رد: ارجوكم ادخلو وجاوبوني
اول شي الطريقه حقك نظاميه ومافيها شي , اما موضوع المدينه انا ما اعرف عنها شي ولا قد سمعت عنها .
رد: ارجوكم ادخلو وجاوبوني
اقتباس:
المشاركة الأصلية كتبت بواسطة فتى الوجيد
مساء الخير للجميع وكل عام وانتم بخير......
باختصر لكم الاسئله....
انا عندي قبول لدراسة اللغه معهد في مدينة تيمبي في اريزونا
وعندي قبول جامعه في مدينة سيدرا في يوتا
الاسئله......
1-هل هذه الطريقه تعتبر نظاميه ولا تسبب لي مشاكل فيما بعد لاني اظطررت ان اخذ قبول الجامعه لان جامعه تيمبي تتطلب الحصول على التوفل بعكس جامعة سيدرا
عادي ،، طريقة عادية وما فيها شيء.
2-ولاية يوتا وبالاخص مدينة سيدرا ما اعرف عنها شي ولا لقيت احد يعرف عنها فارجوكم من يعرفها او سبق ان درس فيها ان يبلغني عن كل شي من ناحية المعيشه والاجواء والسكن ومصاريفه فوالله اني تعبت في صفحات النت ومنتديات الطلبه ولكن دون جدوى
سيدار أنا جلست فيها أسبوع واحد فقط ، جيت معاي قبول ماستر من جامعتها وقبول من معهدها ، ولقيت إن معهدها ضعيف عكس الجامعة ، فنقلت لمعهد ويسلي في ولاية ويسكنسن وإذا خلصت منه إن شاء الله برجع وبدرس الماستر في سيدار
أحب أذكرك فقط إن معهد الجامعه مو قوي ،، لكن الجامعة قويه مره وحلوه وممتازه ومدينة سيدار من أجمل المدن اللي شفتها ،، طبعاً تراها صغيره لكن ترى أهلها طيبين مره وحبوبين لأبعد حد.
وأي استفسار أنا جاهز وربي يوفقك :)
رد: ارجوكم ادخلو وجاوبوني
روكو مشكور ياغالي
كاندي مشكور ياغالي ولاهنت وحاول تكفى تجمع اي معلومه عن هذي الولايه والمدينه لاني سمعت ان عندهم طقوس خاصه في المسيحيه في هذي الولايه بالذات
رد: ارجوكم ادخلو وجاوبوني
اخوي كاندي ما قلت لي كم تقريبا يكلف السكن مع عائله في الشهر ووش يشمل السكن
رد: ارجوكم ادخلو وجاوبوني
حبيبي ،، ما عندهم لا طقوس خاصه ولا هم يحزنون ،، ناس محترمين وقمة في الأخلاق.
السكن مع عائلة = ٧٢٠ دولار شهرياً ، طبعا شامل أكلك وشربك ويودنك ويجيبونك وكل شيء.
شقة لوحدك = ٢٠٠ دولار شهرياً.
