي

أنا أدرس في المعهد وبقولك على شغله :

---

اقتباس:

---

المشاركة الأصلية كتبت بواسطة كـانـدي

يا حبيبي صحيح إن فيه تكدس .. لكن التكدس يضرك بأيش ؟ أنت أدخل الكلاس وأنس العربي وأتكلم بالإنجليزي وأعتبر كل اللي معاك ما يتكلمون عربي وأنتهت المشكله.

بعدين المعهد قوي جداً جداً جداً ،، وكمان سعره رخيص للي يدرس على حسابه مثلي أنا.

فـ أشوف من الخطأ إنك تكتب موضوع مهم وعاجل ومدري أيش كأن الدنيا صاير فيها كارثه.

أرجو إنك تكون عقلاني في مواضيعك شوي .. وبالنسبه للمعهد أنا أدرس فيه وأنصح الطلاب وبقوه إنهم يدرسون فيه.

لسبب بسيط وهو إن المعهد قوي جداً جداً جداً.

---

وش بتفيدك فيه القوة اذا الكلاس فيه 15 سعودي و 3 اجانب ؟؟

لا وبعد كل 50 دقيقة تطلع تسولف مع الشباب برا !!

لاتقول لي انك تبي تجلس في القاعه لوحدك عشان تستفيد ..

العالم تدرس في المعاهد برا عشان يقدرون يتحدثون ويتكلمون طوال فترت جلوسهم بالمعهد بالانجليزي وهالشيء مايحصل في هالمعهد ..

عموما على فكرة الاجانب اللي في المعهد كلهم كوريين وتايونيين وكم حبه مشكله , يعني حتى لو بتتلكم بالانجليزي بتتكسر لغتك لما تكلمهم ..

المعهد قوي وانا اتفق معك ولكن المعهد يعطيك الاساسيات والخطوط العريضة والباقي عليك بالمحادثة والنقاشات خارج القاعه وهالشيء صعب في معهد زي هذا ..

عموما وجهة نظرك طرحتها ووجهة نظري انا ايضا طرحتها ولمن يفكر في المعهد ان يختار .

المعهد كان قوي قبل لا يجي السعوديين ،،، اعتقد انه خرب وصار يجيب مدرسين الله بالخير ،، ويستخدم فصول خارج مبنى المعهد ،، بسبب المادة الي يكسبوها من ورا الطلاب السعوديين ،،

اقتباس:

---

المشاركة الأصلية كتبت بواسطة daad

وش بتفيدك فيه القوة اذا الكلاس فيه 15 سعودي و 3 اجانب ؟؟

كلامك غير صحيح إطلاقاً .. يا حبيبي مستحيل في أي حال من الأحوال إن الكلاس يتعدى ١٥ شخص

لا وبعد كل 50 دقيقة تطلع تسولف مع الشباب برا !!

إذا أنت بتطبق القاعده هذي خلاص امسح المسن من كمبيوترك لأنك بتكلم فيه سعوديين

لاتقول لي انك تبي تجلس في القاعه لوحدك عشان تستفيد ..

لا أبجلس في القاعه عشان أرقص

العالم تدرس في المعاهد برا عشان يقدرون يتحدثون ويتكلمون طوال فترت جلوسهم بالمعهد بالانجليزي وهالشيء مايحصل في هالمعهد ..

يا قلبي .. ترى اللي يفيدك ويطور لغتك هو دراستك مو قرقك مع خلق الله

عموما على فكرة الاجانب اللي في المعهد كلهم كوريين وتايونيين وكم حبه مشكله , يعني حتى لو بتتلكم بالانجليزي بتتكسر لغتك لما تكلمهم ..

أكيد راح يكونون كوريين وتايوانيين .. أجل تبيهم أمريكان وبريطانيين وأسترالين ؟

المعهد قوي وانا اتفق معك ولكن المعهد يعطيك الاساسيات والخطوط العريضة والباقي عليك بالمحادثة والنقاشات خارج القاعه وهالشيء صعب في معهد زي هذا

يا حبيبي أشوفك مركز على المحادثات والنقاشات ،، والله العظيم ما ينفعك ويطور لغتك إلا المذاكره مو السوالف مع خلق الله .. صدقني أعتبرني أخوك الصغير وأسمع مني هالنصيحه ،، شفت الكوريين والتايوانيين اللي أنت مو شايفهم حاجه .. تراهم ما يعرفوا يتكلمو .. لكن يدرسوا في المعهد أربع شهور وبعدها يجيبوا التوفل والآيلس بالعافيه ..

عموما وجهة نظرك طرحتها ووجهة نظري انا ايضا طرحتها ولمن يفكر في المعهد ان يختار .

أخيراً بقولك شغله ،، ترى اللغه بالمذاكره مو بالمحادثه.

