السلام عليكم جميعا ورحمه الله وبركاته ...
ياجماعه موضوعي صراحه شطحه بس ما كتبت الموضوع هذا الا لأني من جد بلشت بعمري
انا يا جماعه الربع بأذن الله نازل على السعوديه بعد شهر بس مو هنا الموضوع ...
بما انه اول مره راح انزل للسعوديه وصار لي حول السنه هنا قلت عيب عليك يا روميو تنزل للسعوديه بدون ما تجيب للوالد وزوجته العزيزه هديه ,, ويوم فكرت لمده يومين اكتشفت اني ما اعرف اهدي .. يعني عجزت القى شي غير عطر ... كل مافكرت ومفكر ما القى غير عطر <<< باين انه ما قد اهدى احد شي
وما ابي اهدي عطر صراحه ...
يعني ودي بشي يكون دائم ,, احسن من كذا ويفضل لو شي ما يلقى بالسعوديه ..
ياليت اصحاب الخبره يفيدونننا في مثل ذا المواضيع
ترا جد والله اني ما ادري وش اهديهم ,,, اي احد عنده فكره مساعده اي شي باعالم خل يشخبط تحت بالتعليق ويعلمنا
ياحبني لكم كلكم ...