-
مبتعث جديد + استفسار
السلام عليكم ورحمة الله وبركاته
ولله الحمد تم قبولي ببعثة لدراسة ماستر نانو بامريكا
وعندي استفسارين:
- لو جبت قبول معهد ودفعت لهم مقدم هل تقبل الوزارة هالشي؟
لان اوراقي بمكتب تجسير ولا جاني رد منهم, والشي الثاني حتى لو جاني رد هل اقدر اغير المعهد؟
الشي الثاني للي درسوا ماستر نانو , وش افضل الجامعات , وهل اقدر ادرس النانو في التطبيقات الطبية , لان تخصصي بكالوريوس هندسة طبية
وامممممم عندي مشكلة بسيطة لاني مازلت محتار لازم استقيل من وظيفتي...ووظيفتي راتبها كويس ولله الحمد يعني بعد اربع سنوات شغل راتبي تقريبا 14 الف
بس لو جلست فيها ببقى نفس وضعي ماراح يتغير + الواسطات فوق كل شي.......... فماخاب من استشار ابي نصايحكم
يعطيكم العافيه
-
رد: مبتعث جديد + استفسار
نصيحتي لك حتّى لو راتبك 20 انك تختار الابتعاث
وكل استفساراتك ولله الحمد (على حسب معلوماتي) : نعم تستطيع .. والله يوفقك
بس الأفضل انك تنتظر مكتب تجسير لأن بالكثير 10 أيام وتجيك الأوراق بإذن الله
-
رد: مبتعث جديد + استفسار
الله يوفقك يارب ..وان شاءالله تتضبط امور بعثتك...عشان إن شاءالله لارجعت تلقى وظيفه افضل بأذن ربي والله يرزقك كل خير
بالنسبة للأستفسار الاول مااعرف عنه شيء
الاستفسار الثاني في كثير ناس للحين زي حالتك مكتب تجسير لسى ماكلمهم ولا شي ..وريح راسك انا ملفي ماوصل اساسا لمكتب تجسير
وبالنسبه لتغيير المعهد او الولاية ...تقدر بس لازم تراسل الوزاره ويكون عندك سبب مقنع وان شاءالله هذي امرها سهل...... بأذن ربي يجيك قبولك بالمعهد اللي تبيه ولا تحتاج تغير
دعواتك :)
-
رد: مبتعث جديد + استفسار
Kfoo
جزاك الله خير وماقصرت عسى عمرك طويل وربي يوفقك يارب
lilo
قريت موضوع قبل فترة ان فيه ناس ماوصلتهم رسائل من مكتب تجسير لكن يوم شيكوا على السجل كانت فيه رساله منهم
الله يجزاك خير على دعواتك وربي يوفقك ويفرح قلبك بالتخرج
جزاكم الله خير