عن طريقة شراء او تقسيط السيارة واجراءاتها

بسم الله الرحمن الرحيم

السلام عليكم ورحمة الله وبركاته

بغيت اسالكم اتمنى الاقي الي يجاوبني <<<< خابركم محد مقصر ان شاء الله

لقيت سيارة بسعر مغري جدا جدا وانا ناويها باذن الله

مع العلم اني باخذها من شخص مو من معرض والرخصة الي معي الرخصة السعودية الجديدة

ومعي واحد معه الجنيسة الامريكية لكن معه الرخصة السعودية <<< ان كان يفيد بشي

ســـ1ـــ/ نقل الملكية كيف ومن وين ..؟

ســـ2ـــ/ كم الزيادة على حق السيارة يعني مع التاكس و و و ..؟

ســـ3ـــ/ ان كان فيه طرق اسرع ياليت تدلونا عليها او كم الوقت الطبيعي لانهاء كل هذه الاجراءات ..؟

ســـ4ـــ/ وان خابت هالبيعة الله لا يقولها اقدر اقسط على السيارة ..؟

اعذروني ان كان ثقلت عليكم

وسلامتكم

نقل الملكيه سهل جداً ,,

اول شي خويك صاحب السياره يعطيك التايتل حق السياره ويوقع بالخلف انه باعك السياره وانت توقع بعد وكذا خلاص السياره لك ..

الخطوه الثانيه تروح قسم التايتل واللوحات في مدينتك وتسجل السياره بأسمك لان التايتل معك وتدفع التاكس هناك , والتاكس طبعاً يعتمد على قيمة السياره كل ما زاد سعرها زاد التاكس , والتاكس بالنهايه يعتمد على المدينه اللي انت فيها هل هو غالي ولا لا .

اما موضوع رخصتك ما اعتقد تنفع الا اذا كانت دوليه . بس ممكن تمشي وانت تسوق عادي , اما تسجيل السياره تقدر تسجلها حتى لو ما عندك رخصه وتنقلها بأسمك .

نصيحه طلع رخصه من مدينتك افضل ,,,,

بالتوفيق