ارجوا الاجابة

اهليــن اختي بشاير ..

بالنسبة لتأجيل الدراسة فما اعتقد لان فيه اسئلة شائعة بموقع الوزارة الرئيسي وتم الرد لا يتم تأجيل البعثة حيث ان البرنامج سنوي ويرتبط بمواعيد وانظمة دراسية ..

>> هذا بالنسبة لتأجيل البعثه ..

اما بالنسبة لتخصص علوم الحاسب ماعندي اي خلفيه والله .. وانشاءالله يفيدونك

وبخصوص استفسارك الثالث متعلق بالبرنامج اما انك تكملين معاهم ماستر او بعثتك تروح ومااعرف بصراحه هل يحق للطالب اللي قدم على البرنامج وتوافقت شروطه وتم ترشيحه النهائي وكنسل البعثه هل يحق له التقديم على المرحلة السابعه او لا ..!!

<< حبيت انوهك عن النقطه هذي وانتي استخيري وتوكلي على الله ..

وانشاءالله مايكتب لك الا كل خير

والله يوووفقك وانشاءالله اني قدرت افيدك بقدر معلوماتي وفهمي لشروط البرنامج

مشكورة ع الاجابة بس مافهمتي السؤال الثالث

انا ياقصد مااروح هل السنة ماروح برا ماستر اخذ ماجستير في جامعة هنا بالسعودية واقدم بعد سنتين على حسب وقت انتهائي من الماجستير على بعثة دكتورا فهمتي

نصيحه اخويه

اذا ظروفك تمسح انك تروحي الدفعه هذي فتوكلي على الله ولا تطوف عليك الفرصه لانها بالعمر وانتي منتي عارفه عن الظروف المستقبليه وانك لو اخذتي اماستر فالسعوديه قد لا سمح الله لا تحصلين على معدل يؤهلك للمرحله السابعه فتخسرين الابتعاث وقد لايكون هناك مرحله سابعه ..!! لان طال الزمن او قصر مصيرها بتتوقف او تستحدث آلياتها وشروطها وقد تكون تعسفيه وصعبة المنال..
وفالاول والاخير استخيري الله عز وجل وان شاء الله تتضح لك الرؤيه

انا رديت ع الموضوع لانه تقريبآ نفس الظروف اللي اامر فيها والحيره اللي انا فيها ولكن قلبتها في راسي شفت ان الفرصه لا تتعوض مع العلم اني موظف بوظيفه أغبط عليها والتفريط بها مغامره ولكن فرصة الابتعاث فررصة ماتتعوض وخصوصآ ان العمر محدد لسن الماجستير وانتبهي لنقطه هذي

عسى الله يوفقنا واياكم لما فيه صلاحنا فالدنيا والاخره

فهمت اختي

انتي محتاره انك تبتعثين ياللماستر او الدكتوراه خصوصا مثل ماقلتي ان زوجك موافق على وحده منهم !!

انا رآيي بصراحه من راي اخوي بدر الدنيا فرص والفرصه جت عندك ومو كل مرا دنيانا فرص ماافرط فيها والدكتوراه الله العالم وش بيصير لنا بكرا .. راح تتغييير امور كثيره من هنا لسنتين قدام وماتعرفين يمكن ظروفك تتغير و تكملين الدكتوراه هناك تقدمين عليها وامورهم سهله انشاءالله ..

مختصر المفيد :: استخيري مرا واثنين وثلاث وانشاءالله ربي بينور لك بصيرتك ويوووفقك يالغاليه ..

كلامك صحيح اخوي مااحد ضامن ظروف المستقبل !!

لكن حبيت اهنيــك على طموحك والله يعوضك انشاءالله عن وظيفه افضل واخير منها ..

والله يوووفقنا ياربـ وينور دروبنـآ ..

سلام اختي
على حد خبرتي في الرجال وانا واحد منهم روحي ماستر وراح يعجبه الوضع ويوافق تكملي دكتوراه ومع كم كلمة راح يوافق وشفيله اي شهاده ياخذها هو معك علشان يكون له رغبة

شكرا على اهتمامكم بموضوعي والرد عليه : لاكن الموضوع اعقد من كذا
بماا انكم فهمتوا السالفة خلوني اقولكم الوضع كامل اذا ممكن تسمعوني :

انا لو ربي كتبلي اروح بعثة راح اروح مع الوالد طبعاً راح يكون بالرياض هنا امي و4 اخواني مااقدر اخليهم ابد لأن العائل الوحيد لهم الوالد طبعاً صارت سالفة انا وابوي بنكون مظمومين للبعثة و4 3 خوات واخ وامي بيكونون مو ضمن البعثة يعني على حسابهم الخاص .
طبعا بأترك زوجي بالسعودية بالرياض 3 سنين فالسالفة فيهاتعقيد لاكن انا احاول استخرج حلول
فعشان كذا انا اقترحت عليكم لو انا مثلاً طنشت الماستر اللبعثة واخذت في جامعة الامام على الدكتورا بوزارة التعليم العالي فهل راح اقبل بالدكتورا وانا طنشت الماستر بالبعثة؟
وانا استخرت مابان لي شيء بليز جاوبوني لا تطنشوني