الواسطه وما ادراك ما الواسطه

ربي يسعدك

عادي يابعدي خله يطلع مافي جعبته ويفضفض مثل ما انا مفضفض

اولا الله يوفقك ياغالي ويسهل امورك
ثانيا انا كنت مثل حالتك بالضبط من ناحية مراحعة الوزارة والعنقري والعطية وياما طيحت وجهي عليهم وكأني اشحذهم ما دريت ان السالفة وما فيها ان الخدمة بواسطة لا اذكر كم مرة راجعت العطية وكم راجعت الوزير من غير الخطابات المرسلة هذا وانا من خارج الرياض ولكن بدووووون فايدة حتى اني اراجع في المعاملة حتى يفيدوني ( روح ادرس على حسابك وقدم اللحاق من بلد الدارسة ) هو لو انا عندي حق الدراسة على حسابي ما كان طلبتكم .. بس ربك كريم
على العموم ياغالي شكلي شطحت ..
انت اذا عندك قدرة مالية روح ادرس على حسابك وفي دولة تكون مناسبة في الالحاق وفي تكلفة المعيشة وان شاء الله تلتحق وتتيسر امورك
اما العطية والعنقري معاك واسطة رح ما معاك لا تروح مثل سالفة البضاعة اللي تبي تشتريها من البقالة وكل شيء بتوفيق من الله
ولا تنسى اخي الصلاة والدعاء آخر الليل فهي ان شاء الله طريق لتسيهل امورك والله يوفقك ويسهل امورك .

يعطيك العافيه اخوي .. وهذا اللي حاصل إذا الشخص بدون واسطه ما تمشي اموره .. الله المستعان والله يسهل الامور بس

عادي الواحد يتكلم زي ما يبغى انا ما قلت شيء ... بس الواحد لا يحسس اللي يكلمه بأنه غلطان عشانه يبغى يطور نفسه
اجل الواحد يجلس مكانه عشان يرضي الناس

لو ما حصلت لك البعثة لا تيأس ممكن ترجع لسعود أو قدم بعثة داخلية وهذا أفضل شي

وبعدين يا أخي فيه معهد الادارة حاول تاخذ دبلوم عندهم تراه ممتاز وظيفياً أو روح للمعهد المصرفي تدرس على حساب
الموارد البشرية
وبالتوفيق

ماشاءالله تبارك الله اخوي

انا عندي لك بشاره - صدقني ببتغير كل شي خصوصا انك طالب العفة

بس وانا اخوك النية لازم تعقدها واذا نسيت من اول اعقدها الحين ولا تفارق قلبك - انك تزوجت للعفة وماشاءالله بحلالك - إنما الاعمال بالنيات -


1- قال الله تعالى : (وَأَنْكِحُوا الْأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ) النور/32 .

وقال السعدي رحمه الله :

"قوله تعالى : (إِنْ يَكُونُوا فُقَرَاءَ) أي : الأزواج والمتزوجين . (يُغْنِهِمُ اللَّهُ مِنْ فَضْلِهِ) فلا يمنعكم ما تتوهمون من أنه إذا تزوج افتقر بسبب كثرة العائلة ونحوه .

2- وعن أبي هريرة رضي الله عنه أن النبي صلى الله عليه وسلم قال : (ثَلَاثَةٌ حَقٌّ عَلَى اللَّهِ عَوْنُهُمْ : الْمُجَاهِدُ فِي سَبِيلِ اللَّهِ ، وَالْمُكَاتَبُ الَّذِي يُرِيدُ الْأَدَاءَ ، وَالنَّاكِحُ الَّذِي يُرِيدُ الْعَفَافَ) رواه الترمذي (1655) وصححه ابن العربي في "عارضة الأحوذي" (5/3) ، وحسنه الألباني في "صحيح الترمذي" .

وقال ابن عباس رضي الله عنهما : (رغبهم الله في التزويج ، وأمر به الأحرار والعبيد ، ووعدهم عليه الغنى) . رواه ابن جرير الطبري (17/275) من طريق علي بن أبي طلحة ، وهي طريق صحيحة معتمدة عن ابن عباس .

وقال ابن مسعود رضي الله عنه : (التمسوا الغنى في النكاح) . رواه ابن جرير الطبري في "جامع التأويل" (17/275) ، وفي سنده انقطاع بين القاسم بن الوليد وعبد الله بن مسعود رضي الله عنه.

وقال أبو بكر الصديق رضي الله عنه : (أطيعوا الله فيما أمركم به من النكاح ، ينجز لكم ما وعدكم من الغنى) رواه ابن أبي حاتم في "التفسير" (8/2582) بسند مرسل .

وقال عمر بن الخطاب رضي الله عنه : (التمسوا الغنى في الباه) رواه ابن أبي حاتم في "التفسير" (3/868) ، وفي سنده انقطاع بين إبراهيم بن محمد بن المنتشر ، وهو من صغار التابعين ، وبين عمر بن الخطاب رضي الله عنه .

وعن عمر بن الخطاب رضي الله عنه قال : (عجبت لرجل لا يطلب الغنى بالباءة ، والله تعالى يقول في كتابه : (إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ) النور/32 . عزاه السخاوي في "المقاصد الحسنة" (ص/149) لعبد الرزاق ، عن معمر ، عن قتادة ، أن عمر قال : وذكره . وقتادة عن عمر : منقطع .




فا ماشاءالله بعد كل هذا اجعل ثقتك بالله قوية واستبشر وحاول تبتعث
ولا يغير أحد فكـــــــــــــــرتك و إن شــــــــــــاءالله تتيســــــــــــــر الأــــــــمور

أدرس بجامعه هنا وجب معدل حلو وتطلع حاسب الحكومه

اولاً الله يوفقك ان شا الله وتقدر تحقق طموحك

والشي التاني اذا ماعندك مقدرة مالية انك تروح بلد وتلتحق احس شي ادرس البكالوريوس هنا وجيب معدل حلو وروح

الماستر بعثة ^^

الله يعطيكم العافيه
ما ادري وش اقول لكم ،، لان بصراحه كل واحد فيكم رده احسن من الثاني

بس مالي الا اقول : ربي يوفقكم ويفتحها في وجهكم ويرجعكم بالسلامه وانتم رافعين رؤوس أهاليكم

سوي اللي عليك ولاتيأس جرب ارجع للوزارة مره ثانية وتوكل على ربك ...وجرب تكلم اي جامعة في مدينتك وتقولهم كيفية القبول
اهم شي ماتروح عليك السنة بلوشي ...لازم تدرس ...تفكيرك حلو ...والمستقبل قدامك ..عشان بكره ان شاءالله اولادك يعيشون عيشة كويسه..الله يوفقك