-
استفسار عاجل
السلام عليكم
يا شباب انا شخص ملتزم {مطوع} ملتحي , وجاتني بعثه لامريكا, ومن خلال ما سمعت من بعض الاشخاص ان المطوع راح يتعقد هناك من المعامله , وانه لابد من تخفيف اللحيه او حلقها . بسبب ما يجده في المطار وغيره
السؤال / هل يوجد مشاكل في ذهاب الشخص الملتحي الى امريكا للدراسه ؟
شكرا
-
رد: استفسار عاجل
ياهلا والله اخوي ,
لالا ابد مافي ولا مشاكل , ومسلمييين كثييير واعرف واجد مطاوعه سعوديين وخليجيين وعرب , وناس مقيمين هنا مطاوعه ,
تعال ياخوك , واخذ كلامي , ماحد له دخل بـ الثاني , وكلن في حاله ولا درو عنك ولا عن شكلك ,
توكل ع الله وكمل دراستك , وعسى ربي يوفقك ,
-
رد: استفسار عاجل
انا مع كلام الاخ ان امريكا مايحتاج فيها الواحد يغير من نفسة لانها بلد حر ماعدا بعض الولايات التي تزيد فيها العنصريه
-
رد: استفسار عاجل
هههههههههههههه لادروا عنك ولا عن شكلك
منجد ترى والله الناس مضخمين السوالف
لما تروح تشوف شئ ثاني تماما
توكل على الله وحط في بالك من جعل الله همه كفاااااه الله ما اهمه
وبالتوفيق ياارب
-
رد: استفسار عاجل
أخوي ،، خذها مني ،، أنا جلست في أكثر من سبع ولايات يعني عندي خبره ؛
لو إن شاء الله لحيتك إلى ركبتك ( طبعا صيغة مبالغة مو إستهزاء باللحية ) ما راح تسبب لك أي شيء !
الأمريكان أناس محترمين جداً ، خلك محترم وبتشوف أنواع الإحترام.
ويا كثرهم اللي معانا في المعهد مطاوعه وملتحين ولحاهم كبيرة ،، ولا عندهم أي مشاكل.
وترى بعض المرات أصادف أمريكان لهم لحى ،، يعني باختصار اللحية شيء مألوف في أمريكا.
أسأل الله لك التوفيق :)
-
رد: استفسار عاجل
لا لا لا ما فيها شي ابداَ
فيه واحد لحيته لما صدره سعودي
وما فيه اي مشاكل ابدا لا تخففها ولا شي
والله يوفقك ويسهلها عليك ولا تشيل هم عادي جدا