مشاركة: طابت النفس من امريكا
اتوقع اجراءات نقلك اختصاص الوزاره .. وماعندهم حق يرفضوا تغيير الدوله المبتعث لها في وضعك الحالي .
الله يعينك واتمنى من الله عز وجل ان يعوضك بالافضل ويعطيك على قد نيتك.
على قولتك ماليزيا دوله اسلاميه قد تشتري راحه البال اللي ممكن تكون شبه معدومه في امريكا. خصوصا ومعك عائله.
وبالنسبه لدراسه اللغه .. تعتمد على متطلبات الجامعه اللي راح تقدم عليها .. اذا انت حاصل على درجه في التوفل او على الأقل تقدم لهم ترانسكربت من جامعتك في امريكا .. المفروض انها تعفيك من دراسه اللغه وتضييع وقتك
اطيب الامنيات
مشاركة: طابت النفس من امريكا
الله يبارك فيكم جميعا
اليوم مريت الوزارة التعليم العالي وتكلمت مع الدكتور هشام والدكتور ناصر الفوزان
وكانو قدامي ناس واجد ينتظرون مقابلتهم
وكثير منهم يريدون التحويل منهم يقوول اولادي وبناتي في نيزولاندا يلقون مضايقات والجامعة حقتهم قاعده تصفي من السعودين وعنصرية فيهم
والثاني يدرس تخصص قوي في العلوم مادري شنهي ومتزوج وصار له سنتين اهناك وكذالك لقيته يتكلم مع الدكتور ناصر بموضوع المضايقات في امريكا وانهم مو مرتاحين وكذالك ان السفارة معقدتهم صار لهم شهرين ينتضرون التجديد ودراستهم راحت
والدكتور يقول موضوع النقل صعب جدا جدا ومن هالكلام وقال خلاص جيب قبووول من اي دولة وتروح معاملتك للجنة
وجيت انا قابلته وكلمته بهالموضوع وقلت له كل مضايقاتي في امريكا وعن سالفة اف بي اي وكذالك عن السفارة وتأخريهم ومماطلتهم وان كورس كامل بيطير يعني نص سنه وانا ماني ضامن التجديد بعد وقلت ابي احول على ماليزيا قالي ماليزيا موقفة الابتعاث فيها قالي شوف كندا والا استراليا او دولة ثانية قلت مابي الا ماليزيا انا مانضرت للدول الكبيرة على طول ناضرت لدولة صغيره واسلامية علشاني ذقت مرارة العيش في امريكا وماني اتحمل اذوقها في مكان ثاني الا وانا ضامن دولة تريحني بكل شي وبعد الاصرار على ماليزيا قال جيب قبول منهم وان شاء الله يصير خير
وانا حاليا احاول الحصووول على قبول من ماليزيا بأقصى سرعه وبنزل موضوع في قسم ماليزيا يمكن احد يقدر يدبر لي قبووول بسرعه قبل بداية اقوسطس لان الدراسة تبدأ فيها
وانتم يأخواني ماقصرتوا واللله يوفقكم جميعا
وانصحكم نصيحة اللي بأمريكا بوقت التجديد خله بأمريكا يجلس ألين يخلص الدراسه افضله واحسله
وشكرا لكم مره ثانية