بليييز اللي متخصص رياضيات ماليه يدخل ضروري

مرحبا

انا من طلاب المرحله السادسه تخصصي رياضيات واخترت امريكا للابتعاث طبعا اخترت تخصص رياضيات ماليه
المشكله الحلوه بموضوعي يوم سويت بحث بالجامعات الموصى فيها طلعت لي 3 جامعات فقط لا غير:no1:
3 جامعات عدد مره قليل بصراحه انصدمت يعني لو بقدم عليهم مااضمن كلهم يقبلوني الا ياليت وحده تقبلني
احس اني تورطت بالتخصص
مع اني قاريه عن الرياضيات ماليه وتحمست اني ادرسه مره ومو متقبله فكرة اني اغير التخصص

ياليت اللي يدرس هالتخصص يفيدني باي جامعه وشلون تعقدت اموره يوم قدم ع الجامعات والا انا متخوفه بزياده
وشلون هالتخصص حلو ودراسته سهله
بليييز اللي عنده اي معلومه لا يبخل فيها ضايقه فيني من هالموضوع

اهلين اختي ..

بالنسبة لتخصص الرياضيات المالية يعتبر من التخصصات النادرة بالذات هنا في السعودية .. و سبب ندرته تكمن في امرين , اولا صعوبة التخصص و اعتماده على التطبيقات المتقدمة في الرياضيات , ثانياً عدم استخدامه بشكل كبير في السعودية بسبب عدم وجود سوق لما يسمى derivatives و هي options & futures لذلك لا يوجد طلب كبير على هذا التخصص .. عموما من خلال بحثي السريع وجدت ان هناك جامعات اكثر من العدد الذي ذكرتيه تعطي شهادة الماجستير في هذا التخصص ..

لمعرفة هذه الجامعات ادخلي موقع الوزارة في قسم الجامعات الموصى بها و اكتبي اسم التخصص Mathematical finance او quantitative finance الدرجة ماجستير و ستجدين كل الجامعات المعترف بها و هي 10 جامعات تقريبا ..

عموما اختي هناك عدد من التخصصات المالية التي تعتمد على الرياضيات و اذا احببتي استطيع تزويدك بمعلومات عنها ..

بالتوفيق

اهلين اخوي هوى نجد
الف شكر على ردك
انا عارفه ان تخصص رياضيات ماليه مايدرس بالسعوديه وهو تقريبا علم جديد
يعني له 3 او 4 سنوات بدا ت جامعات امريكا تدرسه وان شاء الله له مجال وظيفي بالسعوديه لان انا ماابي اتخصص برياضيات بحت
ماابي انحصر بالمجال التعليمي فقط وابي بعد ادرس تخصص امتداد للرياضيات ورياضيات ماليه امتداد له
وانا بحثت عن الجامعات الموصى بها من موقع الوزاره وطلع بس 3 جامعات
اما التمويل الكمي اللي انت ذكرته ماادري عنه اي شي مو عارفه هو امتداد للرياضيات والا لا
يعطيك العافيه ع المعلومات وماقصرت
بس ابي اعرف معقوله محد من الطلاب متخصص فيه ابي تجاربهم عشان اعقلها واتوكل ياليت اللي يعرف لا يبخل

اهلين اختي ..

اعتقد ان التمويل الكمي هو نفسه الرياضيات المالية و لكني غير متأكد من هذه المعلومة ..

و لكن هناك علم جديد في التأمين يسمى الإكتواري actuary هذا العلم يعتمد على الرياضيات و لا يكاد يوجد سعودي متخصص في هذا المجال حسب معلوماتي , فجميع من يعمل في هذا التخصص هم من الأجانب و يستلمون رواتب عالية جدا ادناها 50 ألف ريال في الشهر ..

اهم عمل للإكتواري هو تحديد السعر المناسب للتأمين .. سواء تأمين ضد حوادث السيارات أو الحرائق أو تأمين الحياة و غيرها .. و تحديد السعر يحتاج الى حسابات رياضية معقدة و طويلة , لهذا اصبح هذا التخصص نادر و مهم جدا في مجال التأمين ..

شهادة الاكتواري تحتاج من 5 الى 6 سنوات لإكمال جميع المواد المطلوبة و هي 8 الى 10 مواد على ما اعتقد , و لكن من الممكن اخذ 5 مواد في سنتين تقريبا لتصبحي مختصة في هذا المجال و اعرف احد الأشخاص من الأخوة المصريين تجاوز 4 مواد فقط و يعمل في احدى شركات التأمين في الرياض و يستلم مرتب قدره 40 ألف ريال ,,

ما اريد قوله هو ان هذا المجال جديد و هو امتداد لقسم الرياضيات و مستقبله باهر بإذن الله ..

اتمنى لك التوفيق ..

هلا هوى نجد
تقريبا الرياضيات الماليه نفس الاكتواري نفس الهندسه الماليه بس اختلاف بالاسماء
يعطيك العافيه وربي محد معبرني غيرك:blush-anim-cl: الله يسعدك

اهلين اختي

ما فيه احد رد عليك لأن ما فيه احد عنده معلومات عن الموضوع و هذا دليل ان ما فيه سعوديين متخصصين في المجال هذا , لذلك اعتقد انها فرصة ممتازة بالنسبة لك لتكوني من أوائل المختصين بهذا المجال ..

كما اعتقد ان الرياضيات المالية تتشابة الى حد كبير مع الهندسة المالية و لكن الاكتواري شئ مختلف تماما .. صحيح ان الرياضيات تربط بينهم و لكنهم مختلفين في التطبيقات و الاستخدامات و مجالات العمل ..

رأيي انك تتوكلين على الله و تقدمين على الجامعات المتوفرة و تبحثين اكثر عن جامعات اخرى في نفس المجال .. التخصص مميز جدا و له مستقبل كبير بإذن الله ..

ربي يوفقك