استفسار عاجل .... والاجابه ضروريه جدا

السلام عليكم

ياشباب انا من طلاب المرحله السادسه عندي استفسارين :

الاول : هل استطيع ان احول البعثه من امريكا الى استراليا ؟

الثاني : بالنسبه للملتقى التعريفي هل يوجد تسجيل فيه .... اذا فيه انا ما سجلت وش الحل ؟


مشكورين

يمديك تحول

ومافيه تسجيل في الملتقى

^^

كيف يمديه يحول لاستراليا وهي مقفلة ما احد يبتعث لها في المرحلة السادسة .. !

صوت الهدوء

الراي رايك لكن والله ما أنصحك ابد انك تحول من امريكا لأستراليا

امريكا والله افضل بكثير بكثير من استراليا من جميع النواحي لا من بلد ولا من دراسه كل شيء والله

وفي النهايه فتحت الوزاره باب تغيير البلد مدة 3 اسابيع وانتهت في اخر يوم عمل قبل عيد الاضحى لكن مافيه مانع تحاول دامك مابعد رحت
الله يسهل امورك بس فكر في الموضوع زين والقرار قرارك

اما الملتقى مافيه تسجيل بتجيك رساله تخبرك الوقت والمكان ...

أول شي الملتقى زي ما أسلف أخوي ^^^^
التحويل له طريقتين إذا كنت تبع مكتب تجسير .. الطريقة الأولى تروح للوزارة وتطلب منهم الضوء الأخضر بتكليف تجسير بجلب قبول من استراليا وتكمّل معهم , طبعًا تراجع الوزارة وبيقولولك خلاص بنرفعلك طلب وانت داوم على موقع الوزارة لين تشوف جاك موافقة على التحويل أو لا .. لين جات بالسلامة تروحلهم تاخذ أوراق وتوديها تجسير

الطريقة الثانية انت تجيب قبول بنفسك من استراليا وتودّيه للوزارة وتقولهم أنا مبتعث بس حبيت أغير الدولة وهذا قبولي , ونفس الوضع انتظر أسبوع أسبوعين


مع إني أنصحك إذا بتحوّل من أمريكا !! لأستراليا .. تعال السعودية أصرفلك

الله يعطيكم العافيه على الاراء والنصائح

بس يا شباب انا شخص ملتزم وامريكا فيها عنصريه ضد الملتزمين

لا لا لا كلام بس وأصوات عشوائية
كل ولاية تختلف عن الأخرى وكل مدينة في الولاية تختلف عن نظيرتها وكل منطقة سكنية في المدينة تختلف عن أختها
اختر المكان المناسب والأجواء الممتازة ولا تنسى ان في مراكز اسلامية عالمية يديرها رجال دين ملتزمين عايشين هناك أحلى عيشة الحمدلله

طيب اخوي عندي حل

اطلب تحويل ع كندا ،،كندا بالنسبه لك احسن من امريكا ولا؟؟

بالنسبه لاستراليا فأقولها لك مستحيييييييييييييل يحولونـكـ لانها مو من ضمن دول

الابتعااث لهالمرحله

انااقول هالكلام عشان حدِّث العاقل بما يعقل

يعني دولة تقفلت هالسنه بيحولون طالب لها؟؟

حتى لو جبت قبول من مكتب ماراح تتحول لاستراليا

أنا حاولت قبلكـ وراح اخوي للوزارة نفسها ماتنفع هالطرق
لدول مقفله اساساً

وقال له الموظف تبغى تحول كندا متاح غيرها مومتااح

الله ييسر أمرك

والله اني محتااااار مررره