عرض للطباعة
السلام عليكم ورحمة الله وبركاته
يشرفني اني اكون بينكم وفي المنتدى الأكثر من رائع
انا عندي سئالين محيرتني صراحه
اول شي انا مسافر امريكا بعد شهر ونص
ودي اعرف كم تتوقعون اجلس على حسابي
وثاني شي اقدر اروح لديرتي بدون المرور على واشنطن وارسال اوراقي من يدرتي !
شكرا
يآهلآ ومـرحبـا ,, اخي العـزيز ,,
إولآ أخوي ,, اذا ع كم تجلس ع حسـااابك , فـ هذا الشي لا احد يدري ربك يكتب او اذا عندك واسطه خفيفه تمشي امورك فـ هذا احسن حل , انا جيت وكانت نيتي ادرس شهرين واقدم اوراقي وارجع للسعوديه لما ابتعث وارجع اكمل , بس جيت وجلست اسبوعين وابتعثت حظ من ربك ,,
ثآنيـاا ,, انا انصحك نصيحه انك تنزل واشنطن بنفسك وتخلص امورك هناك ويكون كل شي كامل ,, احسن من انك ترسل اوراقك ربما تضيع او تفقدها , مثل زملائي , فـ انا انصحك ان تنزل بواشنطن يوم واحد من المطار تشوف سواق الملحاقيه الثقافيه المصري يركبك يوديك للفندق يعطيك ملفيين تعبيها كلها ويجيك الصباح اذا كان وصولك ليلا ياخذك انت والمبتعثين الى الملحاقيه تخلص امورك ماتاخذ اكثر من ساعه ونص,ويقولون لك توكل ع الله , لكن اخي , راح تسمع من المشرفين ومن كل اعضاء الملحاقيه انهم يقولون انك راح تدرس اللغه وتخلصها وتخلص 30 ساعه بالجامعه بعدين يتم الحاقك , فهذا الكلام , غير صحيح , قآلو لي مثل هالشي والتحقت من اسبوعين من كلامهم ,,
وعسى ربي يوفقك ,
اخوك فيصل ,
على حسب تجربة أكثر من شخص أعرفهم شخصيًا يا عزيزي الانضمام للبعثة بإذن الله ما ياخذ أكثر من شهرين من يوم تفتح ملفك الله يطول بعمرك
وهنيئًا لك وفّرت وقت شوف المبتعثين متعطلين والانتظار يقتلهم
بالنسبه للالتحاق بالبعثه ما احد يقدر يجزملك متى بالضبط راح تنضم للبعثه
ممكن بعد شهرين ممكن بعد 10 شهور وممكن يقولونلك خلص شرط ال30 ساعه + سنة الانجليزي الله واعلم