هل هذه عنصرية ؟ أرجوكم ساعدوني ولا تترددو فأنا في حيرة؟

انت شكلك ما قرأت الموضوع الأصلي ...... ارجو انك تقرأ الموضوع الأصلي وبعدين تعال جاوب.... انا اقول إني الدولة قالت بأن الزوج الغير سعودي المرافق للزوجة السعودية لا يحق له العمل في دولة الإبتعاث ولا يصرف له اي مكافآت مالية لأنه دخل بلد الإبتعاث كمرافق لزوجته السعودية وليس طالب هجرة.

الملحقية قالت كده لانه قوانين امريكا تمنع عمل المرافق اللي جاي على فيزة اف تو اللي هي فيزة المرافق سواء كان سعودي او غير سعودي (باستثناء المواطن الامريكي)
اذا كان زوجك معه الجنسية الامريكية او الجرين كارد فما اظن انه عنده مشاكل في العمل داخل امريكا

لا والله زوجي ما معه أي شي غير الإقامة النظامية في السعودية .. الرجال مولود وعايش بشكل نظامي في السعودية وفجأة انا طلعت له بموضوع البعثة .... لا كانت على باله ولا على خاطره .... بس والله فيها ظلم لنا نحن السعوديات إني الزوج يسافر معنا ولا يتم إعانته بأي شي ولا يحق له حتى العمل ... يا جماعة والله الموضوع مش هين ؟

يعني من كلامك ان زوجك غير مقتدر مادياً على مصاريف المعيشة في امريكا ..

إذا الموضوع بسيط جداً ...

خذي أحد أخوانك معك تنفعيهم وينفعونك وتتكفل الوزارة بمصاريف دراسة اللغة ويصرف لهم مكافأة ايضاً ..

بالتوفيق،،

أكبر أخ عندي عمره سبع سنوات يعني ما ينفع كمحرم.... ووالدي لا يستطيع السفر معي نهائيا ... وارجع اقولك زوجي مقتدر ماديا هنا في السعودية لأنه يملك عمل براتب ممتاز ... ولكنه لو سافر معي كمحرم فيجب إما ان يتوفر له عمل أو أن يصرف له مكافآة مرافق والأمرين غير ممكنين .... فكيف يستطيع العيش ؟.؟؟؟؟؟

اختي بختصار ونصيحه لك وانا اخوك خلي زوجك يطلع على وزاره التعليم العالي انا مااخفيك فيه شك لو ان زوجك يبي يدرس على حساب الحكومه يعني (مبتعث) بقولك اكيد لا لإنه غير سعودي ولكن في حالتك انتي تقولين انه محرم لك أذا هو مرافق والزوجه سعوديه ومثل ماقلتي هو مقيم أقامه نظاميه مو فيزه او بزنس ستريب فهينا فيه امكانيه انه يطلع معك ولكن يرفع طلب ويقدم فيه كل اوراقه واولها شهاده الميلاد إلى وزير التعليم العالي <<< وعلى فكره ترا الدخول له سهل وبابه مفتوح وبوضعك انشاء الله الله بيسهل الأمور

انا موظف بموارد بشريه قسم الدوائر الحكوميه وسألت من كان عندي وهذا افضل طريقه اختصار للوقت ولا تتوهي نفسك بطرق عقيمه

والله يوفقك وسهل امورك

تحيـآتي

إذا الله يعز السعودية التي عزت زوجك الغير مقتدر مادياً خارج اروقة وطننا الحبيب ...

شكرا لك أخوي أبو إبراهيم ... مع أنني قرأت تصريح للعطية بأن زوج السعودية غير السعودي يصرف له مكافأة شهرية وقرأت تصريح آخر للموسى بأن زوج السعودية غير السعودي لا يصرف له سوى تذاكر الطيران والعلاج فقط بدون أي مكافآت شهرية ..و الله الوزارة نفسهم ما عندهم كلام واضح بهذا الشأن؟ مع إنهم كاتبين في موقعهم الرسمي بأنه لا يصرف له أي مكافآت.

سيد Eng.Abdullah أرجو منك عدم الرد نهائيا لأن ردودك كلهم ردود عنصرية بحته ... وهذا يدل على مستواك التعليمي ... السعودية ما عزت زوجي ... وسبب وجوده هنا هو زواجه مني ... الرجال جاته فيزا على استراليا براتب سبعة آلاف دولار ورفضها عشاني ... بس للأسف ردك ينم على مستواك التعليمي

^^

اولاً مستواي التعليمي واثق ثقه تامه انه صعب عليك توصلينه ..

الناحية الثانية فهمك هو البسيط جدا و على قد تفكيريك واكبر دليل اسم موضوعك ...

واقصد في ردي الاخير دام انها متيسره معكم في السعودية فإذا الجلوس والدراسة في السعودية هو الحل لك ..