---

ــــــــــــــــــــــــــــــــــــــــــ

هدوا اللعب وخلوا البساط احمدي وتراي توي مصلح قهوة عربية وتميرات يالله من فضلك واللي يبي يقولي اوصف له البيت

ياشباب خلونا واقعيين

اولا المعهد اكثره سعوديين ؟؟ ، نعم اكثره سعوديين، لكن يجب أن نعرف أن الأغلبية الساحقة من المعاهد المعترف فيها اكثرها سعوديين، يعني هي هي السعوديين وراك وراك وين مارحت، لكن يمكن ماتلقى سعوديين لكن بمعاهد سيئة جداً وهاربين منها السعوديين ، وطبيعي المعهد الجيد يكون مليان سعوديين

ثانيا اللي يقول والله انا ماراح استفيد بكثر السعوديين فأقول انه من خلال تجربتي وجدت ان السعوديين لا مضرة منهم ، صحيح ان وجود اجانب افضل ، لكن مع ذلك انا بدخل على الشهر الخامس لي بالمعهد والحمدالله ماضرني كثرة السعوديين ولا غيرهم ولغتي بفضل من الله في تطور، رغم اني اسولف مع السعوديين بالبريك

ثالثا اذا انت تبي تهرب من الكلام العربي حري بك الا تستخدم المسنجر ولا تكتب بالمنتديات العربية اذا انت فعلا ماتبي عرب ، لكن من يطبق !

رابعا : صحيح اني قاعد اشوف المعهد يجيب من هب ودب من المدرسيين المستجدين بالأخير!! ، لكن يجب عليك أن تختار المدرس الصح علشان تستفيد، ويجب ان ينتبه الطلاب من اختيارات المدرسيين

خامسا اذا انت تبي محادثة ونقاشات فعندك المدرس تناقش معه اعزمه اطلع للشارع كلم الناس سولف عليهم قط وجهك اضحك معهم كون علاقات من الاجانب او الامريكان

اخيراً الدراسة ثم الدراسة ثم الدراسة هي اللي تطورك ، عندنا الكوريين وغيرهم دايم تلقاهم جميع ومع ذلك ما تأثروا لكنهم يذاكرون كثير

بالنسبة للمعهد سمعت انه موقف من الملحقية لكثرة السعوديين فيه، ويجب على كل طالب قبل التقديم عليه التأكد، واللي يبغى أسأله مدير المعهد يقولي

وبالتوفيق لي ولك ولجميع الطلاب

كلي تفاؤل .. أجل عندك قهوة وتمر وما تعزمني ^ـ^

بصراحه من يوم خلص التمر اللي عندي وأنا حالتي حاله :(

اقتباس:

---

المشاركة الأصلية كتبت بواسطة كـانـدي

كلي تفاؤل .. أجل عندك قهوة وتمر وما تعزمني ^ـ^

بصراحه من يوم خلص التمر اللي عندي وأنا حالتي حاله :(

---

حياك الله ياكاندي، ابشر والله واحد من العيال جايب لي كرتون جزاه الله خير من السعودية، عطني عنوانك وابشر من يرسلك ياقلبي

المعهد موقفته الملحقية من شهر 3
زين ليش ليما الحين يسوون اي تونتي للطلبة السعوديين اللي على حساب الدولة !!!!


انا المفروض ادرس بالمعهد من شهر 4 بس اجلت الدراسة مرتين وبروح نهاية السنة
سألت الملحقية اذا اقدر ادرس بالمعهد واهو موقوف وقالو عادي مدام قرارج من الوزارة!!!
وسألت المعهد كم عدد السعوديين قالو اكثر من نص طلبتنا سعوديين
وزميلتي تدرس بالمعهد تقول كان رااائع اول مادخلته بس من زادو السعوديين فيه تغير!!!!
شسوي؟ اقدر اغيره بعد ما ادرس ليفل واحد عندهم؟؟

المعهد أحضرت منه قبول,لكن غيرت بسبب الدراسة وتخصصي بالجاامعة.
بصرااحة سمعت المعهد قوية ولولا أنه قوي ماوجدت كثرت السعوديين هنااك,
دخلت موقع مبتعث وموقع ملتقى امريكاا الكل يمدح بالمعهد ماعدا العيب الوحيد لدى البعض هو تكدس السعوديين,
وأنا اقولها لك من الآن وجود السعوديين ماهي مشكلة معضلة بأمكان الواحد يطور لغته حتى ولو ببلده بالسعودية بأمكانه يدرس ويجتهد ويتاابع موااقع التعليم ويقرا ويسمع ويذاكر سينجح بالتوفل والآيلتس معاً.
المشكلة بعضنا ماخذ فكره انه اذا طلع بره ومافيه سعوديين راح تتعلم لغة,واذا راح لمعهد مليان سعوديين قال ابي اغير لانه تكدس طلاااب,
مفهوم خاطئ, اللغة بشكل أساسي تعتمد عليك.
وغالب المعاهد المعتمدة و الجيدة والقوية ملياانه سعوديين بسبب كثرة أعداد المبتعثين وقائمة المعاهد المعترف فيه لم يطرى عليها تعديل لزيادة عدد المعاهد.
والمبتعثين في أزديااد.

بالتوفيق

ودّي...