متوتر من مسألة الوصول الى امريكا ارجو المساعدة

السلام عليكم و رحمه الله و بركااته,,,,

أحب ابشركم اني ولله الحمد طلعت الفيزا و قطعت التذاكر على امريكا و رحلتي باذن الله على تاريخ 12 اوغست الدمام _ لندن(ترانزيت)_ واشنطن _ ديترويت

لكن اللي متخوف منه يا جماعه الخير اني راح اكون لوحدي في الرحله والى الان مالقيت اللي راح يكون معي بنفس الرحلة....

واللي خايف منه اكثر هو الوصول الى امريكا بالذات واشطن ايش الاجراءات اللي هناك؟؟
انا سمعت ان الملحقية الثقافية هي اللي تستقبلك عن طريق السواق الخاص فيها...

طيب كيف؟ اقصد كيف اخليهم يستقبلوني هناك؟؟ ولو كان في طريقه اني اتواصل معاهم على انهم يستقبلوني طب لا قدر الله وصلت امريكا ومالقيت احد يستقبلني في المطار ايش اسوي؟؟

بالذات لو كانت رحلتي توصل في وقت متأخر لواشنطن...

واخيرا انا واحد من الناس اللي خلصت اجراءاتي كلها حقت الابتعاث ووصلت الى اخر مرحله (حاطها في بالي) اللي هي قطع التذاكر ... هل في شي نااقص بعد كذا والا لا

وشكرا شكرا شكرا شكرا شكرا

هدي اعصابك ... وخطط لرحلتك بكل خطوة من قبل ... لا تحاتي

اول شي في موقع الملحقية >> http://www.sacmonline.us/new/

ادخل على النماذج الالكترونيه وهذا لنكها>> http://www.sacm.org/web/E_Services.htm

راح تلاقي نموذج باسم submit travel plan (for new students arrivals) http://www.sacm.org/pdfs/travel.pdf <<

اضغط >>
submit
اذا في خطوات بعد هذي الخطوة ما عندي فكرة لاني للحين ما عبيتها .. انتظر احجز رحلة.

وهذا النوذج لاشعار الملحقية بوصولك , وراح يرسلون لك سيارة .

== حبيت ارد عليك عشان اخفف من التوتر .

لا تنسى تسجل عندك رقم تلفون الشخص اللي بيجيك و رقم الملحق !! وان نسوك اطلب تاكسي من مكتب داخل المطار مو من الشارع حيالا>> ما ادري اذا تنبيهي هذا له داعي او لا :)
بالتوفيق

على فكرة انا رحلتي موعد وصولها 7 المساء ,,, احاتيها :$

السلام عليكم ...........
اخوي انا قرأت احد المواضيع اللي كتبها واحد من اخوانا ويقول انت ارسل صورة من تذكرتك لفاكس الملحقية وهذا رقم الفاكس 0012023372978
وخلاص.........
حبيت افيدك والسلااااااااااااااااااااااااااااااااام

اول شي مالو داعي تتوتر بالمره ياخوي

شوف ياعزيزي

انت تصور الجواز والتذكره في ورقه وحده وترسلها فاكس للملحقيه

0012023372978


بكذا هما عرفو متى توصل ولو لا سمح الله ما لقيت احد

تاخذ ورقه معك ومكتوب فيها عنوان الملحقيه وعنوان الفندق المتعامل مع الملحقيه عشان تاخذ لموزين ويويك لهم


بس هذا كل شي

اما عن سالفة فتح ملف في الملحقيه ممكن اون لاين زي ماقالت الاخت ليلى او انك تاخذ معك الاوراق حق فتح ملف ولمن توصل الملحقيه تعطيهم هناك ويفتحو لك ملف

والله يوفقك يارب وينور دربك

مراااااااااااااااااااااااااحب الجميع:):) :) :)

Layla3000
The Hero
عصي الدمع

أتعب أتعب أتعب وانا اقولكم مشكوريــــــــــــــــــــــــــــــــــــــــــــ ـــــــــــــــــــــــــــــــــن من القلب

وماقصرتو يا جعل الله يسهل عليكم و يحقق لكم مرادكم امين امين امين

(ليلى)

اقتباس:

---

على فكرة انا رحلتي موعد وصولها 7 المساء ,,, احاتيها :$

---

لا ان شا الله مافي دااعي تحاتينها,,, والله معااك ان شا الله و يزيل همك اذا كان عندك هم يارب زي ما شلتي همي انتي والاخوان:)

(عصي الدمع)
مشكور على دعااائك يا الغالي:)

ماقصرتو كلكم وشكرا للمره الثانية عسى الله يريح بالكم