حوار الأفضل برأيك :السكن في شقة مفروشة أم في شقة فارغة ؟

شكراً اختي على الموضوع ..

انا عن نفسي اللي افكر فيه الحين هو اسكن بشقة مفروشة بحيث يكون العقد معهم لشهر بحيث خلال الشهر اشوف الشقق المتوفرة سواء المفروشة والغير مفروشة واطلع على اسعار الاثاث ..

متابع باستمرار للموضوع ..

:

ألحى شي في الغربه انه مـآحد يشره عليك أو يتريق ع الاثاث

الناس غربه وأهم شي تلاقي شي تنام عليهِ ,, والاثاث عاتي لو كل شهر تجيب قطعه مو مشكله

up
up
up
up
up
up
up
up
up

مايحتاج تضيع فلوسك في شقه مفروشه اجارها غالي ولو تلف منها شي راحتدفع حقها كامل خصوصا للي عندهم اطفال
في اسبوع تقدر تخلص كل هذول
انا وفرت تلفزيون وطاولة طعام وكنب و4 طاولات صغيره ومقسم كتب واحد وزعتها بين الصاله وغرفتي وغرفة الاطفال ومراتب نوم بدون اسره اما غرف الملابس وفرت مقسمات من نسيج موجوده بايكيا مررره مرتاحه منها ورخيصه وخفيفه جدا
اظطريت اشتري 3اباجورات لان ماعندهم انارات الا قليله جدا هذي الاساسيات الي تقدر تعيش فيها حياة طبيعيه بدون تكلف

طيب فكري

لو أخذتي شقة مفروشة وش راح يكون فيها ؟؟؟

كنب اربع انفار بالصاله + طاولة بالصالة + سرير بدون مفرش ولا بطانية ولا مخدات +كرسيين أو ثلاثة لبار المطبخ + طاولة تلفزيون ,,, وكلها أي كلام بصراحة وكل الاغراض هي قيمتها ما تتعدى400 إالى500 دولار بالكثير وإاذا كانت جدا فخمة

طبعا هذي اغلب الشقق كذا وبعضها يعطيك تلفزيون مضروب [يعني قديم و مستعمل ] وطاولة دراسة وكرسي

تجربة شخصية

سكنت مع رميت ثلاث شهور وما ارتحت مرررررررررة وعطيت المكتب 200 دولار ونقلني لشقة لحالي عشان أكمل العقد اللي هو ستة شهور ونقلت بشقة لحالي مفروشة >>بإستثناء الأشياء المذكورة أعلاه << وما ارتحت

وبدت رحلة العوائل من عائلة إالى عائلة

جربت ثلاث عائلات كل عائلة شهر ولا ارتحت

وسكنت بموتيل شهر عشان احدد وش أبغى وبــ900 دولارر

وبعدها قررت التالي

أن أستأجر شقة وأثثها على مززاجي وأستقر فيها وفعلا سويت نفس الشي وارتحت راحة تاااامة حسيت إني غلطت أغلاط وتمنيت إني سويت هالشي من أول ما جيت

بالنسبة لوضعي طالب عزوبي فما بالك ابك انت ,,بالتأكيد إنك مع زوجك أو مع اخوك والراحة النفسية لكلا الحالتين مطلوبة أكثر من حالتي أنا

×××ملاحظة
يوم طلعت من الشقق المفروشة غرموني 486 دولار بالضبط

طبعا هذا الكلام بعد ما انتهت مدة العقد دقو علي وقالو

الروميت اللي كنت ساكن فيه نبي نسوي له تصليحات وتنظيفات

الروميت يبغاله 286 مشتركة كل واحد لازم يدفعها والشقة اللي لحالك لازم تدفع 200 وكلها خرابيط بس أنا ماسكيني بعقد و إنجبرت أدفعها


صح إني خسررت الكثيررر تقريبا 2700 بالتأثيث



لكن ما فيه زي الرراحه النفسية بأثاثك خاص <<نصيحة مجرررب,, ولو نقلتي تقدرين تنقلينه معك زي ما تفضل احد الاخوان انه نقل عفشه مع سيارة ب 700 دولار

وبالتوفيق

انا ساكنه بشقه غرفتين وحمام الله يكرمكم ومطبخ ومؤثثه كل غرفه بتلفزيون ....أما اغراض المطبخ انا شريتها لنفسي....

احس المفروش اريح لي ...اجارها 1260 بالمويه والكهرب واشتراك الكيبل معها.....

حسيتها افضل عشان اريح راسي من الفواتير ...صدق ماأدري من سكنها قبلي بس مجبورين لان الشقق الي لقيتها بعقود 6 اشهر وانا مابي عقود ...

والله بصراحة انا افضل الغير مفروش
في حالة واحدة فقط اذا كنت اعرف اشتري اون لاين لان العفش والفرش بيطلع رخيص


بالتوفيق للجميع

بس كيف الأسعار مقارنة بعندنا في السعودية أخاف مااجيب وأقول موجوده بس القاها بسعر مدبل

السلام عليكم ورحمة الله وبركاتة

الله يوفقكم ويسعدكم ويسهل اموركم
كل شخص له وجهة نظر وتجربتة يعيش وفق مايراه مناسب له لكنه نقيض الواقع العام
الذي يتعثر فيه الاغلبيه بالغربه دون حصر الامر على تجارب شخصيه محدوده تقع فيها اخطاء كثيره
اتمنى من الاخوه والاخوات عند قول تجاربه يكون هناك من الواقع الصحيح العام لا بالمنظور الشخصي المحدود للتذوق
..
انا افضل شقه مفروشه وشامله الخدمات ولاني في غربه الاسعار متفاوته من ولايه الى اخرى + الضريبه على كل شي تشتريه
البعض يفضل شقه فاضيه وياثثها على كيفه من منظوره الشخصي ويقول مراح يكلفكك شي ولكن الواقع العام يقول
ان الشراء والتاثيث مكلف جدآ وبتقولي السعر رخيص ناقص المتوفر لديك من سياره + ضريبه + وقت + جهد + البحث عن الراحه
والتفرغ للدراسه ... .. ومافي شي رخيص هنا اذا حسبتها صح بس راح تتعود على العموله وبتطنش
بتخاف من نظافة الشقه وممكن تكون مستعمله او فيها نجاسه اتوقع قبل ماتاخذ الشقه تخلي ادارة المبنى تعمل كلين كامل لها من والى
وممكن تصيب وتحصل شقه جديده انت اول الساكنين فيها وممكن ماتحصل سكن ابدا
..
الاسعار دبل مدبله + ضريبه = ممكن البعض مايحس بقيمة المدفوعات بحسب معيشتة الشخصيه لا العامه الي قد تحاكي جميع الطبقات العامه
:
لي شهر بامريكا اول ماسكنت بنزل لمدة اسبوع وتعبت وانا ابحث عن سكن لان فل = زحمه والحمدلله حصلت لي مؤقت شقه بعد طلب استثناء وحوسه
حصلتها فاضيه وسعرها منافس لسعر شقه قريبه من الجامعه ومفروشه وفيها خدمات من والى لكن الواحد احيانا يضطر يسكن لين يجد الاستقرار ولو مؤقت
والى الحين مااثاثتها لاني راح اتركها وابحث عن شقه مؤثثه وشامله الخدمات
..
بداية اول ماتوصل امريكا ممكن تحصل شباب تعرفهم ومتفق معاهم وممكن تنجبر تتعرف على شباب ويطيح وجهك من كثر ماتطلب منهم
وممكن تخسر فلوس رايح جاي على التاكسي وممكن يتاخر عليك التاكسي واحسبها على كل مشوار رايح جاي ومن وين الى وين ..
..
نصيحه وهذه وجهة نظر عامه
اذا تقدرون توفرون حاجاتكم الاساسيه من اكل وملبس واغراض مطبخ بالشنط ويكون والوزن مسموح لاتبخلوا من باب الاحتياط
ممكن الولايه الي راح تروحوا فيا ينقصها كثير اشياء اساسيه وتضطروا تسافروا او تجلبوها من البلد عبر البريد
بنسبه للمتزوجين اوما العزابي اتوقع يمشي حاله ويقدر يصبر غير لمن تكون زوجته او زياده عياله راح يحوس حوسه عدله
..
السكن يعتمد على ذوقك وتصنيف جدولة حياتك بالغربه واين تفضل الراحه او الجهد للبحث عن الراحه المشوار القريب او البعيد
:
السكن المفروش وشامل الخدمات هو اوليات المبتعثين بشكل اساسي بحت